Udushya






imyumbati

Imyumbati icyenda yatumye isambu y’umuturage igurishwa!

Ubuyobozi bw’Umudugudu wa Gatare mu Kagari ka Mwendo mu Murenge wa Mbuye ho mu Karere ka Ruhango burashinjwa kugurisha isambu ya Sinzibiramuka Eduard kubera imyumbati icyenda umwana we yibye.

Ministre Nsengimana

Rusizi: Min. Nsengimana yatunguwe no gusanga biga mudasobwa mu magambo gusa

Minisitiri w’Urubyiruko, ikoranabuhanga n’isakazabumenyi Jean Philbert Nsengimana, yatunguwe no kumva ko hari bimwe mu bigo by’amashuri byigisha ikoranabuhanga mu magambo gusa, aho umwana aba yiga mu mashuri yisumbuye atarabona mudasobwa.

rusizi

Bugarama: polisi iravuga ko yishe 3 bakekwaho iterabwoba!

Abantu batatu bikekwako gukorana n’imitwe y’iterabwoba barashwe na polisi barapfa ubwo bageragezaga gutoroka, abandi babiri barakomereka.

nyagatare

Abantu 74 babuze ubwishyu bafungirwa mu bitaro

Ibitaro bya Nyagatare byabujije abarwayi 74 gutaha kuko babuze amafaranga yo kwishyura serivizi zitandukanye z’ubuvuzi bahawe, ubu bamwe muri bo bakaba bamaze amezi hafi abiri bari mu nzu imwe bashyiriweho.

musanze

Ruhengeri:Bamwe mu biga muri Musanze Polytechnic batunzwe n’ibisheke

Bamwe mu banyeshuri biga mu Ishuri Rikuru Nkomatanyamyuga rya Musanze (Musanze Polytechnic) barataka inzara batewe n’uko bamaze amezi arenga abiri batabona inguzanyo ya buruse bityo bakaba batunzwe n’ibisheke biririrwa bakanabirarira muri iyi minsi basigaye ku ishuri mu gihe ibindi bigo biri mu biruhuko.

abaturage

Musanze:guhinga amasaka bisigaye bifatwa nko guhinga urumogi

Bamwe mu baturage bo mu Murenge wa Nyange bavuga ko babyuka mu gicuku iyo bakeneye kujya kubiba amasaka,kuko atari mu bihingwa byemewe ahahujwe ubutaka.

Iyo hagize ufatwa ahabwa ibihano birimo no gukubitwa ndetse agategekwa kuyaranduramu iyo amaze kumera.

Ibirayi, ibishyimbo, ibigori, ibireti, ingano nibyo bihingwa byatoronyijwe guhingwa ku buso runaka mu Murenge wa Nyange, ibindi bitatoranyijwe bigahingwa ahandi hasigaye ariko ku buso butoya.

Ibi abaturage ntibabikozwa, dore ko bahitamo kubyuka mu gicuku bajya guhinga amasaka bafata nka kimwe mu bibafitiye akamaro kuko byabyazamo ibintu byinshi birimo igikoma, umutsima, ikigage n’ibindi.

Ibi byaravugiwe mu kiganiro ‘Urubuga rw’abaturage n’abayobozi, gitegurwa n’umuryango w’abanyamakuru baharanira amahoro ‘Paxpress’ ku wa 17 Kanama 2016.

Ukwizagira Leonard atuye mu Kagari ka Ninda yagize ati “Nta bwisanzure dufite bwo guhinga isambu twahawe na ba sogokuruza. Abantu bajya guhinga amasaka mu gicuku, kandi iyo bafashwe bategekwa kuyarandura bakanahanishwa ibindi bihano.”

Inkoni ziravuza ubuhuha

Umuturage uciye mu rihumye ubuyobozi agahinga amasaka, cyangwa agafatwa urwaho arimo kuyabiba ahabwa ibihano birimo no gukubitwa.

Nyirantarama Venantie, avuga ko umukobwa we yakubiswe n’umukuru w’umudugudu azira ko yahinze amasaka. Yagize ati “Umukobwa wanjye yakubiswe na mudugudu witwa Kayumba, amuhoye ko ari guhinga amasaka muri site y’ingano.”

Nshunguyinka Emmanuel, avuga ko abatuye mu Mudugudu wa wa Gisingwa, bakoze inama bakemeza ko bagomba guhinga amasaka, abayobozi bakabihindura.

Yagize ati “Iyo batubwiye ngo duhinge ingano ntabwo tubyumva kuko zituma ubutaka burumba, mu gihe amasaka afumbira ubutaka. Hari umukecuru uherutse gukubitirwa ku Kagari na Dasso kuko yayahinze.”

“Amakuru yo gukubita abahinze amasaka sinari nyazi”

Umunyamabanga Nshingwabikorwa w’Umurenge wa Nyange, Nteziryayo Emmanuel, avuga ko amakuru yo gukubita abaturage atari ayazi.

Yagize ati “Amasite y’ubuhinzi muri buri kagari arazwi, hari urutonde rero rw’ibihingwa byatoranyijwe bifiye uruhare mu gucyemura ikibazo cy’ibiribwa mu gihugu cyacu kuko ntabwo duhingira imiryango yacu gusa, duhingira n’abadahinga. Mu bihingwa byatoronyijwe amasaka ntarimo.”

Uyu muyobozi ntiyemeranya n’abaturage bavuga ko batagira uruhare mu gutoranya ibihingwa. Ati “Inama z’ubuhinzi zabayeho, ubuyobozi bufatanyije n’abajyanama b’ubuhinzi batoranya ibihingwa. Ikibazo tugifite ni uko hari abaturage bakomeje gutsimbarara ku masaka bishingiye ku myumvire yabo.”

Uyu muyobozi yakomeje avuga ko amasaka atari igihingwa cyatoranyijwe, usibye ko ngo atanaciwe. Ati “Ibihingwa byatoranyijwe bihingwa ku buso bunini, ibindi bisigaye harimo n’amasaka bigahingwa ahasigaye. Ku kijyanye no gukubitwa ntabwo ari ubuyobozi bwatumye abo babakubise, umuturage iyo anyuranyije n’amabwiriza agomba gushyikirizwa ubuyobozi, cyaba ari icyaha gihanwa n’amategeko agashyikirizwa Polisi. Mu bihano dufite ntabwo inkoni zirimo, nta muturage wigeze ansanga ngo ambwire ko yakubiswe. Umuturage wakubiswe namusaba ko yaza akanshyikiriza icyo kibazo.”

Nubwo abaturage bakomeje gutsimbarara ku masaka, igiciro cyayo usanga kiri hasi ugereranyije n’ibindi binyampeke, dore ko ikiro cy’amasaka kigura hagati y’amafaranga 200 na 300, mu gihe ikiro cy’ingano kigura amafaranga ari hagati ya 500 na 600.

Leta y’u Rwanda yashyizeho gahunda mbaturabukungu mu buhinzi hagamijwe kwihaza mu biribwa no kurwanya ubukene. Iyi gahunda yemejwe n’Inama y’Abaminisitiri yo kuwa 14 Nzeli 2007 mu rwego rwo kugera ku ntego z’icyerecyezo 2020, itangira gushyirwa mu bikorwa mu gihembwe cy’ihinga cya 2008 A (Nzeli 2007) ishingiye ku nkingi zirimo guhuza ubutaka bugahingwaho igihingwa kimwe cyatoranyijwe kandi kiberanye n’Akarere.

Muri iyi gahunda Mbaturabukungu mu buhinzi, ibihingwa by’ingenzi byitabwaho ni ibigori, ingano, ibishyimbo, umuceri, ibirayi , imyumbati, Soya n’urutoki. Ibi bihingwa byatoranyijwe kubera ko bitanga umusaruro mwinshi, bifite isoko imbere no hanze y’igihugu, ndetse bishobora kongererwa agaciro no guhunikwa.

Kuki amasaka atabarirwa mu bihingwa byatoranyijwe?

Ubushakashatsi bwagaragaje ko umusaruro w’amasaka utiyongera iyo hakoreshejwe ifumbire. Iyo amasaka ahinzwe ku buryo bwa gakondo, umusaruro uboneka kuri hegitari ni muto cyane (500kg/ha). Ariko iyo hakoreshejwe ifumbire,imbuto nziza kandi tekiniki z’ubuhinzi zigakorwa neza haboneka umusaruro uri hagati ya toni 1 na toni 1,5 kuri hegitari.

Abaturage bavuga ko iyo bafashwe bahinga amasaka bakubitwa

Nshunguyinka Emmanuel asobanura ibibazo abafashwe bahinga amasaka bahura na byo

Umunyamabanga Nshingwabikorwa w’Umurenge wa Nyange asaba ko abaturage bahuye n’ikibazo cyo gukubitwa bakimugezaho

emma@igihe.rw

HCR

Imodoka ya UNHCR yakoze impanuka, Polisi isangamo urumogi

Imodoka y’Ishami ry’Umuryango w’Abibumbye ryita ku mpunzi (UNHCR) yo mu bwoko bwa Toyota Land Cruiser yakoze impanuka kubera umuvuduko urenze utegetswe yasanzwemo ibiro 86 by’urumogi.

US ambassador Rwanda

Imodoka yari itwaye uhagarariye Amerika mu Rwanda yahitanye abana babiri

Kuri iki cyumweru tariki ya 14 Kanama 2016 mu murenge wa Giheke, mu karere ka Rusizi,  Imodoka yari itwaye Ambasaderi wa Leta Zunze Ubumwe za Amerika mu Rwanda, Erica J. Barks Ruggles, yakoze impanuka igonga abana batatu bari bahekanye ku igare, babiri bahita bitaba Imana, undi arakomereka bikabije.

Umuvugizi wa Police, ishami rishinzwe umutekano wo mu mihanda, CIP Emmanuel Kabanda yemereye Umuseke ko iyi mpanuka yabaye, ndetse ko yahise ihitana abana babiri.

Iyi mpanuka yabereye mu kagari ka Giheke mu Murenge wa Giheke i Rusizi, yabaye ahagana saa 14h00 z’amanywa.

Inkuru irambuye>>

rusizi

Bugarama:Abantu bikekwa ko ari abasirikare b’u Burundi barashe Umunyarwanda

Umusore witwa Kwizera Jean, w’imyaka 20,utuye mu mudugudu wa Buhanga,akagari ka Pera mu murenge wa Bugarama yarashwe n’abantu avuga ko bari bambaye gisirikare kandi bavuga Ikirundi arakomereka cyane mu ijoro ryo ku wa 13 rishyira kuri uyu wa 14 Kanama.

padiri-nyumbayire

Rwanda: Hari abayobozi Padiri Nyombayire afata nk’abasongarere barisha ikiyiko mu cyibo

Padiri Prof. Nyombayire Faustin yatunze urutoki abayobozi bakandagira nkana umuco nyarwanda, Ikinyarwanda bakigira nk’abatakizi, bakakivangavanga n’indimi z’amahanga na zo batazi neza.