Alain GAUTHIER, yarezwe mu butabera bwo mu Bufaransa.

Jean-Marie Vianney Ndagijimana avuga ko yatanze ikirego mu nkiko zo mu Bufaransa arega Alain Gauthier ukuriye Collectif des Parties Civiles pours le Rwanda (CPCR) kumusebya mu ruhame.

Ndagijimana wabaye ambasaderi w’u Rwanda i Paris (1990 – 1994) na minisitiri w’ububanyi n’amahanga w’u Rwanda igihe gito mu 1994, ubu atuye mu Bufaransa ari naho yatanze ikirego.

Alain Gauthier warezwe akuriye ishyirahamwe rishakisha abakekwaho uruhare muri jenoside mu Rwanda baba mu mahanga ngo bashyikirizwe ubucamanza.

Ikirego cya Ndagijimana gishingiye ku biri mu nyandiko y’ikinyamakuru The New Times, kibogamiye ku ruhande rwa leta y’u Rwanda, yo mu kwezi kwa karindwi 2020.

Iyo nyandiko ivuga kuri bamwe mu bashinjwa na leta y’u Rwanda gukora jenoside cyangwa kugira ingengabitekerezo ya jenoside.

Iki kinyamakuru gisubiramo amagambo ya Alain Gauthier avuga ko “Ndagijimana ari umutima wa ‘network'” y’abantu bashinze “amahuriro y’umuco ariko bahura bafite impamvu za politiki.”

Ndagijimana yabwiye BBC ati: “Kuvuga ngo ndi umutima, [cyangwa] amasanganzira y’abajenosideri, sinshobora kubyihanganira, ni cyo cyatumye ngana inkiko”. 

BBC yagerageje kuvugana na Alain Gauthier, ntibyashoboka kugeza ubu.

Ndagijimana avuga ko atihishe i Orléans mu Bufaransa nk’uko inyandiko ya New Times isubiramo amagambo ya Alain Gauthier ibivuga, kuko ngo ari “mu bantu bagaragara, no mu biganiro bitandukanye”. 

Ati: “Abihisha ni inkozi z’ibibi, njyewe rero ntabwo nihisha kuko ntacyo ntinya”.

Ndagijimana avuga ko yizeye ko azahura “amaso ku maso” na Alain Gauthier mu nkiko “agasobanura ibyo yamvuzeho”.

1 COMMENT

  1. Qui est Gauthier Alain?
    Depuis quand et comment est-il Rwandais sans payer les impôts dans notre pays et sans y avoir aucun centre d’intérêt? Parle-t-il notre langue? Quelles sont ses liens avec la police politique qu’est le RIB, la Gestapo ou DMI, le parquet de Kigli, Ibuka-Rwanda, maison mère des IBuka extérieures, CNLG et diverses officines rwandaise internes? Quel est son lien avec le régime Kagame?
    Le génocide dit des Tutsi est pour un gagne-pain. Il a dit sur une télévision française qu’il n’y a pas d’ethnies au Rwanda. Il faudra alors lui poser la question suivante: quels sont les auteurs de ce génocide dit des Tutsi et si les Hutu existent au Rwanda? Dans l’affirmative, il faudra qu’il réponde à la question: quel est le groupe ethnique des techniciens du FPR.

Comments are closed.