Igipolisi cya Mozambique cy’ahitwa Trevo-Casa Branca ho muri Maputo, ndetse n’ikigo cy’igihugu gishinzwe impunzi Instituto National de Apolo aos Refugiados (lNAR) bari gukora iperereza Ku mirwano yabereye mu urusengero “Pantecoste Internacional de Moçambique” rw’abanyarwanda, igakomerekeramo abarenga 30 ndetse ibintu byinshi byari mu urusengero bikangirika. Iyi mirwano yabaye Ku cyumweru taliki ya 15 Nyakanga 2018, abakristo aho gukora amateraniriro nk’ibisanzwe bigabye ingamba maze batana mu mitwe karahava!
Ntibikiri ibanga ko ubutegetsi bwa FPR-Inkotanyi butagoheka iyo butabonye uko buhoza ijisho Ku banyarwanda baba abari mu gihugu cyangwa ababuhunze! Usibye kuzana abakozi babwo basanzwe nk’abaje gukora muri za ambasade, ubundi buryo ubutegetsi bukoresha mu kubona ababukorera muri ako kazi kabwo ni uguhuriza hamwe abiyita “Intore-Diaspora” bakaza nk’abaje kwiga, gukora ubucuruzi, gushinga insengero cyangwa nk’abahunze.
Abanyarwanda bari basanzwe bazi itorero rya Pantekote mu myaka ishize, babona neza ko iri torero ryahindutse mu buryo butangaje ndetse isura, icyubahiro n’icyizere ryagirirwaga, byarahindutse mu buryo bugaragarira buri wese. Ubu rero kuba noneho haberamo imirwano kugeza ubwo abantu baremana inguma abantu bagahurura abitwa abapagani akaba ari bo baza guhosha imirwano ni akumiro! Si uguhumanya isura y’itorero gusa, ahubwo abanyarwanda ndetse n’ubutegetsi bw’u Rwanda budasiba gushyirwa mu majwi muri iki kibazo ndetse n’ibindi bibazo byose biba bigamije guhemukira impunzi, nabwo isura yabwo irahangirikira!
Uko DMI yageze mur’iri torero
Ku bazi imikorere y’ubutegetsi bwa FPR, murabizi ko aho bubonye hose igikorwa kibyara agafaranga bugomba byanga bikunze gushyiramo abantu babwo kandi bugahatana ngo babe Ku isonga. Iyo myitwarire rero ntiyasize inyuma n’insengero ubusanzwe zubahirwaga ko ari izera. Niko byagenze mu matorero menshi yo mu Rwanda aho DMI yagiye ishyiramo abantu bayo ngo bashinzwe kuneka ibikorerwa mu nsengero bikarangira inyinshi bazigaruriye, izindi baziciyemo ibice n’aho izindi ibyari iby’Umwuka bihindutse iby’umubiri, kuri ubu insengero muri rusange mu gihugu cy’u Rwanda zikaba zarataye umwimerere wazo.
Iyo mikorere rero DMI yanayigejeje no mu bihugu abanyarwanda bahungiyemo. By’umwihariko aha muri Mozambique, mu mwaka wa 2012, uwari umushumba w’itorero Pantecoste Internacional de Moçambique, Pastor Zabulon MUNYANGEYO ku bushake bwe yeguye ku buyobozi maze bashyiraho undi aramusengera ndetse aranamwimika. Ariko kuko yari umupastori Diaspora iyobowe na Louis BAZIGA ndetse na DMI ibinyujije ku mukozi wayo witwa Pastor Didas HIRWA wahoze mu gisirikali cy’inkotanyi ndetse akaba ari na murumuna wa Philbert NDEKWE uhagarariye FPR muri Diaspora y’i Maputo, bashakaga gukoresha, bakubiswe n’inkuba maze bwangu na bwangu baramushaka bamusezeranya ibintu binyuranye harimo ngo no kumujyana muri America, ariko agakora uko ashoboye akisubiraho ku cyemezo cye cyo kuva ku buyobozi bw’itorero, akabanza akabushyira mu maboko y’uwo FPR izagena.
Yababwiye ko ibyo bintu bitamworohera wenyine niko kumushakira amaboko mu Itorero bamushakira abandi bapasiteri bo kumwiyungaho ngo bareme umutwe wo kwigomeka no kubohoza urusengero. Muri abo harimo uwitwa Pastor Elias NSABIMANA bakunze kwita Gahini na Pastor Augustin HABYARIMANA baje biyongera kuri Pastor Didas Hirwa.
Byaje kumenyekana ubwo bajyaga mu mwiherero na DMI rwihishwa mu bihugu bya Malawi na Zambiya mu mpera w’umwaka wa 2012, maze bagakubukanayo umukozi wa DMI witwa Faustin…. maze Zabulon agashaka kumwimika ngo yegurirwe urusengera birananirana. Abonye bikomeye ba shebuja bamwohereje mu yindi mirimo ya DMI muri Botswana.
Aho bitahuriwe ko harimo akaboko ka Leta ya Kigali kandi ko hari indi migambi ibyihishe inyuma, cyane ko bari batangiye kujya bazana abantu b’insoresore bo guteza akavuyo mu rusengero ngo bagamije kwiciramo umuntu cyane cyane uw’umunyagihugu ngo kugirango Leta ya Mozambique yirukane impunzi, ikibazo cyashyikirijwe ubucamanza ndetse n’ikigo k’igihugu gishinzwe impunzi (INAR)kirahaguruka.
INAR yanditse yihanangiriza abatera akavuyo mu gihugu bahungiyemo inabibutsa ko batagomba kuzana amakimbirane yo mu gihugu cyabo ku butaka bw’igihugu cyabakiriye.
Icyemezo cy’urukiko cyaje kihanangiriza abo bo mu itsinda rya DMI bayobowe na Hirwa Didas, kutongera guhirahira guteza umwuka mubi mu rusengero ndetse kinategeka ko hakorwa amatora y’ubuyobozi bw’Itorero, batoye hatorwa Pastor Joram BYIMANGIRA binemezwa n’iteka rya ministiri w’ubucamamanza Ref. 344/EMJCR/270.1.2018 ryo kuwa 03 Gicurasi 2018.
Aho kumvira, itsinda rya DMI ryarabigaramye rivuga ko ritakumvira inyuguti gusa “zidaturika”! Nibwo umuhungu wa Pastor Zabulon uba muri Norvège witwa Aaron, yanyuze i Kigali ajya gufata amabwiriza mashya yo guhangana, akaba yarayashyikije umugore witwa Claudette MUKANEZA uzwi ku izina rya Mama Bobo, ubu akaba ariwe uyoboye ibikorwa byose guhangana n’imirwano ibera mu rusengero.
Kuri ubu ikibazo cyikaba cyageze mu nzego z’iperereza n’iz’igipolisi. Biranuganugwa ko abo bizagaragara ko ari ba nyirabayazana b’izi mvururu bashobora kwirukanwa k’ubutaka bwa Mozambique kuko bimaze kurenza urugero.
Igihugu cya Mozambique ni kimwe mu bihugu bicumbikiye abanyarwanda benshi babanye neza n’abenegihu kandi igihugu kikaba gitanga ubwisanzure ku muntu wese uri kubutaka bwacyo. Ibyo byatumye abanyarwanda bahatuye bagera aho bivana n’aho bigeza bityo ubutegetsi bwa FPR-Inkotanyi bukaba burwana inkundura ngo aho buhagire ijambo, bubashe kugira abo bwirukanisha cyangwa buhitana!
Ibikorwa byose byateguwe na Ambasade ndetse na Diaspora mu minsi ishize, ntibyabashije kugera ku ntego kuko abanyarwanda batuye Mozambique batahuye kera amayeri yose ubutegetsi bwa Kagame bubafiteho. Amambere bateguye umuhango wo kuhibukira Genocide yakorewe Abatutsi ntibyitabirwa, nyuma bahuruza ababyinnyi barimo King James, Masamba, Butera Knowless n’Impala bageze i Maputo bakubita igihwereye nabyo ntibyitabirwa!
Ubu noneho biyemeje gukuraho agahu…, ibirura byari byitwikiriye uruhu rw’intama byariyoberanyirije mu Itorero rya Pentekote byasanze bitabona icyo bibwira ba shebuja baramutse baburiye hose biyemeza gushoza intambara mu rusengero rw’Imana ku manywa y’ihangu! Yesu ati “ibya Kayizali mubihe Kayizali, iby’Imana mubihe Imana”! Kandi ngo muzabamenyera ku mbuto zabo!
Umusomyi wa The Rwandan
Maputo-Mozambique
Ndabasuhuje mwese basonyi buru rubuga niba aruwabahaye amakuru ndabana haribyinshi bitaribyo kuko uwangije akaga mwitorero ari yoramu;emmuel;Batista
Uyu Yoramu yari umushumba nyuma manda ye irarangira niko kwanga kuva kubuyobozi ndetse ahita avuga ko abapasteur 5 bose harimo nuwamusengeye ko abirukanye mw’itorero
Ibyo yabikoreraga iki rero:kuko mu myaka 5 yoramu;batista;Emmanwel bariye umutungo witorero ariyo mpamvu badashaka kurekura ngo batabazwa uwo mutungo.niyo ntandaro yibyo murikubona
Ariko Imana irihangana koko.ese baptista na Manuel na Joram iyi niyo ntwaro mubonye noneho?ndumiwe koko dore ingaruka zokugwa.muzi amahano mwakoze kucyumweru none muje no gusebanya hano
Imana ibarebe ibitegereze.twe turabakozi b Imana ibyo mudushyiramo birabareba hari Imana irenganura abarengana kdi y ukuri.niyo twiringiye.gusa urubanza rurabategereje mvuga urwijuru.
Ese yewe Batista wee uribuka ko wasezeye uba kristo nabo mwari mufatanyije umurimo uvuga ko ahi wimukiye utabasha gukorera umurimo casa branca?batista wibagiwe amahano wasize ukoze africa yepfo none ukaba uje kuryanisha abanyarwanda?Batista amafranga ya korari ntiyaguhangije?batista amafranga yabanyamubatizo ntiyakunyuze?Batista wibagiwe ko ariwowe watangije intambara kucyumweru ushaka gukubita abapaste? Niko joramu weeee iyumara amezi 7 udakata murusengero icyawe arukugambanira abakozi b’IMANA koko ese jora ubuzima bwawe urabuganisha he jora Bibiliya ivuga nguki birakwiye kwandagaza abakozi b’Imana?ese gufunga urusengero ugafungirana abo ukwiye kuyobora?ubwo rero umutungo w’itorero urabashiranye mutangiye gushaka iyindi mpamvu?Emmenwel weee mwabuze ibyo mubesha mugiye kubeshyera umukozi w’Imana Didas ese mwaba mufite ibimenyetso ko yabaye umusirikare?mukomeze mwicukurire ibyobo nimushaka mugaruke musabe imbabazi mureke kububa nkabajura