Iyi nyandiko yanjye nifuje ko yaba intashyo y’umwaka tugiye gutangira w’2015 ariko nkaba nayigeneye ko yaba umwihariko w’umukuru w’igihugu kubera ibigwi byamuranze muri uyu mwaka tugiye gusoza kugirango atekereze niba akwiye gukomera kubigwi bye cyangwa se akwiye kwikubita agashyi impundu zigataha I Rwanda.
Yewe Pahulo we! nagira agahinda kenshi utabarutse tutakose nka Hosni Mubaraka cyangwa se isi ukayimaza amaguru yakubanye ntoya nka Blaise Compaore wambuye Afurika impanda, imbwa n’ibisambo bikima amaganya akadusaguka,
Niyo mpamvu njye ntari mubifuza ko wazakurwaho n’umwambi w’igishirira nk’uko hari ababyifuza.
Ndifuza kukubona ba kadogo bagushungera nka Bagbo cyangwa se ubutabera bugutambikanye nka Milosovic nta muhutu,umutwa cyangwa umututsi ugucira akari urutega dore ko ba rusarurira munduru ukorera batangiye kukwigarika.
Kagame umwami w’abidishyi, mbanje kukwifuriza kugira impagarike n’ubugingo atari ko nanyuzwe n’ibigwi byawe ahubwo ndifuza ko nawe wazaba umwe mubazabona uko u Rwanda rwiyuburura utakibasha kwiyitiranya narwo,
U Rwanda rwifuzwa n’abana barwo batagira ingano, ruzaba rutakirangwamo imivu y’amaraso n’iy’amarira nk’iyo rutemba ubu kandi rwatembye kuva rwagwirirwa n’ishyano rukibaruka umuyobozi wahawe ikivugo nk’icya PILATO cyangwa se UMWAMI W’ABA NAZI nk’uwo gifite ubu uhereye igihe Imana yishubirije uwo yari yahaye ubumanzi maze ukayica inyuma ukamwambura ubutware kugirango ukunde witwe umwidishyi.
Iyo ndatirwabahizi Fred Gisa Rwigyema wadutesheje twese tukimukeneye ukamusasira abakambwe impinja ingimbi n’ababyeyi yanze kuzima burundu nk’uko wabyifuzaga aribyo bituma amaraso ye n’ay’izo nzirakarengane azira ikizinga agiye kukugaruka bidatinze n’ikimenyimenyi abo mwasangiye inkaba batangiye kugushyira kukarubanda aribyo bituma uteshaguzwa.
Yewe mutware utwara byose nk’isuri cyangwa isiha rusahuzi! mbere y’uko ifuni n’akandoyi watoje abatoni bawe intanya ubuziraherezo na data umbyara aho yaje abasanganiza urugwiro yibwira ko yisunze abatabazi naho asanze abahotozi ntiyigeze antoza kurebera akarengane ngo ntere mu irya baMPEMUKE NDAMUKE cyangwa ba “MPA NIRIRE N’UBUNDI SE KO BATAZAGARUKA”
Data yakundaga ukuri kandi agashyigikira abavuga ukuri ariko cyane cyane kwa kuri kudahishira ukuri nyakuri ari nacyo wamujijije ubicishije mu muyoboro wawe DMI maze abatware b’amarimbi bagashyira mubikorwa iteka ryaciwe nawe ko abo wise ibipingamizi bagomba kwamburwa ubugingo utitaye ko abo basize twahogomba.
Ni muri urwo rwego rero ngira ngo nkubwize ukuri kwagufasha kugirango niba utiyizi wimenye kuko abakwegereye batatinyuka kugukura igihu mumaso ngo bakubwize ukuri y’uko iyo abanyarwanda bavuga ngo “AKAMASA KAZACA INKA KAZIVUKAMO” burya ari wowe baba babwira kubera ibikorwa byawe ndenga kamere by’ubwicanye umaze gukorera abo basangiye isano utaretse n’abatuye akarere kose wibwira ko tukiri muri cya gihe cyo kwambika karinga amashahu.
Nyakubahwa prezida wa repubulika nibyo koko nimwe bicanyi ariko wowe ubwawe ukaba ku isonga
Burya ngo zitukwamo nkuru kandi uyu mugani sijye wawuhimbye ahubwo niko nawusanze. Wumve neza isonga nturishyirwaho gusa n’uko wigize umukuru w’igihugu kugahato, ahubwo ikirikwicajeho ni amateka (Iteka mu bwinshi) uca yongera imiborogo mubana b’u Rwanda yiyongera kuyandi menshi waciye u Rwanda Rukibaruka Inkunguzi.
Kubera ko muri aka kanya gato cyane mfite ntabasha kurondora ibikorwa byawe byose wakoreye abanyarwanda muri iyi myaka makumyabiri umuze wihariye ijambo, ndagerageza kukunyuriramo muri make cyane ibikorwa byawe bicye cyane biguhamya ikivugo cyo kuba umwicanyi byakuranze muri uyu mwaka wa 2014 tugiye gusoza vuba aha
NGAHO IGIRA HINO NGUFATIRE IKIRORI WIMENYE !
Ku itariki ya mbere mutarama uyu mwaka wivuganye uwo mwasangiye amagorwa Colonel PATRICK KAREGEYA maze abaciye akenge mubyegera byawe bashaka kwiyumanganya ariko wowe ubwawe amaraso aragutamaza ni uko icyari igiterane cy’amasengesho ugihindura urubuga rw’ibyivugo by’ubugome utitaye ko inshuti za CYOMORO na ANGE bataramanaga ku mbuga y’ingoro yawe zihindutse imfubyi.
Ku itariki ya 22 gashyantare wivuganye Umushumba EVARISTE NAMBAJE umutesha intama yari aragiye buracya uti u Rwanda rurarinzwe.
Muruzinduko wagiriye i Nyabihu mu ntangiriro za kamena uyu mwaka wahamije ubwawe ko uri umwicanyi ahubwo ko utazongera kubikorera mubwihisho uti “Tugiye kujya tubarasa ku mugaragaro”warangize ugatinyuka amarira n’amaganya bikakurenga ngo wahamijwe icyaha nk’aho abo uhora ibihimbira utaretse kubasogota batavutse nk’izindi mpinja.
Hagati y’ukwezi kwa Kamena n’impera z’ukwakira uyu mwaka mukirwa cya RWERU habonetse imirambo yaje isanga abantu benshi baburiwe irengero n’uko inzego z’igihugu cy’u Burundi zemeza ko iyo mirambo ituruka mu Rwanda ntiwabihakana none ugatinyuka wibwira ko utera imbabazi imbere y’abo wahekuye ngo “BARAMBESHYERA” Uzabeshye abashinwa mugani wa ya ntiti!
Hagati y’ukwezi k’ukwakira n’ukuboza uyu mwaka kuri gereza ya Kigali habonetse imirambo y’inzira karengane maze unanirwa kwerekana imvano y’urupfu rwabo uti ni abazize jenoside wibagirwa gusobanura ko jenoside ubabwira ari iyo wowe ukomeje kuyikora.
Ejobundi umunsi utagira izina abavuka Umumena wadutesheje Umwana w’umusore wari ugitangira gusogongera ku munezero wa kibyeyi umutesha ibibondo n’akabavu ke MAZIMPAKA RICHARD maze ukwiza ibihuha ngo batamenya ko uri bihehe abo yagiriye neza babazwa n’uko agiye batamwituye.
Kagame Paul kukwita nyakubahwa ntubikwiye ahubwo ukwiye gukanirwa urugukwiye maze ugatura inzu y’imbohe nka bene so ba rukarabankaba.
Ukumva agahinda wateye Déogratias MUSHAYIDI umubyeyi watesheje amahirwe yo gutegera ibiganza umwuzukuru we INGABIRE VICTOIRE UMUHOZA umuvuzi watesheje kuvura abanyarwanda Dr THEONESTE NIYITEGEKA ndetse n’izindi nzira karengane ukomeje gushyira ku ngoyi.
Umwe mubagizwe imfubyi n’ubwami bwawe
AKISHULI ABDALLAH
