Ubu tuvugana hari abantu benshi bari mu kaga (bashobora kuzavamo bigoranye) bashyizwemo :
1. No Kudakora akazi bashinzwe
2. kwisanga ahantu habi mu bihe bibi
Ayo makosa bakoze cyangwa se ibyago byabaguyeho akenshi byaterwaga no kutamenya cyangwa se kutagira abo bigiraho isomo bityo ngo bagire amakenga yuko babyitwaramo byaba ngombwa bakanabireka burundu.
Mbashubije inyuma gato: FPR imaze gufata ubutegetsi abahutu itashoboye kwica cyangwa gufata baari mu nzego z’ubutegetsi zose mbere ya 94 yarabafunze, abashoboye kuyicikira mu mahanga ibakurikiza imijugu-jugu yitwa mandats d’arrets kuburyo nubu tuvugana iracyabatoratora umwe umwe.
Ku muntu wakurikiye neza dossier zaba bantu ahita abona ko hari ibimenyetso birenze kimwe byerekana ko benshi mu bantu bari hanze FPR ishinja Genocide ibaziza gusa:
1. Kuba bari mu mashyaka atavuga rumwe nayo
2. Kuba bafite amafaranga menshi ariko bakanga kuyoboka Diaspora
3. No kuba bari bakomeye cyangwa bavuga rikijyana mbere ya 94
a) Bike mu bimenyetso byerekana ko barengana nuko iyo ugiye aho aba bantu bavuga ko bakoreye ibyaha akenshi usanga batarijanditse mu bwicanyi ahubwo ugasanga barakijije bakanahisha abatutsi benshi muri 94
b) Ikindi nuko ku muntu wakurikiye neza Gacaca yabonye ko abashinjaga biyaranje bagashakira mu bahutu bakize cyangwa bize bari hafi aho abishi bishe buri mututsi wese waguye muri quartier cyangwa se ku gasozi k’iwabo ushyizemo nabo bavuga ko bishwe nabahutu baheze ishyanga
America yafatiye ukuguru FPR igashobora gufata igihugu yahise yihutira kuyifasha gushyiraho urukiko rwa Arusha rwo gufunga abahutu bose bari bakomeye muri Leta ya Habyarimana kugirango batazavuga amahano n’uruhare rwabo na Kagame twabonye 94 mu Rwanda, yanabafunze kandi kugirango ikumire kwishyira hamwe bagatera Kagame bakamwambura igihugu bityo bikaburizamo umugambi wabo wo gusahura Congo
Reka turebere hamwe zimwe mu mpamvu zashyize umubare munini w’abanyarwanda mu kaga nicyo ubu abashaka kwiga bakwigiraho:
1. KUDAKORA AKAZI USHINZWE (Irresponsable)
Nubwo u Rwanda ntako rutagize rushinja ibinyoma bivanze n’itekinika ndetse n’Amerika ikabibafashamo ariko Urukiko rw’ Arusha rwashoje imirimo yarwo rudashoboye kubona ibimenyetso byerekana ko Genocide Kagame yireguza kuri buri cyaha cyose ashinjwe yateguwe, urwego rwa Leta yateguriwemo ndetse nuwayiteguye akaba ariyo mpamvu bidatangaje kubona bamwe mubo rwari rufunze rwarabarekuye ahubwo benshi BAHAMWA N’ICYAHA CYO KUBA NTACYO BAKOZE MU BUBASHA N’IMBARAGA BARI BAFITE NGO BARWANE KU BATUTSI BICWAGA (irresponsable) ku bantu bari mu Rwanda 94 babonye ko Inkotanyi zahise zirasa ku bigo bya gisirikare byose nyuma gato yo kwica Habyalimana ku rundi ruhande nabwo intagondwa z’abahutu n’interahamwe (zivanze na network commando ya Kagame) bari bamereye nabi abatutsi bityo byari bigoye ku musirikare mukuru gushaka ingabo zijya gukiza abatutsi kandi nawe ari mu ntambara itamworoheye, ariko ibyo abacamanza ba Arusha banze kubyumva baranga barabakatira kuko kurinda igihugu, abaturage n’ibyabo biri mu nshingano z’igisirikare n’igi Police.
Ubu abategetsi nako abafatanya cyaha ba Kagame mu marorerwa yakoze nubu agikora bumva koko ari iyihe ngingo izabagira abere mu mategeko ahana? Niba umuntu wari mu ntambara amasasu amumereye nabi aryozwa ko ntacyo yakoze ngo atabare abantu ubu aba ba Generals birirwa bakomera Kagame amashyi banamutaka ukuntu ngo we n’ubutegetsi bwe ari indashyikirwa, bumva bo koko bazireguza iki?
Abantu ubu bari mu nzego nkuru za Leta ya FPR ku myanya ikurikira hari icyo bari bakwiye kwigira hano:
a) Igisirikare
b) Igipolisi
c) Abadepide n’aba senateurs
e) Aba Ministre
f) Ba Meya na Gouverneurs (Burugumestre na Perefe)
Ubwicanyi, ubuhotozi, ubujura, urugomo, gufungira abantu ubusa, iyica rubozo n’ibindi byaha byose FPR yakoreye nubu igikorera abanyarwanda bicurirwa mu nama nkuru ya FPR maze ikabiha inzego za Leta zitandukanye maze nabo bakaza bariye karungu bahindamo ubudehe abaturage babishyira mu bikorwa, hari ababikora bishimye hakaba n’ababikora batemeranya nabyo ARIKO BAKABIKORA, Nge njya nibaza:
1. Nk’umucamanza ukatira umuntu imyaka 10, 15, 30 cyangwa se burundu kandi abibona neza ko arengana ngo nuko yabitegetswe na Kagame,
2. Umusirikare cyangwa umu Police wica umuturage ashinzwe kurinda ngo nuko Kagame yabitegetse,
3. Cyangwa Ministre uvuga ngo nibateme intooki banarandure imyaka y’abaturage cyangwa ngo bimure abantu nta ngurane ngo niko Kagame abishaka,
* Aba bantu koko ntacyo amateka abigisha ngo barebe ibyabaye kuri bagenzi babo maze bumve ko hari umunsi bazabiryozwa bakajya mu nkiko kwisobanura Umucamanza atitaye kumva ibisobanuro bamuha ngo bari bantegetse?
* Ubu koko nk’umusirikare cg umuporisi urasa umuturage mu gihugu bavuga ko kirimo amahoro azasobanurira iki umucamanza kdi azi neza ko Polisi idafite mu nshingano zayo guhana (Nubwo uregwa koko yaba yakoze icyaha) ko ahubwo ko ari akazi k’urukiko?
* Ubuse n’aba bacamanza nako abakozi ba FPR birirwa babyinisha abantu muzunga mu nkiko baca imanza zo kuri Telephone bazavuga ngo baradutegekaga kandi mu bitabo bibateretse imbere handitsemo ko umucamanza atavugirwamo ntanakoreshwe n’abanyabubasha?
* Abasenateur n’Abadepide icyampa nkazaba nkiriho nkumva ukuntu bisobanura kuba ntacyo bakoresha ububasha bahabwa n’amategeko ngo beguze mu maguru mashya Perezida Kagame mu kuba ari kujyana u Rwanda mu Rwabayanga barebera.
Nibyo koko Kagame arica kdi ubwicanyi bwe ku muntu umurwanyije byaba mu mahoro cyangwa ku mbunda abusangiza nabo mufitanye isano cyangwa se inshuti zawe za hafi, ariko izo mbaraga n’icyizere cyo kumva ko agomba gukora icyo ashaka igihe ashakiye abiterwa no kuba akoresha abantu bamwumvira babanje kwitandukanya n’ubwenge bwabo baterwa no kuba barimuriye ubwonko mu gifu bityo rero umuntu wese uri mu gatsiko ku mwanya ugira uruhare mu gushyira abanyarwanda mu kaga niyo we ku giti cye yaba atemeranya nabyo ariko akaba ashyira mu bikorwa amabi ategekwa ntaho azakicira ubutabera IBYO MWICARE MUBIZI.
Benshi mu bahutu bahoze ari abayobozi mbere yuko FPR ifata ubutegetsi bazize gusa kuba muri Gouvernement ishinjwa ubwicanyi butanayihamye mu nkiko mpuzamahanga, iyo wenda baza kumenya kare kose ko ibintu bizarangira kuriya baba barasezeye ku mirimo yabo Habyalimana akimara gupfa igihe igihugu kinjiraga mw’icuraburandi ariko yenda kuko bumvaga ko ari ibibazo bizakemuka vuba igihugu kigakomeza kuba uko byari bisanzwe byatumye bizirika ku myanya bari bafite ari nayo gusa ibakozeho (siko bose ariko barengana)
Igihe ibihugu by’abarabu bo mu majyaruguru y’Africa bakoraga imyigaragambyo yo gukuraho abatetsi babo, abenshi mu basirikare n’abaministre bavuye ku ruhande rwa Leta bajya ku ruhande rw’abaturage iryo naryo n’isomo rikomeye ku bantu bari mu bantu bari muri FPR bashaka kuzagira amasaziro meza.
NTARIRARENGA
Nta kabuza ko Kagame igihe azaba atagihari ngo arinde abakozi be inkiko, benshi bazihutira kuvuga ko bashyiraga mu bikorwa amabwiriza ya Shebuja ariko bo babibonaga ukundi (Nubu hari abo njya numva babivuga) ariko icyo gihe amazi azaba yarenze inkombe kuko bazaba baragize umwanya uhagije wo kwerekana ko batari kumwe na Kagame mu mabi akorera u Rwanda bakawufpusha ubusa.
WANGA KWIRUKA NGO UTAGWA UKANGA UKAGWIRA UBUSA
Niba koko utemeranya n’agatsiko ariko ukaba ukarimo ushobora ku buryo butunguranye gufata ijambo mu kiganiro kiri guca kuri Radio cyangwa se TV en directe/live cyangwa se mw’ibanga rikomeye ugatumira BBC, Aljazeera cyangwa CNN ukavuga ko weguye ku mirimo yawe ukaba kandi witandukanyije na Leta ya Paul Kagame ku bwicanyi ikorera abanyarwanda ubundi ugahebera urwaje kdi ubikoze gutyo ntiyaba akikwishe kuko isi yose camera yazitunga mu Rwanda na za HRW/droit de l’homme bagutabariza
Uti byatanga uwuhe musaruro?
Ibaze nk’Umukuru w’ibagiro ry’Kami ahisemo kwitangira u Rwanda n’Abanyarwanda agakora igikorwa cy’ubutwari nkiki ? Umuntu ukomeye nkuyu yabitekereje ntiyabiburira ibimenyetso by’amajwi n’amafoto ndetse na videos yashyira ahagaragara kugirango batamuhindura umusazi (Fcbk, Twitter) by’ukuntu RDF yirirwa yica urubozo abana b’u Rwanda, ngaho mbwira ukuntu Kagame yakwikura aha hantu? induru n’amaperereza mpuzamahanga yakorwa ku Rwanda yatuma ririya bagiro barifunga bityo no kwica bakaba babigabanyije cg se bakanabireka, uribaza ubuzima bwa benshi yaba akikije? Ese hari intwari u Rwanda rwazigera rugira nkiyi? kandi yanatinyura na benshi batinya kuvuga bishobora no kuba amaherezo y’agatsiko n’umumotsi wako Tom Ndahiro n’abandi nkawe aha ho sinzi aho bahera badefanda Shebuja.
Undi muntu ushobora gukora nkibyo agahindura ibintu byinshi mu Rwanda ni Kontabulee/Manager wa FPR. uyu muntu aramutse nawe avugiye ku karubanda ari mu Rwanda ko yitandukanyije na Kagame nibye byose kubera ubujura bwe ndengakamere akabivuga yifashishije inyandiko y’amafaranga Kagame atunze yaba ari mu mazina ye cyangwa se ayabandi benshi mu rubyiruko inzara n’ubushomeri bimereye nabi mu Rwanda n’abasirikare ahemba urusenda bajya mu mihanda bamaze kubona ko Kagame ubwe akize kurusha u Rwanda yarangiza akabicisha inzara ku bwende.
Uwo nabeshya nuwo nabwira ko yakora ibyo mvuze ruguru hakabura ingaruka nimwe imugeraho, gusa icyo nzi neza nuko atakwicwa cyangwa ngo hagire ukora ku muryango we, impamvu nuko waba ufite abavugizi benshi kurusha abishi kdi benshi mu bakurwanaho n’imiryango itegamiye kuri Leta n’ibihugu bitera u Rwanda inkunga kandi aba nibo Kagame atinya kubi kuko iyo bavuze abura amahoro.
Igihe cyose havutse ikibazo gikomeye n’umuti uko byagenda kose urasharira Kagame n’agatsiko igihe cyose tuzakomeza guceceka no kutagira icyo dukora nawe azumva ko bisanzwe kwica no kwiba uko abyumva ntacyo yikanga.
NGO WANGA GUHA AMARASO IGIHUGU IMBWA ZIKAYANYWERA UBUSA
Hari abantu benshi banze kwitangira igihugu muri ubu buryo ngo badapfa cyangwa bagafungwa ariko n’ubundi biza kurangira nyuma bishwe nabi mu buryo busuzuguritse abandi barafungwa bazira n’ubusa na niyi saha tuvugana bakaba bakirimo badafite n’icyizere cyo kuzasohokamo, abanyamahirwe bashyizwe ku gatebe baranakeneshwa ku buryo babayeho mu bukene bitabereye imyanya ikomeye bigeze kugira mu gihugu.
Nta muntu waba Umutoni kwa Kagame ngo arushe Col Tom Byabagamba na Lt Col Rose Kabuye, ubuse Dr Gasakure iyo aza kumenya ibizamubaho ntaba yarakoze nkibyo navuze ruguru akaba akijije benshi nawe atiretse? ubuse ko mutinya urupfu, uburoko n’ubushomeri kandi n’ubundi bimaze kugaragara ko aricyo kibategereje kandi mukazegenda ntanicyo mumariye u Rwanda? ubu se Igikwerere Lt Col Rene Ndendahimana kumusezerera mu gisirikare akiri umusore ugasiga Umusaza w’ikimuga Ibingila koko ntacyo bikwigisha ko wanga kwiruka ukagwira ubusa? Ubuse Afande Rene bamwirukanye yavuze iki kibi? Abishwe bo urutonde ni rurerure mubazi kundusha cyane ko bamwe muri mwe mwahawe amabwiriza yo kubica? Nonese nta gihe ujya wicara ukumva uko bakubwira kwica bagenzi bawe ariko nawe bazabwira abandi kukwica?
