Umucamanza mu rukiko rw’ibanze rwa Kacyiru mu mujyi wa Kigali yanzuye ko Bwana Nkaka Ignace bakunze kwita La Forge Fils Bazeye wari umuvugizi wa FDLR na Lt Col Jean Pierre Nsekanabo uzwi nka Abega wari ushinzwe iperereza baba bafunzwe by’agateganyo mu gihe cy’iminsi 30.
Ubushinjacyaha bwa guverinoma y’u Rwanda burega aba bahoze bari mu buyobozi bukuru bwa FDLR kugira uruhare mu gushaka guhirika ubutegetsi buriho mu Rwanda. Umunyamakuru w’Ijwi ry’Amerika Eric Bagiruwubusa yakurikiranye urubanza.
