Ibihwihwiswa:ingabo za Kagame ziritegura kugaba ibitero muri Kivu y’Amajyepfo: Pierre Nkurunziza niwe uvugwa ko yatanze inzira zo kugaba ibyo bitero

Amakuru aturuka ahantu hizewe aremeza ko Kagame ari bugufi kugaba ibitero muri Kivu y’amajyepfo nk’uko yabiteganyije mbere yo gutangiza akavuyo mu burasirazuba bwa Kongo. Ayo makuru akomeza avuga ko ingabo za Kagame zimaze iminsi zambuka umupaka w’Uburundi ari nyinshi zinyuze ku kanyaru haut mu gace kerekera mu karere ka Gisagara gahana imbibe na Kirundo.

Akandi gace ingabo za Kagame zinjirira mu Burundi ni aherekera mu Bugesera ndetse na za Kirehe kuko ibi bikorwa mu rwego rwo kujijisha. Izi ngabo nk’uko tubihamirizwa n’abarundi bazibonye bemeza ko zinyura mu kibira aho zikeka ko abazungu bafite ibikoresho bireba kure batakeka ngo bazitahure nyamara andi makuru yemeza ko byamaze kumenyekana kuko n’Umuyobozi ushinzwe gukurikirana ibyaha mpuzamahanga byibasira inyoko muntu muri Leta Zunze Ubumwe z’Amerika, Ambasaderi Stephen Rapp aherutse gutangaza ko Amerika ifite ibimenyetso birenze ibyatanzwe n’Umuryango w’Abibumbye ko u Rwanda rufasha inyeshyamba za M23.

Mu nkuru twabagejejeho mu ntangiriro z’iyi ntambara ku rubuga Rwanda Liberation rwaje kwinjirirwa n’intore za Kagame zikarwangiza bigatuma dushyiraho urushyashya, twababwiye uburyo iyi ntambara yashojwe n’uburyo Kagame yategetse ku ngufu abasirikari bakuru gutangiza iriya ntambara tunabereka uburyo yari afite umugambi wo kwigarurira Kivu zombi mu rwego rwo gushakisha ikibuga azakomeza gukiniramo igihe ibintu bizaba byamukomeranye.

Pierre Nkurunziza akiri inyeshyamba

Kuba rero Petero Nkurunziza ahisemo kumuha icyanzu anyuramo ajya guteza akavuyo muri Kongo ni ikibazo gikomeye dore ko ababikurikiranira hafi bavuga ko Kagame yamubeshye ko kumuha icyuho bizatuma amufasha kuvanaho inyeshyamba za Agathon Rwasa zimurwanya ariko kuba Nkurunziza yirengagiza imitwe ya Kagame bishobora kumuviramo na we ibibazo bikomeye kuko Kagame adateze gufata Kivu nk’uko abibeshya. Kuba kandi Kagame ataranyuze kuri Rusizi ngo yambuke muri Kongo akagomba kujya gusesera mu cyanzu kwa Nkurunziza ni ikimenyetso cy’uko yihishahisha kandi ukora atyo ntiyagira icyo ageraho.

Kagame rero n’ubwo yibeshya ko guca I Burundi ari byo byamufasha kwihisha abamushinja ko ari we ugaba ibitero muri Kongo siko bimeze kuko aho yanyura hose amaso aba amureba dore ko abasirikari yohereza banyuze mu gihugu cy’Uburundi bahaguruka nijoro bakagenda mu modoka zifunze (Coaster) kugirango batagaragara dore ko kugenda mu makamyo ya gisirikari bakeka ko ari byo byatumye tumenya ibyabo ariko n’ubundi byose turabikurikirana ku buryo buhagije kuko duhabwa amakuru mbere y’uko igikorwa giteganyijwe gitangira bityo tukabasha gukurikirana iby’icyo gikorwa. Nko kumugoroba w’italiki 14 Kanama 2012 ahagana mu ma saa moya z’umugoboba nyine, imodoka za Coaster z’umweru zifite ibyapa bya leta ya Kigali GR zahagurukanye abasirikari mu kigo cya gisirikari kizwi ku izina rya Camp GP zerekeza iya Kicukiro. Izo modoka zikomeza iya Nyamata zerekeza ku mupaka w’u Rwanda n’Uburundi. Birumvikana ko zigera mu Burundi bwije cyane ku buryo abaturage batazibona muri iryo joro ariko abatuye mu Kibira badutangarije ko babona abasirikari b’u Rwanda banyuzwa muri ako gace berekeza iya Kongo.

Birababaje cyane kubona umuntu nka Nkurunziza ubeshya Imana ko ari umurokore yinjira mu bikorwa byo kugambanira abantu no gutegura inzira zo kwica inzirakarengane. Nyamara yaba we yaba na Kagame ntibizabahira kuko Imana irwanya akarengane atariyo Nkurunziza asenga ahubwo byaragaragaye ko asenga bayari. Uyu mukino wa Kagame na Nkurunziza rero ntibazibeshye ko bazawutsinda n’ubwo bombi bamenyereye kumena amaraso ariko bamenye ko Imana y’inzirakarengane iri maso kuko Kagame ntiyakekaga ko ibihe bibi arimo kuri iki gihe byamubaho ariko amaraso y’inzirakarengane azamukenya.

Nkuranga
Sud

RWANDA IN LIBERATION PROCESS