Kinshasa: Jean Pierre Bemba yakiriwe n’uruvunganzoka rw’abantu!

Umukuru w’abatavuga rumwe na Leta muri Congo, Jean Pierre Bemba yakiriwe muri icyo gihugu inyuma yo kumara imyaka icumi ari muri Gereza y’urukiko mpuzamahanga mpanabyaha (CPI/ICC).

Bemba yagizwe umwere n’urukiko mpuzamahanga mpanabyaha (CPI/ICC) ku byaha by’intambara yaregwaga, akaba yaravuze ku mugaragaro ko ashaka kwiyamamaza mu mwanya w’umukuru w’igihugu muri Congo.

Yatsinzwe mu matora yo mu 2006 igihe yari ahanganye na Prezida Joseph Kabila, Manda ye ya kabiri yarangiye mu 2016, bikaba biteye n’ikibazo cyo kumenya niba azongera kwiyamamaza.

Ugutahuka kwa Bemba kuzanye iyindi sura ya politike muri Congo, umutwe wa politiki uri ku butegetsi ukaba waramaze kuvuga ko Bemba atujuje ibisabwa kugira ngo yiyamamaze kuba umukuru w’igihugu, kubera ko yashinjwe ibyaha byo mu ntambara n’urukiko mpuzamahanga mpanabyaha.

imitwe ya politiki isigaje icyumweru kimwe gusa cyo gutanga amazina y’abazabaserukira mu matora y’umukuru w’igihugu, umutwe wa politiki wa Bemba ukaba waramaze kumugena ngo awuserukire.

Abayoboke ba Prezida Kabila bavuga ko Bemba adakwiye kwiyamamaza kuko yaba arenze kw’itegeko nshinga.

Ku ruhande rwa Prezida Kabila ubwe ntacyo aravuga ku byerekeye ukugaruka mu gihugu kwa Bemba.

Jean Pierre Bemba yahoze wungirije umukuru w’igihugu yari amaze imyaka 12 hanze y’igihugu, muri yo 10 akaba yari afungiwe ibyaha byo guhonyora uburenganzira bw’ikiremwamuntu byakorewe mu gihugu cya Centrafrique, akaba aherutse kubihanagurwaho n’urukiko mpuzamahanga mpanabyaha, bihita bimuharurira inzira yo gushaka kwiyamamaza.

 

 

Loading...

LEAVE A REPLY