Bamariye abanyarwanda n’abanyamahanga ku icumu none abazimu barabavumbukanye, bivugana abatambyi b’Uwiteka n’abataramakuru
Bagambiriye gucisha umutwe col. Diogene Mudenge none abadakubitiwe ibishirira ku ndiba y’isi aho bahungiye urwa Pilato, ngaba bamusanze mu za bukuru bububa
“Amahoro ku giti cy’umuntu,
N’ uburenganzira bushobotse
Mu mibereho ye n’abandi
Mu migirire yagennye ubwe,
Atabangamiye rubanda
Nk’uko bazira kubimugirira nabo, …”
(Umuririmbyi Nkurunziza Faranswa)
DMI yabaye indahiro none abayiyoboye mu bihe by’ikubitiro bose barahiwe I Nzaratsi ibusababagore! Banze I Rwanda kandi abanyarwanda ntibashize baracyanigana n’ibibi boretswemo ariko bariho! Baracyarimwo akuka k’abazima! amaherezo bazabyigobotora. Uhutaza aba babikoranye nawe nubwo yigize Ikimana n’Ikinaniramana ararye ari menge kuko yaratongerewe, yahenewe n’abagore bambaye ukuri gusa amahanga akanuye hakurya y’inyanja ngari, yavumwe mu marira y’impfubyi hakuno y’amazi magari, yahonzwe ishavu ry’ababyeyi bahekuwe, abapfakazi baramubarira iminsi kuko agahinda bagatuye Iyakare, n’abandi benshi! Uyu we ibye ntitubitindaho, urwe yararwiciriye nahame hamwe zimurye izo mbwa ze n’abavantara yagaburiye imibiri n’amaraso by’inzirakarengane amamiliyoni menshi, ngo aha arashaka kuzategeka ubutazima mu iteka ryose!
Tugarutse ku nteruro, abo nta bandi ni Kayumba, Karenzi na Nziza. Ibya KK na Kayumba byo ni ah’ubutaha kuko urubategereje ntiruboroheye! Tubagire umwe duhine ikiganiro, tuzabangikanya ubutaha iby’umwe n’undi. Aracikira he ko yigize ishyano riha ruswa abacamanza n’abatabariza imiryango yahekuwe, agacabiranya ari mu mugongo wa Sheri Blair, maze akibwira ko ab’isi yabagize ibicucu! Nahame hamwe, ibihumbi amagana by’abana b’u Rwanda n’ab’ahandi yatabye bamwe yabanogonoye abandi bahambwa ari bazima, abitwa ngo bashize impumu barokotse urwabirukansaga bagahura n’icumu baje basanganira bataziko basanze nyirabayazana, amaraso yabo agatemba mu yandi menshi! Ibi byose ni umuzigo uzamuhina akagongo kugeza ageze hasi ku itaka aharambaraye ubutabyuka! Ngo ahungiye ubucamanza mu bwami bw’umwana w’umwega wahavumiwe n’Imana y’i Rwanda nyuma yo Gutuka Mwuka wera? Arababaje! Dore amweretse uko zitambirwa rero. None ziraje zimurye ari mubisi. Iminsi iri imbere izatubwira. Amaraso y’Umutambyi utura igitambo cya Misa mu igabura ry’ukaristiya aramuhama nk’aho mvugiye aha! Ngo uwo yariho yivugana ni umwera wihaye kumenya amahano ye n’aya shebuja? Maze yajya gusibanganya ibimenyetso, yumviye shebuja, agahitamo umwanya umubiri n’amaraso bya Yezu biriho bisangirwa akahuranya umutambyi mu mutima maze ngo iryo shyano azarikira! Ijisho ry’Imana ntirihumbya! Azabaze Gahini mwene Adamu! Ishyamba rikiri inzitanie yewe na Kigali ikiri inzozi zirotwa ndetse urugamba ruhinanye, atumbere Mudenge yature ko azamuhamba azamwica mu bubasha n’udufuni yari abereye umugenga wa byose, maze bitinde bishyire cyera barubanemwo, nibita=inda Imana imugamburuze ayabangire Ingata niyigunga aho isi iterwa inkingi asanganizwe abahotozi yatoje cyera kwicira impunzi mu mahanga bamududubize urufaya mu mubiri, Mudenge Deogene akiriho uko Imana yamugeneye muri Kigari iriya turuzi. Ngo azarucikira hehe urwo rubanza rw’abatambyi n’abataramakuru, azarucikira hehe urubanza rwa roho z’abana bajyanye na ba nyina bakiri munda ku bw’agafuni, azazibandwa aziganisha hehe ko ubutaka bw’amajyaruguru y’u Rwanda bwuzuye umutuku w’amaraso y’abo yahatsinze ngo aranezeza umwega Kagame Polo, hakurya y’ikivu ubutaka bwabaye amaraso masa, none aratabaza ngo nibamukize Kagame! Rahira! Ngo kirya abandi bajya kukirya kikishaririza! Ijisho ry’Imana ntirihumbya, azabaze Gahini mwene Adamu!
Jack Nziza ati nzaruhuka Deogeni Mudenge abaye intumbi cyangwa awunereye ubuziraherezo!
Ibi bifitiwe gihamya. Iki si igihe cyo guhamiriza mu ruhame. Koloneli Mudenge aho ari mu buzima busanzwe agomba kuba yarumiwe yumvise izi nkuru zicicikana! azwiho gukunda abantu. Yarumiwe. Yagenzweho burira buracya, acurirwa ibicumuro adahari anabicurirwa ahibereye! Yarazibukiriye, yambaza iy’I Rwanda ariko abagome bakagendana bamuhonda. Yageze aho atakira abakuru bati kaze mboga zizanye, kuko nabo bakoreshwaga n’inzika itagira inkomoko! Ntiyamenye ko abo atakira aribo bamugera icumu ku bw’amakuru mahimbano n’Ishyari rimwe ribi cyane ryo mu ngeso mbi arizo Mizi y’Ibyaha! Hari mu gitaramo ijoro n’umuseke bibisikana kimwe kigenda ikindi kiza, I Bukuru bacinya akadiho bica n’akanyota, bati watanzwe ambara amapingu! Ibyari ibirori kuri we bihinduka kuraranganya! Yikanga nta umurangariye, bose bati “Urapfe upfuye n’ubundi iby’inshuti biragora!”, isabukuru y’intsinzi ayizihiriza mu maboko y’abagome. Jack Nziza aho ari ati “Ndaguhamije uzagwe iyo!”. Nguyu aciwe ku nshuti zibuzwa kumuba hafi zishyirwaho ikijisho gikanura nabi, abavandimwe babuzwa kumuhumuriza. Ab’imitima inangiye n’umutwe ukomeye mu rukundo baratsimbarara bamukomeza umutima amanywa yaka n’igicuku kinishye nabo bose bacirwa ishyanga aha ndavuga abarusimbutse naho abatarusimbutse bo ibyabo Imana niyo izagira icyo ibivugaho mu gihe kitarambiranye kuko ihora ihoze! Uwo ni Nziza Yakobo ukaraga inkoni y’ubugome ngo azahamba Deogeni Mudenge abona! Abo bose tuvuga babihagazeho bahigishijwe uruhindu hagororerwa abaganjwe n’ubupfura buke bwo kwirinda inshuti n’abanywanyi! Uwo ni Nziza ugena abahembwa n’abacibwa umutwe ashingiye ku mutwe we umwe gusa wifasha …!
Abamunangiye bakambikwa icyapa “Nabambwe” cyo kubagendaho aho banyuze hose n’aho bahungiye hose! Nyamara agatima Imana yababarije karacyatera n’icyizere mu maraso agatemba ni cyose. Ko atagohetse umwana w’umufumbira ngo arahamba uwo barubanyeho urugamba rwo gutabara, ko yakoze iyo bwabaga agacuma k’uburozi kagakama atamugaritse, ko yiyambaje inzaratsi n’amagambo akwizwa hose bikanga bikaba impfabusa, ko yanyanyagije iterabwoba n’ifaranga ngo abambishe utaramwifurije ikibi Imana ikahitambika! aho amaherezo ntamusanze mu Zabukuru yoherejwemo imburagihe ngo ab’I Bwidishyi badihe batarame, bagwe ivutu basinde amaraso y’abanyarwanda, nibamara bishongore bashire isoni incuke bazite Abana b’Imbwa, ababahatse bababatize Utuzungu tuzunguza …, abandi bahawe kuba abana b’Imana bitwe ibirohwa, ibigarasha, n’ibindi biterasoni! Aba nabo dore ibyabo byabaye akari ahja kajya he! Ingoma yabo iririwe ntiraye! Ikinamico ntiriramira ingoma irunduka!
Uguhora ni ukw’Imana.
Dusabire aba bose, Imana ibahe ugukira kwa Roho bo n’ababo ibahe kubaho mu gushaka kwayo, kandi natwe twese abanyarwanda bagorewe ku ngoyi n’ingoma y’agahotoro twinginge ngo duhabwe kuyubaha iteka, aribyo bizaduha guhozwa nayo. Ndabatashya mwese bavandimwe dusangiye igihugu.
(Umusomyi wa The Rwandan)
