Kagame waramutse,
Naraye numvise amakuru kuri BBC ngo urashaka kubuza abantu kugutuka?! Nasetse ndatembagara. Wa nyanayimbwa we, se umuntu atagututse yatuka nde? Uretse ko atari no kugutuka ari ukukuvuga uko uri. Ese kuki nta tegeko rirengera abo utuka, ni nde muntu uzihanganira irenganya ryawe?
Ariko ujye wibuka ko mubagengwa n’ayo mategeko yawe ntabamo. Intore yawe hano ni yo yakubeshyeye ngo uri umusinzi, ngo ibyo nvuga simbizi yo yarakwiboneye. None ayo mategeko wayapanze wasinze?
Jye, naziretse umunsi Interahamwe iza igatwika mu migina, abantu b’inshuti zanjye twajyaga dusangira bagahiramo. Uwo munsi nakijijwe na Rwigema, uwo nguwo uri kurenganyiriza ubusa. Uwo munsi yari yarahiye ko aribungeze ku Mana, ngo hari umukecuru wari umurembeje ngo hari umusirikali ategereje Imana yamubwiye. Rwigema yumva ni jyewe antwara ikubagahu I Butare kwa wa mukecuru, umwegakazi mwene wanyu.
Nkuko nkunze kubivuga si ndi umuhanzi, ndi umusirikali uhangwaho. Icyo gihe rero byarasohoye ibyo nahimbiye iNasho nicaye mu giti, nti “Nabonye shitani imara abantu, ni bwo namenye uwo Luciferi(ni wowe Kagame navugaga) yahisemo gutsemba abantu bose, n’abato ntiyabareka (…) Nakomeje ngendagenda ngo ndebe iherezo ry’ayo mahano, nabonye agati kamwe mu Nyanja, ndekere nzakavumba.”
Ako gati kamwe mu Nyanja, ni uwo mukecuru navumbye ibyiza by’Imana. Icyo nshaka kukubwira, ni uko ya magambo na we nakubwiye muri muri 1995, atandeba. Naravuze nti: “Ni wowe Kagame ugaba ingabo, uwobaharaga ntibamuhage, ukabaganza igihagararo, nta kabuza uzabatsinda, witwaje amacumu n’amacondo. Utuye ubajugutira imijugujugu, ikabajugunya inyuma y’ijuru, ndebe aho bazahurira n’iyo hejuru.”
Urumva ko ababi bose nabaguhaye, ufite ububasha bwo kubarwanya uko ushoboye kose, mu gihe cyawe. Urabyumva rero ko jyewe ntaba muri abo! Ntukisumbukuruze. Wibuke ko ubwo nagukoreraga umuriro utwika, aribwo wahise uhindagura ibintu byose, ugasenya intekonshingamategeko, ukirukana perezida wayo, bwacya Bizimungu nawe akagenda. Ntiwariyeho se? Nanjye gahunda yari iyo gupfa kdi mwaranyishe bana b’Abatutsi! Ariko nanjye nsinzira nzi icyo nokeje. Ndabitsamurana mwumirwe, mumenye ko Rwogera atazimye!
Mvuze Rwogera kugira ngo nigishe uko bagoma, kubadafite impano yanjye.
Cyera ku ngoma ya Gahindiro, umwega w’umuswere, Rwagacaya yishe intozo Rukatanzogera ya Rugaju wari wahize ibwami ko ariwe ufite intozo z’akataraboneka. Nuko Rugaju asanga uwo muswere atahorwa imbwa ye yakundaga, ati sinzabura ubundi bwega mpora. Ubwo bwari uburyo bwo kuvuga abega. Bageze ku Rutabo, abasore baramubwira bati ariko hariya hakurya muri uriya mudugudu wari uzi ko ari uw’abega? Ni ko kubohereza barimarima ubwega bwaho. Nyirayuhi Nyiratunga, abitaye mu gutwi ati ak’abega kashobotse, basigaye bahorerwa imbwa! Umwegakazi wacu ahamagara Gahindiro na Rugaju, ati ibi ni ibiki mwakoze? Rugaju aratanguranwa, ati “Oya nyagasani nt’abega twateje ahubwo twateje ubwega bwo ku Rutabo.” Abari aho baraseka bajya hasi, umucyecuru Nyirayuhi arumirwa.
Ntabwo nigisha ubugome ndigisha imvugo. Sinigisha ubugome ahubwo ndashotora abega bandiho mbabwira ko hari igihe barutwaga n’intozo. Sinigisha ubugome kuko abegakazi uko bari kose baratubyara, baratubyarira bo kabyara! Sinigisha ubugome ndigisha kwishyura, ndigisha guca agasuzuguro no gusubiza ugututse.
Yesu yaravuze ngo nibagukubita mu musaya, uzahindure n’uwundi. Ariko gatindi Kagame, agukubita mu musaya, ugahindura agakubita uwundi, ntashirwe agakubita mw’irugu akanagucira mu maso kdi ari nta cyo aricyo!
Umutindi yica umugabo ngo acyure umugore we! Akica umugabo, agasenyera umupfakazi n’imfumbyi, akababoha, akabasahura, nyuma yibyo byose akumva ashaka ubudahangarwa! Ni nde muntu w’ikigoryi wakubaha iyo ntumbi y’imbwa?
Kagame ariho kubera ko muri babi, aheshwa imbaraga n’ububi bw’abantu. Mumugomeye n’umutima umwe, umutima ucyeye utarimo ubutindi nk’ubwe, ntacyo yakora ibye byaba birangiye.
Hari intore yavuze iby’ubusinzi, inyibutsa ukuntu Kagame yasinze amaraso! Yavuga agatura umubi w’amaraso abamuri imbere bagakoma amashyi basinze amaraso! Yavuga kwica bagakoma mu mashyi bakishima! Uriya ni umwuka w’amaraso uba ubabungamo. Ubonye n’abagore, ababyeyi bakaranzwe n’impuhwe ngo bishimire urupfu rw’umuntu? Bogeze, bavuze impundu, bishimire umwicanyi waniyemereye icyaha cye?!
Bazamubeshyere ikindi ntajya ahakana ko atari umwicanyi. Gusa avuga ko umwise umwicanyi yakwica! None umwicanyi ari gushyiraho amategeko yo kubategeka kumwubaha, ngo mujye muhora musingiza inkoramaraso namwe mube zo? Yice imiryango ayibamareho, mukimwita nyakubahwa perezida? Ubwo se mwaba mumurushije iki? Avuge ubusa mukome mu mashyi? Koko musinde amaraso y’inzirakarengane?
Rwanda we, wuzuye abicanyi! Mana n’urakara, uzibuke abatarapfukamiye Kagame!
H.T. Sankara
