President Kagame ntakabeshye ngo ntiyaharaniye kuba president w’u Rwanda, kandi nta kindi yakoze nkabyo!

Tariki ya 10 Nyakanga 2020, President Paul Kagame yagiranye ikiganiro kuri “Instagram” n’urubyiruko rw’abanyarwanda. Icyo gihe, Kagame yari muri Village Urugwiro, noneho urwo rubyiruko rwo rukaba rwari mu cyumba cy’inteko ishinga amategeko ku Cyimihurura i Kigali. Muri icyo kiganiro, Kagame yarihandagaje, avuga ko ngo atigeze aharanira kuba president w’u Rwanda! Yavuze atyo, nyuma yo kubazwa ikibazo n’umwe muri urwo rubyiruko, wamubajije uko byagenze kugirango abe president w’u Rwanda.

Muri icyo kiganiro, Kagame yarihandagaje avuga ko kuba president yabihawe n’imyanya ikomeye ngo yagiye abona muri RPF, yemeza ko kuba yarabaye umukuru wayo ngo ari byo byanatumye ngo aba president w’u Rwanda, ukumva ari nk’aho yavugaga ko byamwizaniye, we akaba atarabishakaga kandi ari ukubeshya! Icyo gihe, ni cya gihe FPR iyobowe na Kagame yaje irwana, ica ibiti n’amabuye, izaniye abanyarwanda urupfu nk’uko mwabibomye. Iyo mirwano, niyo yagejeje Kagame ku butegetsi ku ngufu bamaze gutsemba abahutu batagira ingano, bamaze gutsembesha abatutsi benshi cyane ndetse bataretse n’abatwa, n’abanyamahanga rugeretse!

Maze kwumva ayo magambo ya Kagame, nasanze icyo ari ikinyoma cyambaye ubusa, maze negura ikaramu yanjye, numva ngomba kubwira abanyarwanda ko ibyo Kagame yavuze ari ikinyoma gikabijeIbi nkabihera ko twese tuzi uko Kagame yaharaniye kuba president, ubwo yagendaga we na FPR bamena amaraso menshi y’abanyarwanda b’inzirakarengane, ibyo bikaba ari byo byamuhesheje kuba president, kuko atari abikwiye! 

Muri iyi nyandiko, tugiye kurebera hamwe muri macye uko Kagame yaharaniye kuba president w’u Rwanda, akoresheje ibishoboka byose n’ingufu nyinshi, zirimo no gukoresha genocide yakorewe abatutsi, kugirango abe president w’u Rwanda. 

Kagame yaharaniye kuba president yica abahutu kuva tariki ya 1 Ukwakira 1990 abashishikariza kurakara ngo bice abatutsi!

Kuva tariki ya 1 Ukwakira 1990 FPR iyobowe na Kagame itera u Rwanda, yaje yica uwo ihuye na we wese, cyane cyane abanyarwanda bo mu bwoko bw’abahutu. Ibyo bikaba nta kindi byari bigamije, uretse ngo gushyira mu bikorwa gahunda bari bazanye bavuye Uganda yitwa “punguza”, aribyo bivuga ahangaha kugabanya umubare w’abahutu mu Rwanda. Ibi bakaba ngo barabikoze ngo kuko abahutu bari benshi, noneho ngo bigatuma umututsi nka Kagame atarashoboraga kwiyamamaza ngo atsinde amatora mu Rwanda ngo abe president. (Aha rero, haranakomeye kandi harasobanutse: ntabwo waza ufite umugambi wo kugabanya umubare w’abantu, utarabateguriye genocide, n’ubwo iyi yakorewe abahutu, itigeze yemerwa ku mpamvu za politiki)!

Nyamara, icyari cyaragaragaye mu Rwanda icyo gihe ni uko abahutu bari bashishikariye amajyambere ndetse no kwikundira amahoro, maze ibibazo by’amoko bakaba bari barabirenze, ubona ko nta gaciro babihaga. Ibi byagaragariraga mu buryo abahutu batari bacye bashakaga abagore b’abatutsikazi, byumvikana ko utashaka umugore mu bantu wanga. Mu gihe nyamara abatutsi bo, uwashakaga umuhutukazi kuko nabo bari batangiye kujya bababenguka, bene wabo bamugiraga igicibwa, kandi yarabaga yamwikundiye! Bivuga ko umututsi w’umunyapolitiki washoboraga guha abahutu amahoro, bashoboraga nyamara kumutora. Ariko Kagame we muri ya “divide and rule politics” ye, akaba yaraje atsindagira inzangano za cyera hagati y’ayo moko yombi, nyamara yari yaratangiye kwiyunga nyabyo kubwa Nyakwigendera President Habyarimana, ureke ya ngirwa bwiyunge FPR na kagame bahora ababeshya.

Aho rero, Kagame yahisemo kuza akoresha inzangano za cyera, kuko we n’abatari bacye mu batutsi batemeraga ko abahutu bashoboraga gutora umututsi, kandi byarashobokaga. Kubera iyo mpamvu, yahisemo kuza yica abahutu ku bwinshi ngo agabanye umubare wabo (punguza), bityo ntibazamubangamire mu matora yateganyaga mu myaka yakurikiyeho, kugirango akunde abe president w’u Rwanda!

Ikindi kandi, Kagame na FPR baje bica abahutu ku bwinshi, ngo ari uburyo bwo kubashishikariza kurakara ngo bice abatutsi bari mu Rwanda mbere ya 1994. Ibi, bikaba byari ukugirango azabone uko abegekaho urusyo rwa genocide yaje gukorerwa abatutsi, ngo bityo abangishe amahanga ntibazongere kujya ku butegetsi ukundi. 

Twibuke nyamara kandi ko, ubutegetsi bwa Nyakwigendera President Habyarimana bwitwaga ubutegetsi bw’abahutu n’ubwo butari shyashya, muri iki gihe bwifuzwa n’abantu benshi ndetse barimo n’abatutsi bakomeye. Ibi biakaba ari uko abo batutsi basanze baribeshye mu gushyira ku butegetsi Kagame n’agatsiko ke, bitewe n’aho nabo ubutegetsi bwa kagame bubageze bubatesha umutwe! Kwa Nyakwigendera Assinapol Rwigara, umwe mu batutsi bashyize FPR ku butegetsi ni bamwe mu babizi.

Kagame yaharaniye kuba president yicisha abakuru b’amashyaka mbere ya 1994, kugirango abahutu barakare bice abatutsi .

Ubwo intambara FPR yarwanaga n’ingabo zari iz’u Rwanda ex FAR yari irimbanyije, inshuro nyinshi FPR yakoze ibishoboka byose ngo ifate ubutegetsi, ariko biba iby’ubusa! Muri icyo gihe, iyo ntambara yari ikaze cyane ku buryo yamaze hafi imyaka 4. Muri iyo ntambara, umunsi ku munsi amasasu yavuzaga ubuhuha, abana b’abanyarwanda bakayigwamo ari benshi ku mpande zombi zarwanaga. Icyo gihe, Kagame yabaga yibereye inyuma iyo mu ndacye, ategereje ko abapfa bapfa, maze we akaza kuba president!

Icyo gihe, Kagame abonye ko abanyarwanda b’abahutu bari mu Rwanda batarakara ngo bice abatutsi biturutse ku bwinshi bw’abahutu bayigwagamo, nibwo yahinduye “plan”, maze atangira kwicisha bamwe mu bakuru b’amashyaka y’abahutu yari akomeye mu Rwanda. Byose bikaba byari ukugirango abahutu barakare bice abatutsi, noneho akunde abone ibirego arega abahutu ko bakoze genocide yibasira abatutsi. Ni muri urwo rwego FPR yacengeye mu Rwanda hagati, maze ikica Ministre Gatabazi Félicien wari umukuru w’ishyaka rya PSD. Ntibyahagarariye aho; Kagame amaze kubona ko urupfu rwa Bwana Gatabazi ntacyo rutanze ku byifuzo bye, abantu be (FPR) barongeye bica undi mukuru w’ishyaka ryitwaga CDR (Coalition pour la défense de la République) ariwe Bwana Bucyana Martin. Nyuma y’izo mpfu z’abo banyapolitiki bombi, bamwe mu bahutu bararakaye nk’uko Kagame yabyifuzaga, noneho bashaka gutangira kwica abatutsi. Noneho President Habyarimana abonye ko abantu batangiye kwihorera, abwira abanyarwanda ko batagomba kugwa mu mutego w’umwanzi bihorera. Icyo gihe, baramwumviye baratuza, agahenge karaza.

Ariko, Kagame ntiyashizwe. Abonye abahutu batarakajwe n’impfu z’abakuru b’amashyaka, yahinduye umuvuno. Mu ghe cyakurikiyeho, nibwo yatanze itegeko ryo guhanura indege ya president Habyarimana, yari yarabuze uko yicira ku butaka, kubera uko ingabo ze ex FAR zari zihagaze, zikaba zari zananiye FPR. (General James Kabarebe yigeze kwiyemerera koi zo nagbo zari zikaze). 

Kagame yaharaniye kuba president atanga itegeko ryo kurasa indege ya President Habyarimana, kugirango abahutu barakare bice abatutsi, bityo afate ubutegetsi !

Nyuma y’uko Bwana Gatabazi na Bucyana bari abakuru b’amashyaka amwe mu y’abahutu yari akomeye bishwe, ntibyarekeye aho. Kagame abonye ko abanyarwanda b’abahutu bari mu Rwanda batarakara bihagije ngo bice abatutsi, nibwo yafashe icyemezo gikarishye cyo kwivugana uwari President w’u Rwanda Nyakwigendera Juvenal Habyarimana, ngo kugirango inzozi ze zo kumarisha abatutsi zigerweho. Aha Kagame akaba yarabikoze, amaze kubona ko abanyarwanda bumviraga president Habyarimana, ndetse ntibanarakazwe bihagije n’ubukana bw’intambara ya FPR yabicaga ku bwinshi, yahinduye umuvuno. Icyo gihe, Kagame yahisemo kwica uwabuzaga abahutu kugwa mu mutego wa genocide yari yabateze, ari we President Habyarimana. Kuba abahutu barumviraga President Habyarimana ntibagwe mu mutego wa Kagame wo kwica abatutsi, Kagame ntabwo byamushimishaga na gato! Yaruhutse atanze itegeko ryo kurasa indege ya President Habyarimana, maze ibintu birayoberana!

Tariki ya 6 Mata 1994, mu masaha ya saa mbiri z’ijoro, nibwo ibara ryaguye, ubwo indege ya President Habyarimana yaraswaga, maze ikamuhitana ndetse n’abo bari kumwe bose, barimo n’uwari President w’u Burundi Cyprien Ntaryamira! Icyo gihe, nibwo genocide yakorewe abatutsi yahise itangira, maze abantu baricwa biteye isoni, kuko uwababuzaga kugwa mu mutego w’umwanzi (Kagame) atari agihari ! 

Muri icyo gihe, Kagame yari amaze iminsi afite imvugo zihambaye zuzuye ubugome bwinshi, wumva koko yariyemeje kumarisha abatutsi mu Rwanda! Muri izo mvugo harimo ivuga ngo “Ujya kurya umureti, amena amagi”! Bivuga ko kugirango Kagame agere ku butegetsi, yagombaga gutanga abatutsi ho ibitambo bakicwa)! Ubundi Kagame akwongera ngo: ”nyamucye igomba gutegeka cyangwa igashira”!(Bivuga ko kuri we nk’umututsi, yagombaga gufata ubutegetsi uko byari kugenda kwose, atitaye ku batutsi baje kwicwa Habyarimana apfuye, uko bari kuba bangana kwose)! Byumvikana ko Kagame yari yamaze kuvana amaboko ku batutsi bari mu Rwanda, mu gihe nyamara bo bari bamuhanze amaso, bamutegereje ngo abakize interahamwe zari zibasumbirije! Ariko byahe byo kajya, amaso yabo yaheze mu kirere! 

Mbere y’icyo gikorwa kibi nyamara, abatari bacye mu batutsi b’inararibonye bavuganaga na Kagame bari baramugiriye inama yo kutica President Habyarimana, kuko bari bafite impungenge z’umutekano wabo, bavuga ko kwica Habyarimana byatuma abahutu barakara maze bakabica. Ibyo ariko, Kagame ngo yabiteye ishoti, yanga kubyumva, none nibwo nyine bwacyeye maze ingorane zikagwira abatutsi zitaretse abahutu n’abatwa nk’uko byagenze!

Kagame yaharaniye kuba president yohereza aba “techniciens” ba FPR kwica abatutsi bari mu Rwanda mbere y’intambara, kugirango ubwo bwicanyi bukunde bwitwe genocide yakorewe abatutsi.

Nyuma y’uko President Habyarimana yishwe maze ibintu bikayangara mu Rwanda, uko byagenze ntabwo byashimishije Kagame. Kuri we, yabonaga bitihuta uko yabishakaga! Kagame abonye ko abanyarwanda b’abahutu bari mu Rwanda batarakara ngo bice abatutsi ku kigero yabishakagaho, yahisemo gukora ibindi bihambaye! Buri gihe Kagame yakoraga agashya kugirango yicishe abatutsi, maze abone uko ubwo bwicanyi abwegeka ku bahutu (scapegoats) butamwitiriwe. Bityo abahutu bave ku butegetsi, noneho we wari umukuru wa FPR akunde abujyeho yigaragaje nk’umutagatifu. Ni muri urwo rwego Kagame yohereje abo bise abatekinisiye (techniciens) ba FPR, bo kujya gufasha interahamwe kwica abatutsi benshi, ngo kubera ko abatutsi bapfaga muri 1994 batari benshi bihagije kugirango bikunde bigaragare ko abatutsi bishwe bakorewe genocide! Nimunyumvire namwe! Nimwumve uko Kagame yaharaniye kuba president, yisasiye imbaga ya bene wabo! Yewe, babivuze ukuri koko ngo “akamasa kazaca inka kazivukamo”!

Guhitamo aba “techniciens” muri FPR bajya gufasha interahamwe kwica abatutsi, byasabye Kagame ubuhanga bwinshi bwuzuye ubugome buhambaye! Bafataga abasore bazi neza ko ari abatutsi ariko basa n’abahutu, abo bakaba aribo bahabwa ubwo butumwa bwo kujya kwivanga n’interahamwe, ngo kugirango ntizibashe kubona ko zacengewe n’abatutsi, bityo zikore ibyo bazibwiye zigirango ni interhamwe zene wabo zibibabwira, kandi ari inkotanyi zabacengeye! Hanyuma barangiza ngo abahutu bateguye genocide yakorewe abatutsi ! Igisubizo ni oya. Genocide yakorewe abatutsi yateguwe n’abatutsi, ntabwo yateguwe n’abahutu n’ubwo bamwe muri bo bayikoze!  

Kagame yaharaniye kuba president yohereza muri ONU/UN abajya kwanga ko abatutsi batabarwa, kugirango bicwe ari benshi bityo ubwo bwicanyi bwitwe genocide izamugeza ku butegetsi !

Ubwo abatutsi bari bamaze kwicwa ari benshi, leta yariho icyo gihe yitwaga “Leta y’abatabazi” yahisemo gutabaza amahanga, iyasaba kuza gutabara mu Rwanda, kuko byagaragaraga ko ibyahaberaga icyo gihe byari byayirenze!

Ni muri urwo rwego leta y’abatabazi yohereje intumwa i New York ku cyicaro cy’umuryango w’abibumbye (ONU/UN), isaba ko amahanga yatabara, maze abanyarwanda bicwaga icyo bakareka kwicwa. Muri icyo gihe, interahamwe zicaga abatutsi ku ruhande rwa MRND, noneho FPR ikica abahutu ku ruhande yari imaze gufata. Icyo gihe ariko, mu gihe leta y’abatabazi yifuzaga ko abatutsi n’abahutu batabarwa ndetse hakaba imishyikirano amasazerano ya Arusha agakurikizwa, Kagame n’agatsiko ke bo siko babibonaga! Muri icyo gihe ubwo intumwa za leta y’abatabazi zari i New York ku cyicaro cya ONU/ UN basaba ko abatutsi batabarwa, intumwa za FPR Kagame zo zariyo nazo icyo gihe zibwira ONU/UN ko zidashaka ko batabara! Zavugaga ko uzakandagira ku butaka bw’u Rwanda wese aje gutabara abatutsi zizamurasa! Izo ntumwa za FPR zari zigizwe na Bwana Gerald Gahima ndetse na Bwana Claude Dusayidi.

Kagame yaharaniye kuba president yanga gushyikirana n’ubutegetsi yari amaze guca umutwe, kuko yari amaze kubona ko umutego yabateze bari bamaze kuwugwamo!

Nk’uko tubibonye haruguru, Kagame yohereje intumwa muri ONU/UN zo kubuza abazungu gutabara abatutsi bicwaga n’interahamwe mu Rwanda muri 1994. Ibi Kagame akaba yarabikoze mu rwego rwo kugirango amahanga ataza mu Rwanda, akibonera ukuri mu byarimo bihabera bijyanye n’ubwicanyi burenze kamere bwibasiye abahutu n’abatutsi Kagame yari yagizemo uruhare rukomeye. Ibyo kandi bikaba byari ukugirango ayo mahanga atamusaba we na FPR ye gushyikirana, kuko iyo habaho imishyikirano ntabwo Kagame aba yarabaye president w’u Rwanda. President yagombaga gukomoka mu ishyaka rya MRND dukurikije uko amasazerano ya Arusha yabivugaga, kandi Kagame ntabwo yari uwo mu ishyaka rya MRND nk’uko mubizi. 

Rubyiruko rw’u Rwanda mwavutse nyuma y’amahano yabaye mu Rwanda muri 1994, ntimukemere ibyo Kagame n’agatsiko ke bavuga, kuko hafi ya byose ari ibinyoma gusa gusa! Mwibuke ko leta ya Kagame yanakuyeho amateka y’u Rwanda, kandi buri gihugu cyose kiba gifite amateka yacyo, aba agomba kwigishwa urubyiruko! Impamvu yo kuvanaho amateka y’u Rwanda no kutayigisha urubyiruko uko ari, ni ukugirango abana b’abanyarwanda bamire bunguri ibinyoma bya Kagame na FPR, batabashije kwibonera ko ari ibinyoma, kandi ari ibinyoma nyine! Ibyo nta kindi bigamije, ni ukugirango mutamenya uruhare Kagame yagize mu kumarisha bene wanyu mwabuze mutanga, bityo bikaba byatuma ava ku butegetsi kandi we ashaka kubugumaho, abukesha amaraso yabo yamennye!

Kagame yaharaniye kuba president ategeka ko hajyaho umwanya wa Vice president kugirango awigiremo gutegeka kuko ntabyo yari azi ! 

Ubwo inkotanyi zari zimaze gufata ubutegetsi mu Rwanda muri 1994 ziyobowe na General Paul Kagame, hashyizweho umwanya wa vice president wa Republika y’u Rwanda, wari waramushyiriweho, ngo yigiremo gutegeka igihugu kuko ntabyo yari azi ! Ubusanzwe, Kagame yari umuyobozi w’inyeshyamba za FPR wari umenyereye kwica abantu gusa, ku buryo yari akeneye umwanya nk’uwo, kugirango anakire/ akopere president nyawe, bityo azashyire amenye uko bategeka. Kagame nka vice president, yagombaga kuba yicaye iruhande rwa president ameze nk’umunyeshuri w’umuswa wicarana n’umuhanga kugirango ajye amukopera (kunakira), bityo amenye icyo yandika ku rupapuro rwe aribushyire mwarimu, kuko we kubwe ntacyo aba afite yakwandika. 

Ni muri urwo rwego hashyizweho President w’umuhutu Pasteur Bizimungu, ariko utari ufite ijambo rikomeye muri FPR kuko yari umuhutu. Noneho ijambo rikomeye nyine rikaba ari iry’umututsi Paul Kagame, cyane ko FPR n’ubundi yaje igizwe n’abatutsi hafi ya bose, hamwe n’abahutu bacye cyane bari barashyize imbere mu rwego rwo kubeshya abanyarwanda n’amahanga ko ngo batavangura, kandi aribyo bakora gusa! Uku kubeshya kw’abantu bo muri FPR kukaba kwemezwa n’abantu benshi barimo n’ababaye muri FPR ubwayo. Urugero ni umugabo w’umututsi witwa André Kazigaba ukunze kuvugisha ukuri, wigeze kwemeza ko abenshi mu bantu bo muri FPR ari ababeshyi. Uyu mututsi aherutse no kuvuga ikintu gikomeye, yemeza ko abanyarwanda bose nta wari uzi FPR, ngo uretse ishyaka CDR (Coalition pour la Défense de la Republique) ryahise riseswa, ubwo inkotanyi zari zimaze gufata ubutegetsi mu Rwanda!

Ku batazi iryo shyaka, abatutsi benshi bari bararifashe nk’ishyaka ry’abahezanguni b’abahutu. Ariko nimunyumvire ijambo ryavuzwe n’umututsi w’inararibanye, washoboye kumenya FPR, kuko nawe yayibayemo! Ibi bivuga ko kuba CDR ariyo yonyine yari yaratahuye FPR ku kinyoma cyayo mu myaka ya za 1990, bivuga ko inkotanyi zayihoye ko yari yaratahuye ubugome n’ububeshyi bwayo, bityo rikaba ritari rikwiye guseswa, kuko ryasheshwe ku mpamvu z’akarengane nk’aka kwose FPR ishyira ku banyarwanda kugeza magingo aya! Biratagaje! Mwibuke kandi ko na MRND yahise iseswa, kandi muri iki gihe abatutsi benshi bakomeye wumva bakumbuye ubutegetsi bwayo, kuko ari bwo bari baragiriyemo amahoro n’amajyambere, kurusha FPR yabo, hafi ya bose bicuza icyo bayishyiriye ku butegetsi !!!! Ibi kandi umuhanzi w’umuhutu Bikindi Simon yari yarabivuze mu ndirimbo ze, ko FPR ifashe ubutegetsi mu Rwanda amashyaka menshi yazima burundu, kandi wa mugani we, bwaracyeye biraba!!!

Kagame yaharaniye kuba president avana Bizimungu Pasteur ku mwanya w’ubuperezida ku ngufu kugirango amusimbure!

Nyuma yo kwigira kuri president Bizimungu Pasteur uko bategeka, Kagame yaje kuvanaho uwo mugabo, ndetse anavanaho umwanya wa vice president, kuko ari we mu by’ukuri wari warashyiriweho! Bityo, ntihagire umwungiriza kugirango atazamuvana ku butegetsi nk’uko we yavanyeho Bizimungu.

Mwibuke kandi ko Kagame amaze kuba president, yibye amatora kugirango agume kuri uwo mwanya, inshuro zose habaye amatora ya president wa Republika mu Rwanda. Kagame yibye amatora yo muri 2003, yiba ayo muri 2010, ndetse yiba n’ayo muri 2017! Aho hose ntaho yabaga yagize amajwi arenze 20%! Ariko kubera nyine ubugome bwe burimo igitugu gihambaye, amajwi yagiye yibwa da! None ngo Kagame ntiyaharaniye kuba president, kandi aribyo yakoze gusa! Mwibuke kandi ukuntu muri 2017 Kagame yabujije Nyakubahwa President wa Guverinoma y’u Rwanda ikorera mu buhungiro Padiri Thomas Nahimana, kuza kwiyamamariza umwanya wa president wa Republika mu Rwanda, amuhora gusa ko ari we abanyarwanda hafi ya bose bafitiye icyizere kumurusha. Ibi bikaba byaratewe n’imigabo n’imigambi myiza Padiri Thomas afitiye abanyarwanda, ndetse n’ubu akibasobanurira kugeza n’uyu munsi mu mwaka wa 2020; iyo migambi kandi ikaba ikunzwe na benshi mu gihe Kagame we aba yicecekeye, ukaba wagirango igihugu nta n’umuyobozi kigira! None ngo Kagame ntiyaharaniye kuba president! Iyo abiharanira neza, ntabiharanire nabi! Azabeshye abahinde rero, abanyarwanda twe turamuzi ! 

Ikindi gitangaje, ni uko no muri iki gihe cya “covid 19”, Kagame yararuciye ararumira, mu gihe abandi bakuru b’ibihugu byose byo ku isi bo badahwema gusobanurira abo bayobora uko bagomba kwitwara muri ibi bihe bigoye! Noneho ahubwo Padiri Thomas Nahimana we, ugasanga ari we wabaye abanyarwanda hafi muri iki gihe cya covid 19 (coronavirus) n’ubwo ari ishyanga, akaba adahwema kubasobanurira uko bagomba kwitwara, kugirango birinde icyo cyorezo, ndetse anabagira n’izindi nama nyinshi mu buzima. Ibi Padiri Thomas akabiterwa n’umutima mwiza afitiye abanyarwanda. Ariko Kagame we ngo cwee!!! Yaricecekeye pe! Yewe, Kagame yagaragaje ko kwica abanyarwanda aribyo byamuzanye gusa, ibyo kubayobora neza byo mubyibagirwe! Ntacyo bimubwiye rwose na buhoro! Mbega ibyago by’abanyarwanda!!! 

Mwibuke kandi ko Kagame yagiye no kuri radio akabwira abanyarwanda ko azi neza ko batamukunda, ariko ko agomba kubategeka kubera cya gitugu cye kitaba ahandi ku isi uretse iwacu mu Rwanda gusa hagowe! Kubera iki umuntu w’umukuru w’igihugu nka Kagame yakwihandagaza akabwira abo ayobora (abanyarwanda) ko azi neza ko batamukunda, kandi abandi bakuru b’ibihugu bakora ibishoboka byose, kugirango bikundishe rubanda rwabo bayobora iwabo? Kuki batayibwira ikoco nk’iryo Kagame abwiza abanyarwanda, aniyemerera ku mugaragaro ko azi ko batamukunda kuko yabishe? Igisubizo nta kindi, ni uko azi neza ko nta cyubahiro na gito akeneye kubaha; noneho ikaba ari yo mpamvu adacyeneye kubinginga, kandi abandi bayobozi binginga abo bayobora! Murumva agasuzuguro Kagame afitiye abenegihugu?!!! Ibi koko biba he handi?!

None banyarwanda banyarwandakazi, tuzakomeza twemere ko Kagame akomeza kudusuzugura yaranafashe ubutegetsi amaze kumara no kumarisha bene wacu kugeza ryari?Aho bigeze birarenze (enough is enough)! Ubundi mu mategeko, umukuru w’igihugu aba agomba kwubaha abo ayobora, ntaba agomba kubasuzugura n’ikoco ryinshi nk’irya President Kagame akoresha kuri rubanda! None kuki tubyemera? 

Rwose ikijya kimbabaza kandi kikanantangaza, ni uko wagirango abanyarwanda ntituzi ubushobozi dufite bwo gukuraho president Kagame, kandi we abuzi neza, kuko mubyo akora byose yirinda cyane ko twabushyira mu bikorwa! Muzarebe ukuntu afata ibyemezo byo kudukanda, abifata kimwe kimwe kandi buhoro buhoro yitonze, yubikira nk’imbeba ishaka kurya umuntu nijoro mu buriri, aho imuruma ihuha kugirango atumva! Ibyemezo byo gukanda abanyarwanda Kagame ntabifatira rimwe, kuko abifatiye rimwe azi ko abanyarwanda twahita tugira tubibona maze tukagira umujinya tujya mu mihanda, noneho akabura uwo arasa n’uwo areka, kuko atabona aho abihera arasa imbaga. Bityo akava ku butegetsi kuko twaba tweretse amahanga ko tutamushaka! Muzanarebe ukuntu Kagame iyo arashe abantu nk’uko abikora, abarasa umwe umwe, ntabwo abarasa ikivunga nk’uko yabikoraga cyera. Impamvu nta yindi, ni uko ubu igihugu cyitwa ko gifite amahoro, kikaba kitakiri mu ntambara, bityo Kagame akaba atashobora kubona icyo asobanurira abazungu, gisobanura impamvu yaba arashe rubanda ikivunga, Kndi byitwa ko mu Rwanda hari amahoro, umutekano na umutekano na “democratie”.  (Kandi bayhe byo kajya)!

Muzarebe ukuntu uyu munsi Kagame asenyera rubanda, yabona abo yasenyeye batuje, ejo akirukana abazunguzayi mu muhanda. Yabona batuje, noneho bucyeye agafatira ibyemezo abakire barimo bariya bacuruzi bakomeye arimo kugaraguza agati nk’uko bimaze iminsi bigaragara! Izo ni ingero nkeya mbereka z’ukuntu Kagame atinya imbaraga z’abanyarwanda, aho ibyemezo byose muzi yafatiye abanyarwanda, atigeze abifatira rimwe, kuko azi neza ko byahita birakaza rubanda noneho ikajya mu muhanda, bityo revolution” yo kumuvana ku butegetsi igahita itangira kuko we atayishaka kugirango abugumeho! We atinya ko byahita bimurangirana, aho amahanga yahita amusaba kwegura no kuva ku butegetsi, kuko baba babonye ko ari president udakwiye. Ariko mbona ibi wagirango ntitubizi, kandi ariwo muti mwiza cyane twamuvugutira, agahita yirukanka agenda! Urundi rugero rw’ukuntu Kagame atinya imyigaragambyo ya rubanda: mwibuke ukuntu mu gihe gishize Kagame yagiye muri Nyaruguru (ku Gikongoro) “kibuno mpa amaguru” gucyemura ikibazo cy’amasambu, wumva afite ubwoba cyane kuko yanahumagiraga kuri “microphones” za radio! Icyo gihe, Kagame yariho acyaha abayobozi bo muri Nyaruguru, ababwira ko ibyo bibazo bagombaga kuba barabicyemuye cyera kandi vuba ngo rubanda itarasakuza, ngo kuko byatuma abaturage bivumbagatanya! Ibyo yarabivuze rwose bitangaza benshi, ubwo yari asigaye “anivamo nk’inopfu”! Byumvikana ko icyoba cyari cyose muri we! Wumvaga yababajwe n’uko we yarinze kujya kubyicyemurira kuko byari byakomeye! 

None izo mbaraga Kagame azi ko dufite, twe tutabona, tuzabimenya ryari? Kagame akora uko ashoboye kugirango tutabona ko tuzifite tukazikoresha! Ibi nabyo, ni uguharanira ubutegetsi, ndetse no kubugumaho burundu, kandi rwose abanyarwanda ntitwagombye kwemera ko uriya mugome akomeza kubeshya ngo aratuyobora, kandi we icyo akora ari ukwica rubanda gusa. None se tubura iki? Kuki tutabibona? 

Ikindi umuntu yavuga, ni uko Kagame ajya gukora ariya manyanga yose, imwe mu mpamvu zishoboka zabiteye ni uko yirebye agasanga atari akwiye kuba president w’u Rwanda kandi yarabishakaga cyane. Noneho agasanga nta kundi yabigeraho, uretse gukoresha amanyanga yuzuye ubugome bungana nk’uko abanyarwanda tubuzi. Hari abavuga ko ngo Kagame ari umusazi, bashaka kuvuga ko biriya yakoze yabitewe n’ubusazi. Ibyo sibyo, Kagame si umusazi.  Iyo urebye ababivuga, usanga baba bafite ibyo bahisha, kuko ababivuga ari bamwe mu babanye nawe muri FPR. Ikigaragara, ni uko Kagame agomba kuba yarakunze kuba president, noneho agasanga nta kindi cyabimuhesha uretse ubugome, kuko atize, akaba nta mashuri agira. Buriya bugome bungana kuriya yakoresheje bwo, umuntu yabushakira mu muryango we, kuko abamuzi bavuga ko afitanye isano ya hafi, na Nyirayuhi Kanjogera wari umwamikazi ku ngoma ya cyami tutsi, uyu akaba azwi cyane mu mateka y’u Rwanda ko yari umugome ruharwa! Aha rero, bikaba biboneka ko Kagame ubugome yabuvanye mu muryango, kuko amanyanga nk’ariya nayo arimo ubwenge (bubi) kandi butari bucye, akaba atagirwa n’umuntu w’umusazi. Ahubwo Kagame ni “umugome wambaye umuguma”, aka ya mvugo y’ikinyarwanda. Yarirebye, asanga kuba yaracuruje amagi n’ubunyobwa ku isahani i Kampala muri Uganda ndetse no kuba yarabaye kigingi wa taxi minibus i Nairobi muri Kenya ntacyo byari kumuhesha (curriculum vitae/ resume) mu kuba yaba president yifuje cyane, noneho agahitamo gukoresha ubugome yavanye mu muryango iwabo! Mwibuke ko bijya gucika mu Rwanda byatangiriye muri coup d’Etat yo ku Rucunshu muri 1896, kandi uwo Kanjogera agomba kuba ngo yarabigizemo uruhare rutari ruto!  (Iyi ni n’imwe mu mpamvu Kagame adashaka ko abana b’abanyarwanda biga amateka y’u Rwanda, kugirango batamenya ko umuvumo w’u Rwanda wakomotse muri bene wabo wa Kagame)!

Nk’uko bisobanurwa na Nyakubahwa Faustin Twagiramungu wigeze kuba Ministre w’intebe w’u Rwanda , nyuma akaza kwegura ananinijwe na president Kagame n’inkotanyi ze abisobanura kuri “Twitter”, uriya Nyirayuhi Kanjogera afitanye isano na President Kagame! Kagame, ni mwene Rutagambwa wa Kampayana wa Kigenza wa Rwakagara, ise wa Kabare na Ruhinankiko na Kanjogera. Uyu Kanjogera rero afatanyije na basaza be bakaba ari bo biciye uwari umwami Rutalindwa aho bita ku Rucunshu. Noneho nk’uko bigaragara, Kagame kwica akaba abikomora mu muryango we, kuko ari umwakagara, kandi ibyo abakagara bakoze bikaba bisobanutse. Ibi kandi Nyakubahwa Twagiramungu abisobanura mu nyandiko yise: “Kagame ni igikomangoma: ingoma ya cyami yayigaruje umuheto”. Aha rero, ni naho hakomotse ikibazo hagati y’abega n’abanyiginya, kikiriho kugeza n’uyu munsi !

Mu gusoza, twabonye ko Kagame yaharaniye kuba president yica abahutu abashishikariza kurakara ngo bice abatutsi; Ikindi, twabonye ukuntu Kagame yaharaniye kuba president yicisha abakuru b’amashyaka mbere ya 1994, byose ari ukugirango abahutu barakare bice abatutsi; ikindi, twanabonye ukuntu Kagame yaharaniye kuba president atanga itegeko ryo kurasa indege ya President Habyarimana, kugirango abahutu barakare bice abatutsi ndetse noneho akanabigeraho! Ikindi twabonye muri iyi nyandiko, ni ukuntu Kagame yaharaniye kuba president yohereza aba “techniciens” ba FPR kwica abatutsi bari mu Rwanda mbere y’intambara, kugirango ubwo bwicanyi bwitwe genocide yakorewe abatutsi; Na none kandi, twabonye ukuntu Kagame yaharaniye kuba president yohereza muri ONU/UN abajya kwangira abazungu kuza gutabara abatutsi byose ari ukugirango bicwe ari benshi bityo ubwo bwicanyi bwitwe genocide! Hanyuma na none twabonye ukuntu Kagame yaharaniye kuba president yanga gushyikirana n’ubutegetsi yari amaze guca umutwe, kuko yari amaze kubona ko umutego yabateze bari bamaze kuwugwamo! Ikindi twabonye kandi tutakwibagirwa, ni ukuntu Kagame yaharaniye kuba president ategeka ko hajyaho umwanya wa Vice president kugirango yigiremo gutegeka kuko ntabyo yari azi ! Hanyuma kandi, twabonye ukuntu Kagame yaharaniye kuba president avana Bizimungu Pasteur ku mwanya w’ubuperezida kugirango amusimbure ku ngufu!

Muri macye nk’uko mubibona, nagirango mbwire abanyarwanda cyane cyane urubyiruko, ko ibyo Kagame aherutse kubabwira kuri “Instagram” ko atigize abaharanira kuba president atari byo. Icyo ni ikinyoma cyambaye ubusa, nk’uko n’ubusanzwe ubutegetsi bwe burangwa no kubeshya gusa. Mu yandi magambo, Kagame yaharaniye cyane kuba president, anabiharanira akoresheje inzira mbi gusa kuko inziza atari kuzishobora! Ikigaragara ko cyamuteye kujya muri kiriya kiganiro, ni uko Kagame ibibi yakoreye abanyarwanda abizi. Kagame afite ikidodo, Kagame ubwoba bwaramurenze bw’ibyo yakoze! Gukora ikiganiro nka kiriya abiterwa n’uko aba “yashubije agatima impembero”, agatekereza, maze agasanga yarakabije kugirira nabi abanyarwanda, noneho umutima ukamurya, agasigara atinya ingaruka zabyo kandi abona neza ko ziri hafi kumugeraho. Noneho akaza kubeshya abanyarwanda ajya kuri za “Instagram”, abeshya ko atigeze aharanira kuba president, kandi nta kindi yaharaniye nka byo, yica. Igitangaje, ni uko atanashatse kujya kubonana n’urwo rubyiruko imbonankubone, kubera ubwo bwoba asigaranye. Yabonagaurwo rubyiruko rwashoboraga kumufatira aho maze rukamuvudukana, bityo “revolution” ikaba, rubanda nayo igafatiraho maze ikamuvudukana.  

Nidukomeza kujenjeka no kumwihorera, azakomeza aharanire kuguma ku mwanya wa president wa Republika iteka ryose, kandi adahwema kuzengereza abanyarwanda! 

“Utajya ibwami abeshywa menshi” kandi “uwo ntazi se, nzi nyina”.

Niyomugaba Jean de la Paix.

Kigali – Rwanda.

LEAVE A REPLY

This site uses Akismet to reduce spam. Learn how your comment data is processed.