Rwanda: ishyaka Green Party ryemerewe kwandikwa

Bwana Frank Habineza yaba yahisemo gutererana umwe mu bayobozi b'ishyaka rye kubera ubwoba cyangwa inyungu za politiki? Aho ejo bundi ntazahabwa umwanya akajya muri ya mashyaka baringa abana na FPR muri forumu?

Mu Rwanda ishyaka Green Party ryahawe uburenganzira bwo kwandikwa ku mugaragaro nyuma y’imyaka ine ishize rishinzwe.

Mu kiganiro ishyaka Green Party ryahaye abanyamakuru, abayobozi baryo batangaje ko banejejwe no guhabwa uburenganzira bwo kwandikwa ku mugaragaro.

Icyemezo ariko bavuga ko kibatunguye.

Imwe mu ntego ziri shyaka ni ukwitabira amatora y’abadepite ateganyijwe mu Rwanda mu kwezi gutaha kwa cyenda.

Rirasaba ariko akanama k’igihugu k’amatora kongererwa igihe kugira ngo ribashe kwitegura.

Akanama k’igihugu gashinzwe amatora kashyizeho itariki ntarengwa ya 12 z’uku kwezi kuba abashaka kwiyamamaza bose batanze urutonde rw’abakandida.

Ishyaka Green Party ribaye irya 11 mu yemerewe gukorera mu gihugu kugeza ubu.

Ni ishyaka rivuga ku mugaragaro ko ritavuga rumwe na Leta.

Kwemererwa kwandikwa bishobora kugaragara nk’imwe mu ntambwe yo kwagura uruvugiro rw’ubwisanzure bwa politike, akenshi runengwa n’abatavuga rumwe na leta kubura mu Rwanda.

BBC

1 COMMENT

Comments are closed.