Abanyarwanda bamwe, bakunze kuvuga ko ubutegetsi bwa Kagame uyobora u Rwanda muri iki gihe ari ubutegetsi bubi, noneho bakavuga ko ari ko muri Afrika hose bigenda, ngo ko ubutegetsi bwaho bwose ari bubi, kimwe n’ubwo mu Rwanda! Jye ariko, si uko mbibona. Impamvu ni uko nta handi mu gihugu cya Afrika kindi icyo aricyo cyose, umukuru w’igihugu cyaho yicishije bene wabo, abeshya ko aje kubatabara (Abatutsi), cyangwa akica abandi bene gihugu ku bwinshi (Abahutu), nk’uko Kagame yabigenje mu Rwanda. Nk’uko mubizi, kuva Kagame yaza kugeza n’ubu, arica ku bwinshi !!! Ahandi byagenze kuriya ni hehe uretse mu Rwanda? Igisubuzo ni uko nta handi byabaye, uretse nyine iwacu!
Nakomeje kujya ndeba ububi bw’ubutegetsi buhari, ngashaka icyo nabugereranya nacyo, ariko sinkibone, kandi nyamara numva gihari. Nyuma yo gutekereza neza ariko, nasanze hari ikindi kintu kibi, kimeze nk’ubutegetsi bwo mu Rwanda. Icyo nta kindi, ni indwara ya SIDA!
Tubanze twibaze iki kibazo: SIDA ni iki? SIDA ni indwara iterwa n’agakoko ko mu bwoko bwa virus, maze kakambura umubiri ubudahangarwa. Virus ya SIDA, ica umubiri intege ikawambura ubudahangarwa, maze igatera ubwandu bw’indwara. Iyo itavuwe hakiri kare, virus ya SIDA itera indwara zitandukanye, bikarangwa no gucika intege kw’umubiri ku buryo uba utakibasha guhangana n’indwara. Abantu barwaye SIDA iyo nta miti igabanya ubukana bwayo bafata, bashobora kumara imyaka 3 gusa. Iyo umurwayi wa SIDA afashwe n’izindi ndwara kandi nta miti igabanya ubukana bwayo anywa, icyizere cy’ubuzima ni umwka 1 gusa! Abantu barwaye SIDA baba bagomba kunywa imiti igabanya ubukana bwayo, kugirango bakumire gupfa vuba.
Ubutegetsi bwa Kagame mu Rwanda rero, ni bubi cyane, ku buryo iyo urebye uko bumereye abanyarwanda kuva Kagame yabujyaho muri 1994 kugeza uyu munsi, usanga bumeze nk’indwara ya SIDA mu mubiri w’umuntu uyirwaye!
Muri iyi nyandiko, tugiye kurebera hamwe ukuntu ubutegetsi bwa Kagame bwagize u Rwanda, nk’uko indwara ya SIDA igira umubiri w’umuntu, iyo iwugezemo!
Abanyarwanda bifuza icyavanaho ubutegetsi bwa Kagame, nk’uko umurwayi wa SIDA yifuza ahava umuti uyivana mu mubiri we, akaba yarahabuze!
Abanyarwanda aho bava bakagera, baba abo mu Rwanda ndetse n’abo mu mahanga, bose bifuza icyavanaho iriya ngoma ngome ya Kagame iri i Kigali mu Rwanda, ariko kugeza ubu barakibuze! Aha ni igihe Kagame yakoreshaga génocide yakorewe Abatutsi, ayikoresheje iy’Abahutu! Mu yandi magambo, Kagame n’abo bavanye Uganda, baje bakora genocide yakorewe Abahutu n’ubwo itaremerwa kubera impamvu za politique, noneho bamaze gutesha umutwe Abahutu ku mpande zose, nibwo bamwe muri bo umujinya wabarenze, maze bishora muri génocide yakorewe Abatutsi yabaye muri 1994.
Aho bigeze aha muri 2018, abanyarwanda bose bahaze ingoma ya kagame, ku buryo bifuza icyayivanaho, ariko kugeza magingo aya nta kiraboneka! Ibi, umuntu yabigereranya n’iyo indwara ya SIDA yageze mu mubiri w’umuntu, ukuntu nta kindi akora, uretse kwifuza icyatuma akira iyo ndwara! Ibi bikaba ari nyuma y’uko iriya ndwara nta muti igira kugeza magingo aya, noneho uwo ifashe akaba ntacyo yarya cyangwa yanywa, kugirango abone yamuva mu mubiri ! Nguko uko ingoma ngome ya Kagame, ibereye abanyarwanda mu Rwanda! Abanyarwanda twese twifuza icyayivanaho, ariko cyarabuze!
Kagame yafashe ahantu abanyarwanda twese dukunda, nk’uko SIDA yafashe ahantu abantu bose bakunda!
Mu mwaka wa 1994, Kagame yafashe ubutegetsi mu Rwanda ku ngufu, nyuma yo guteza Abatutsi bamwe mu Bahutu, atanga itegeko ryo kurasa indege ya Nyakwigendera Président Juvénal Habyarimana, bityo hakavuka genocide yakorewe abatutsi muri uwo mwaka wa 1994. Twakwibutsa ariko ko atari Abatutsi bonyine bishwe mu Rwanda, kuko n’Abahutu bishwe ku bwinshi n’ingabo Kagame yaje ayoboye za FPR, ubwo bateraga bava Uganda muri 1990. Twibuke kandi ko batahagarariye aho, kuko barinze no kwambuka bajya Congo bakomeza kwica Abahutu b’abanyarwanda bari barabahungiyeyo! Ibi ababikurikiriye hafi bakaba bemeza ko ubwo bwicanyi nabwo ari génocide yakorewe Abahutu, n’ubwo ngo itari yemerwa kubera inyungu za “politique”. Kagame yafashe ubutegetsi ahantu abanyarwanda twese dukunda kandi twahuriraga twese nk’abanyarwanda, ariho mu gihugu cyatubyaye u Rwanda (Motherland). Yahishe abantu batagira ingano, ahaca abandi na bo batagira ingano, ibintu biradogera! U Rwanda rusigaye rutemba amaraso n’amagufa, kandi mbere ya 1994 rwaratembaga amata n’ubuki !
Mu gihe Kagame yafashe aho abanyarwanda twese dukunda, SIDA nayo ijya gufata abantu, niko yabigenje! Yarakugendeye yifatira ahantu abantu bose bakunda! Yafashe aho abagabo bakunda, iranagenda yifatira aho abagore nabo bakunda, maze rubura gica, ingorane ziravuka! (Singiye guhamagara imbwa mu mazina yazo sindi umushumba, ndumva mwumva icyo nshaka kuvuga). Abantu rero kubera iyo mpamvu ntibabura kurira ayo kwarika kandi birumvikana, bagira bati:”imisigati ntikiribwa hajemo nkondwa”! Ubundi bakwongera ngo:”Kuki rwose iriya nkenya ngo ni SIDA yafashe hariya yafashe? Kuki itafashe umusatsi, ngo abantu bajye bahita biyogoshesha, bityo bayiceho, bayikureho?” N’ibindi byinshi wumva biteye agahinda ! Kagame hamwe na SIDA, bahuriye kuri icyo kintu cyo kuba baragiye bifatira aho abantu bakunda, kandi batifuzwa.
Iyo urebye ukuntu imivu y’amaraso yatembye mu Rwanda kuva Kagame na FPR batera u Rwanda, bakica Abahutu, Abatutsi, Abatwa ndetse na bamwe mu banyamahanga babaga mu Rwanda, usanga birenze! Wakwibuka kandi ko n’ubu amaraso akimenwa na buriya butegetsi, ubona ko u Rwanda rwabaye indiri y’urupfu, nk’uko iyo indwara ya SIDA yangiza umubiri w’umuntu igezemo, nayo ikaba ari indiri y’urupfu. Iyo urebye ukuntu indwara ya SIDA igira umubiri igezemo, ukanareba uko igarika ingogo yica abantu batagira ingano, usanga ntaho bitaniye n’ubutegetsi bwa Kagame mu Rwanda. Umuntu yabigereranya n’uko ubutegetsi bwa Kagame bwagize u Rwanda aho buhagereye, kuko amahoro abanyarwanda bo mu moko yose bari bafite mbere y’uko Kagame aba umuyobozi w’u Rwanda, bahise bayabura, kugeza magingo aya bikaba byarayoberanye! Mwibuke ko Général Kayumba wazanye na Kagame, aherutse gutangaza ko yicuza impamvu Président Habyarimana yapfuye, amaze kubona neza uwo Kagame ari we!!!
Uko nta wumenya igihe ubutegetsi bwa Kagame buzamwicira, ni nk’uko urwaye SIDA na we atamenya igihe izamuhutira!
Twese abanyarwanda tumaze kubimenyera, n’ubwo “nta wumenyera akabi”. Nta wumenya igihe ingoma ya Kagame izamwicira, nduzi ko isigaye yica, ikanafunga n’abayifashije kugera ku butegetsi ! Namwe mwirebere aho iyo ngoma igeze Madame Adeline Rwigara n’umukobwa we Diane Rwigara, kandi bizwi ko Nyakwigendera umugabo w’uriya mudamu ariwe Rwigara Assinapaul, yatanze amafranga atabarika, ayaha FPR Kagame kugirango igere ku butegetsi ! Abatari abo bo sinavuga, kuko abamazwe n’iriya ngoma ari benshi !
Aho bigeze aha, umunyarwanda wese cyane cyane uri mu Rwanda, yumva ko yiriwe ataraye! Yarara, agatekereza ko atari bwirirwe, kubera ko ntawumenya igihe iriya ngoma izamwicira! Buri wese yumva ko isaha ari isaha, ko igihe icyo aricyo cyose ubutegetsi bwa Kagame buba bushobora kumwica! Iyo ucecetse kwa Kagame, bavuga ko ufite idéologie ya génocide, maze bagakunda bakagushahura! Iyo uvuze nabwo, bavuga ko ubapinze ubanenze), maze noneho si ukukurandura, bakakurandurana n’imizi, nkuko babigize kwa Rwigara! Mbese, bigaragara ko ntawumenya igihe iriya ngoma izamuhutira! Ibi tukabigereranya n’uko indwara ya SIDA yageze mu muntu, atamenya igihe izamuhutira. Buri gihe aba ategereje, kuko azi ko amaherezo nta yandi, uretse kuzapfa umunsi umwe ariyo imwishe. SIDA yo cyakora nibura, iyo uyirwaye akurikije amabwiriza ya muganga, akarya neza, nibura yo iramureka akabaho imyaka myinshi. Ariko ingoma ya Kagame yo, byahe byo kajya! Ntacyo wakurikiza, ngo urambe! Nta “formule”! Uvuze urapfa, ucecetse nabwo ugapfa! Ahubwo rero, nta n’ubwo ingoma ya Kagame na SIDA ari kimwe! Uzi ko ingoma ya Kagame ariyo mbi cyane kurusha indwara ya SIDA! Nta “formule” wagenderaho ngo urambe kwa Kagame, mu gihe SIDA yo, “formule” ihari yo kuramba! Gukurikiza inama za muganga, niyo “formule” yo kuramba ku murwayi wa SIDA, mu gihe kwa Kagame ho, ari kure kubi !!!! Mbega umwaku!
Erega noneho ngo uyu mwaka, Kagame niwe Président wa UA (Union Africaine)! Abanyafrika bamuhaye icyizere cyo kuyobora uwo muryango muri uyu mwaka wa 2018! Bagomba kuba batari bazi ko ari umukuru w’igihugu utabagura abo yakagombye kurinda, kandi akanabateza inyuma, aho kubateza imbere! Rero noneho ngo ubutegetsi bwa Kagame bwamaze abantu, ngo nibwo bwanatanze umuyobozi mushyashya wa OIF (Organisation Internationale de la Francophonie)! Yewe, ibintu by’ubu ndabona bisigaye bicuritse pe! Nawe se, umuntu waciye igifaransa mu Rwanda, akaba atanubahiriza n’uburenganzira bwa muntu (Human rights), ngo niwe OIF yahaye icyizere cyo kuyiyobora nduzi ko ariko nabivuga! Ibyo umuntu yabyita iki, kitari ukuba bicuramye?! Ariko wenda ahari nta wabarenganya cyane. Bigaragara ko batari bazi ko uwo bagiriye icyizere (Kagame), afite ubutegetsi bubi mu gihugu cye, burusha ububi indwara ya SIDA, iyo igeze mu mubiri w’umuntu! Iyo babimenya, bari guhindura uko babigenza (procédure), ariko ntibashyireho umwicanyi kabombo Kagame!
Muri iyi minsi bwo, haravugwa ko Kagame ashobora gutera u Burundi bwa Président Nkurunziza! Ariko se, ubutegetsi butagira “diplomatie”, ni butegetsi nyabaki?! Yajogoroje Zaire ya Mobutu, agirango niko yabigenza i Burundi ! “Inkunguzi y’igikoba, yikururiye ikara”!
Indwara ya SIDA igenda irushaho kwongera ubukana nk’uko ubutegetsi bwa Kagame buri kurushaho kwica n’uwo bwari bwarasize.
Iyo urebye ukuntu Kagame yafashe ubutegetsi mu Rwanda amaze abantu, ukanareba uko yakomeje ategeka iyi myaka 25 yose yica, ukanareba ukuntu noneho asigaye yibasiye n’abamushyize ku butegetsi muri iki gihe, usanga akora nk’uko indwara ya SIDA ibigenza, iyo yinjiye mu mubiri w’umuntu!
Indwara ya SIDA iyo imaze kugera mu muntu, igenda yongera ubukana buhoro buhoro, haba m’ukuntu yiyongera mu mubiri w’uyirwaye, ndetse n’uko yiyongera mu bantu benshi uko bagenda bayanduzanya hirya no hino! Kagame na SIDA na none, bahuriye ku kintu cyo kuba aho bageze, baragiye bongera ubukana ku buryo buteye ubwoba, nk’uko buri munyarwanda wese asigaye abyibonera! Namwe nimurebe aho Kagame ageze umuryango wa Nyakwigendera Rwigara Assinapaul watanze amafranga atagira ingano kugirango Kagame n’agatsiko ke bagere aho bageze! Mu gihe SIDA yibasiye inyoko muntu, Kagame we agerereye inyoko nyarwanda! Nzaba mbarirwa ra!
Kagame yagamye ku butegetsi mu Rwanda nk’uko virus ya SIDA igama iyo igeze mu mubiri w’umuntu!
Mu Kinyarwanda baca umugani ngo “iso ntakwanga akwita nabi”. Uwise izina Kagame, wagirango yari azi ko azagama ku butegetsi, maze akazengereza abanyarwanda nk’uko bisa ubu! Reba na we, Kagame yagiye ku butegetsi mu Rwanda muri 1994 kugeza n’ubu! Ariko n‘ubwo icyo gihe yari vice president wa Republika, birazwi ko ubutegetsi bwari ubwe n’icyo gihe, kuko uwitwaga President icyo gihe ariwe Bizimungu nta butegetsi nyabwo yari afite. Nimurebe noneho ukuntu ejo bundi muri 2017, Kagame yavuguruye itegekonshinga, abeshya ko ari abanyarwanda ngo bamusabye kurivugurura kugirango agumeho, ageze noneho muri 2034 ! Nguko rero uko Kagame agamye mu Rwanda, abanyarwanda tukaba twaramurambiwe, kandi nawe arabizi.
Uko Kagame agamye ku ngoma, ni nkako SIDA iyo igeze mu mubiri w’umuntu igama. Murabizi ko kuva yamenyekana muri za 1980, abantu bakomeje kwibaza ukuntu bayivuza ngo ikire burundu, ariko byabaye iby’ubusa, kuko yakomeje gucura inkumbi, ikaba nta muti igira ! Kuva icyo gihe kugeza ubu, ubona ko nayo yagamye nk’uko Kagame agamye mu Rwanda, iyo urebye ukuntu abantu bayirambiwe. Kagame na SIDA rero, bahuriye kuri icyo kintu cyo kugama aho bafashe!
Uko SIDA iba mu mubiri w’uwo yafashe atabishaka, niko Kagame nawe ayobora u Rwanda abanyarwanda batamushaka.
Iyo urebye umurwayi w’indwara ya SIDA, usanga aba afite agahinda gakomeye kandi kumvikana, yibaza impamvu iyo ndwara yamufashe, anicuza cyane! Uku, ni na ko abanyarwanda twese agahinda ari kwose, twibaza impamvu Kagame ari we uyobora igihugu cyacu dukunda twese, na buriya bugome bwose agira!
Umurwayi wa SIDA, ntashaka iyo ndwara na gato. Aba yifuza icyayimukiza, ariko akakibura. Uku ni nako abanyarwanda badashaka Kagame, nk’umuyobozi w’u Rwanda, tukaba tunifuza icyamuvanaho, ariko kugeza magingo aya tukakibura. Impamvu abanyarwanda tutamushaka, zirimo kuba ari we wicishije Abatutsi abizi neza kandi abishaka, yarangiza akaba yaranamaze n’ Abahutu, ataretse n’Abatwa ndetse n’abanyamahanga babaga mu Rwanda! Mwibuke ko ubwo yazaga mu Rwanda hari benshi batamwifuzaga, banahisemo gufata iy’ubuhungiro, babonye ari we ubaye umutegetsi. Mwibuke kandi ko, abo baje bazanye bateye u Rwanda muri 1990, na bo bamaze kubona ko bibeshye, ubu bakaba badasiba kumwamaganira kure ari benshi. Ni byiza cyane!
Ikibabaje, ni uko Kagame we ubwe yitangiye umuti w’uko abanyarwanda twabigenza ngo aveho, ariko kugeza ubu bikaba bimeze nk’ibyananiranye! Kagame yivugiye ko umunsi Abahutu n’Abatutsi twashyize hamwe, ngo uwo munsi atazarasa n’isasu na rimwe, kuko ngo azahambira agasubira iyo yaje aturutse ataruhanyije! Ariko, hari abatabibona, kandi rwose ni umuti w’u Rwanda pe! Ibi bivuga ko, we nta kindi yaharaniye, uretse gutandukanya abanyarwanda, kandi umukuru w’igihugu utandukanya abagituye, mu by’ukuri aba ntacyo amaze! Mwiyumvire namwe umuyobozi dufite! Reka twoye kwiheba, kuko hari ibimenyetso byerekana ko bwa bumwe hagati y’abonse rimwe burimo bwatangiye kwigaragaza. Abanyarwanda baca umugani ngo:”Ntawuvuma iritararenga”, reka dutegereze turebe, kandi rwose bitangiye kuba byiza, Imana ihabwe icyubahiro kiyikwiye.
Mu gusoza, muri iyi nyandiko twabonye ibigereranyo bitandukanye byerekana ukuntu ubutegetsi bwa Kagame mu Rwanda, bumeze nk’indwara ya SIDA iyo igeze mu mubiri w’umuntu. Muri ibyo, harimo ko abanyarwanda bifuza icyavana Kagame ku butegetsi, nk’uko abarwaye indwara ya SIDA baba bifuza icyayivana mu mibiri yabo. Icya kabiri, ni ukuba Kagame yarafashe ubutegetsi ahantu abanyarwanda twese dukunda, nk’uko indwara ya SIDA yafashe aho abantu bose bakunda. Icya gatatu, ni ukuba abanyarwanda babaho batazi igihe Kagame azabicira, nk’uko umurwayi wa SIDA ahora yibaza igihe iyo ndwara izamwicira. Icya kane, ni ukuba indwara ya SIDA igenda yongera ubukana, nk’uko Kagame n’ubutegetsi bwe bongera ubukana mu kugenda bica n’abo bari barasize. Icya gatanu ni ukuba ubutegetsi bwa Kagame bwagamye mu Rwanda, nk’uko indwara ya SIDA igama iyo igeze mu mubiri w’umuntu. Icya gatandatu, ni uko ubutegetsi bwa Kagame buriho mu Rwanda abanyarwanda batabushaka, nk’uko indwara ya SIDA ifata utayishaka.
Twabonye ukuntu ubutegetsi bwa Kagame ari bubi, ku buryo bihuye neza neza n’ububi bw’indwara ya SIDA iyo igeze mu mubiri w’uyirwaye. Igitangaje kurushaho, ni uko ahubwo muri iyi nyandiko, twasanze ubutegetsi bwa Kagame ari bubi cyane kurusha n’indwara ya SIDA! Impamvu yabyo ni uko nibura SIDA yo, iyo uyirwaye akurikije inama za muganga, nibura apfa kuramba, kurusha uko ingoma ya Kagame imeze. Birazwi ko iyo ucecetse kwa Kagame, bavuga ko ufite idéologie ya genocide, maze bagakunda bakagushahura! Iyo uvuze nabwo, bavuga ko ubapinze, maze noneho si ukukurandura, bakakurandurana n’imizi ! Mbega ibyago by’abanyarwanda! Mbega agahinda! Aha rero, ibyiza ni ukuvuga, ugaharanira uburenganzira bwawe nk’umuntu, aho guceceka n’ubundi ugapfa! Mwibuke ko “wanga guha amaraso igihugu, imbwa zikayanywera ubusa”.
Abanyarwanda tugomba guhaguruka tukarwanya ingoma ya Kagame mu buryo bwose bushoboka, nk’uko abantu barwanya icyorezo cya SIDA, niba tudashaka gushira nk’ubushwiriri !!!
“Wanga kugwa ukagwira ubusa!”
Niyomugaba Jean de la Paix
Kigali – Rwanda.
