Udushya






gisenyi

Gisenyi: Daihatsu yagonganye na Hiace zirashya, umushoferi ahita yitaba Imana

Mu ma saa moya z’umugoroba wo kuri uyu wa Gatatu imodoka yo mu bwoko bwa Daihatsu yahiye ihita itwika na Hiace (taxi) yari itwaye abagenzi iva mu Mujyi wa Rubavu yerekeza Mahoko.

kigeli

Ezra Mpyisi ati: Kigeli naza Kagame agakomeza kuba Perezida u Rwanda ruzabona ishyano

Pasiteri Ezra Mpyisi wabanye cyane n’abami ndetse akaba aziranye bihagije n’umwami Kigeli V Ndahindurwa, ashimangira ko mu gihe uyu mwami yaramuka atahutse mu Rwanda ntajye ku ngoma ahubwo agataha nka rubanda Perezida Kagame agakomeza kuyobora igihugu, byaba ari amahano ashobora gutumwa igihigu cy’u Rwanda kibona ishyano.

nyagatare-3

Abaturage b’i Nyagatare basangira amazi n’inka hari icyo basaba Leta

Ntibimenyerewe ko umuntu arira ku mbehe imwe n’amatungo cyangwa ngo banywere ku nkongoro imwe. Ibi ariko siko bimeze mu Murenge wa Rwimiyaga kuko abaturage banywa ndetse bagakoresha mu buzima bwa buri munsi amazi inka zatayemo amase zikanagangamo, bakaba basaba Leta amazi meza.

nyamirambo

Nyamirambo: Umwana w’imyaka 5 yibana mu nzu wenyine nyuma y’uko nyina afunzwe!

Mu murenge wa Nyamirambo, mu kagari ka Mumena hari umwana w’imyaka itanu gusa y’amavuko umaze hafi ukwezi kose yibana mu nzu wenyine nta muntu mukuru babana, nyuma y’uko nyina ajyanywe gufungirwa mu nzererezi.

caritas

Gisenyi:Abarwaye Kolera bagiye gushyirwa mu nkambi yihariye

Inzego zifite ubuzima mu nshingano mu karere ka Rubavu zamaze kwemeza umwanzuro wo gushyiraho inkambi yihariye, izajya ishyirwamo abaturage bamaze gufatwa n’icyorezo cya Kolera, kirimo kwiyongera cyane muri aka karere.

Imibare mishya itangwa n’izi nzego, iragaragaza ko abaturage bafashwe na Korera bavuye kuri 30 ubu bakaba bamaze kuba 60, kandi hari impungenge ko iyi mibare ikomeza kuzamuka.

Imibare y’abafashwe n’iki cyorezo iriyongera mu gihe hari n’abatangiye guhitanwa n’iki cyorezo, dore ko mu cyumweru gishize abagera kuri 4 bo mu kagari kamwe ka Rusangati mu murenge wa Kanama, bapfuye bazize iki cyorezo.

Dr Maj. Kanyankore William, umuyobozi w’ibitaro bya Gisenyi avuga ko bafashe uwo mwanzuro wo gushyiraho inkambi mu rwego rwo kudahagarika ubuzima bw’abaturage.

Yagize ati:”Imibare yarushijeho kwiyongera, tugiye gushyiraho inkambi ku buryo buri muntu wese ufashwe na Kolera aho yaba ari hose azajya ahita ajyanwa muri iyo nkambi. Tubikoze kugira ngo ibintu byo gufunga ahantu hatandukanye ubuzima bugahagarara biveho, turasaba abaturage kurushaho kongera isuku.”

Sinamenye Jeremie, umuyobozi w’Akarere ka Rubavu, avuga ko iki kibazo cya Kolera cyari cyageze mu mirenge itatu, ariko ngo bahisemo kugikumira mu karere kose, ari nayo mpamvu bagiye gutangiza inkambi.

Ati:“Kolera yaragaragaye, ingamba dufata ni ugutuma idakomeza gusakara mu baturage batuye akarera, mu cyumweru gishize twari dufite abagera kuri 30 bafashwe na Kolera, ariko biyongereye barenga mirongo 60.

Inkuru irambuye>>

hafunze

Gisenyi: Batatu bo mu kagari kamwe bishwe n’impiswi

Ubuyobozi bw’Akagari ka Rusangati Umurenge wa Kanama mu karere ka Rubavu bwemeza urupfu rw’abantu batatu bivugwa ko bahitanywe n’impiswi mu gihe cy’icyumweru kimwe.

Ibi byatumye ahantu hatandukanye hacuruzizwa ibiribwa bihiye n’ibinyobwa bidafunze muri uyu murenge hafungwa mu gihe cy’iminsi 10 kubera ikibazo giteje inkeke cy’isuku nke yagaragaye ikekwa kuba intandaro z’uru rupfu.

Ahafunzwe harimo amabagiro,utubare ducuruza ibigage n’urwagwa,amaresitora n’ahandi hatandukanye, mu minsi 10 hakaba hagiye gukorwa ibikorwa byo kureba ahujuje ibyangombwa ahatabyujujwe hakazafatirwa ibyemezo birimo n’ibihano.

Inkuru irambuye>>>

cite

Cyangugu: Abaturage bagiye gukoma mu nkokora iyubakwa ry’imihanda ya kaburimbo

Mu gihe biteganijwe ko guhera mu kwezi kwa Nzeri uyu mwaka mu mujyi wa Rusizi hazubakwa imihanda myinshi ya kaburimbo, haravugwa imbogamizi zishobora kwitambika muri iki gikorwa cyangwa zikagikerereza.

ibiryo

Rwanda: Ibiciro byiyongereyeho 5.5 % ku masoko

Ikigo cy’Igihugu cy’Ibarurishamibare, NISR, cyatangaje ko ibiciro byo ku masoko yo mu Rwanda byiyongereyeho 5.5% muri kwezi gushize kwa Kamena, mu gihe muri Gicurasi byari byiyongereyeho 4.6%.

abayede

Leta y’u Rwanda yahagurukiye gusoresha abafundi n’abayede

Ikigo cy’igihugu cy’imisoro n’amahoro (RRA) kigiye gushyira ingufu mu gusoresha inyubako kugeza kuri ba nyakabyizi bazikoraho (abafundi n’ababafasha).

Ibyo bikazajya bikorwa uhereye inyubako igitangira kugera irangiye mu rwego rwo kwirinda amakosa yajyaga akorwa.

abarimu

Rwanda: abarimu basigaye bigurira ingwa!

Bamwe mu barimu bigisha mu bigo by’amashuri bitandukanye mu Rwanda baravuga ko bafite impungenge ko ingwa bari gukoresha muri iyi minsi zishobora kubatera indwara z’ubuhumekero kugeza ubwo bamwe mu barimu bahitamo kwigurira izo bandikisha.