Nyuma y\u2019imyaka hafi 21 FPR ifashe ubutegetsi mu Rwanda, umuntu ureba neza ashishoje ibibera mu gihugu, nuko ibintu bimeze muri rusange, ashobora kwemeza adashidikanya ko n\u2019ubundi butegetsi bwashoboraga kuba buriho icyi gihe cyose, bwaba bwarayirushije kugeza umwenegihugu k\u2019urugero rw\u2019isumbuye rw\u2019imibereho ye.<\/p>\n
Niba amajyambere ashingiye ku mibereho mwiza y\u2019umuturage usanzwe, akarengane n\u2019ubukene<\/a> biriho mur\u2019iki gihe, bikaba birenze urugero rw\u2019izindi ngoma zabayeho mu Rwanda nyuma ya independansi, nimureke twemeze kumugaragaro ko nta majyambere ari i Rwanda, nubwo haba hari ibikorwa byayitirirwa, kandi umuturage nta ruhari rwe rurimo. Nemerako amajyambere atari amazu – umuturage atanafiteho uruhari -, ahubwo ashingiye mbere na mbere ku bantu.<\/p>\n Nyamara, uko iminsi igenda yegereza umwaka 2017 niko prezida Kagame n\u2019agatsiko ke bakomeza guteka imitwe<\/a> (ngo ubu byitwa gutekinika) kugirango ubutegetsi bwa FPR buzakomeze nta gihindutse. Iyo mitwe ikaba ishobora kuzanira u Rwanda andi makuba. Mu kiganiro cyabereye kuri Facebook mu minsi ishize hagati ya Didas Gasana, Claire Nadine Kasinge na Jean-Claude Mulindahabi, ndetse n\u2019abandi, nasanzemo ibitekerezo byinshi Abanyarwanda dukwiye gukomeza kuganiraho, kugirango igihugu cyacu kitazasubira mu kaga cyanyuzemo kuva muri za 90, ndetse ingaruka zako zikaba zigikomeje.<\/p>\n Mulindahabi yarabajije ati: \u201cEse koko Perezida Kagame nta yandi mahitamo afite?<\/b>\u201d Abanyawanda benshi bakurikira ibya politiki y\u2019igihugu cyabo baziko ubutegetsi bwa Kagame buri gukora ibishoboka byose ndetse n\u2019ibidashoboka, yemwe binagayitse, kugirango azakomeze gutegeka mu gihe manda yemererwa n\u2019itegeko nshinga zizaba zirangiye muri 2017. Reka twirinde kuvuga kukaduruvayo n\u2019akaga akomeje no guteza muri Kongo<\/a> ndetse no mu Burundi<\/a>.<\/p>\n Nanone Mulindahabi asanga \u201cUrwanda rwaba rubaye intangarugero rwirinze guhindura iriya ngingo (101 y\u2019itegeko nshinga). Ku nshuro ya mbere Urwanda rwaba rugize umuperezida uvuyeho mu nzira nziza. Mu gihe habaye guhindura ya ngingo byatanga isura nk’iy’abandi babilkora bagamije kwizirika ku butegetsi.<\/b>\u201d Mulindahabi aha ariyibagiza ariko abizihirwa n\u2019isura mbi y\u2019ubutegetsi cyangwa abayihahisha. Birumvikanako abo bo badashobora kubona ubwo bubi mu gihe bubahahira.<\/p>\n Gasana we asangako prezida Kagame mu gutsimbarara k\u2019ubutegetsi nta mahitamo afite. Dore uko asobanura ibibazo prezida afite bimukomereye. Kuri we hari \u201cinzitizi eshatu z\u2019ingenzi zituma kuguma kwicara ku ntebe yo m\u2019Urugwiro ariyo makiriro ye<\/b>\u201d. Aragira ati:<\/p>\n \u201cIya mbere<\/b>: Kagame yishe abantu benshi kuva mu 1990 kugeza uyu munsi, baba Abahutu baba Abatutsi ndetse n’abanyamahanga nabo ntiyabatinye. (Abatwa buri gihe bakunze kwibagirana). Abacikacumu b’aba bantu yishe bategeranije amashyushyu igihe azava k\u2019ubutegetsi bakamuryoza ababo yahitanye – abo nanjye mbarimo. Simbona ko Kagame yakwitesha ikimurinze ngo arashakira ineza u Rwanda n’abarutuye mu gihe benshi muribo bamutegeranije yombi ngo bamushyikirize inkiko.<\/p>\n Iya kabiri<\/b>: Hari impapuro z\u2019ubucamanza mpuzamahanga ebyiri zimutegereje zisaba ko Kagame yafatwa. Bivugako ikimurinze ubu ni ubudahangarwa afite kuberako ari prezida. Sinziko hari umuntu wava k\u2019ubuperezida azi neza ko ahita atwarwa mu nkiko na gereza. Nshobora kuba nibeshya, ariko buriya hagize umwe murimwe umbwira ko yarekura ubutegetsi azi neza ko ahita ajya i La Haye, wenda yansobanurira nkabyumva.<\/p>\n Iya gatatu<\/b>: Kagame afite urubanza muri Amerika kubera kwica abahoze ari abaprezida babiri: Habyarimana na Ntaryamira (muribuka ko bari bagiye kumufatira Oklahoma), Perezida Obama akamukingira ikibaba. Indishyi z\u2019akababaro z’urwo rubanza ni miliyoni 400 z’amadolari. Ikindi nkunda kugarukaho kenshi kimwerekeye, nuko Kagame ari umurwayi (psycopath).<\/p>\n Gasana akaba rero abona ko imbere y\u2019ibi bibazo byose Kagame ahanganye nabyo, we asanga abamurwanya nta buhumekero bamuha. Ati: “None se Paul Kagame hari icyanzu na gito mwaba mumusigira muri iri hatana murimo uyu munsi?<\/b>” Aha yabwiraga abanyapolitiki tubona hanze aha batubwirako bariguhatanira kumusimbura ku ntebe y\u2019ubutegetsi.<\/p>\n Iyo umuntu atekereje kur\u2019iki kibazo cy\u2019imitegekere ya Paul Kagame muri rusange, bituma yibaza. Iyo ategeka asa nutazirikana ejo he cyangwa ah’abe hazaza, cyangwa se nkuzahora ategeka, ubisangamo ubwibone bukabije buvanze no kudasobanukirwa. None niho hategura ejo hazaza. Abategetsi b’abanyarwanda kuva kera bamye babaho bategeka nkaho none hatazakurikirwa n’ejo hazaza.<\/p>\n Umwe mu bari muri kiriya kiganiro yabajije icyo prezida Kagame atagejeje ku Banyarwanda, kubona hari abamwijunditse. Namushubije ngira nti: \u201cKimwe cy’ingenzi cyamunanine cya mbere, ni ukurekera Abanyarwanda uburenganzira bwabo bwo kubaho, baticwa, badafungirwa ubusa, batanyagwa utwabo ku maherere, batanyerezwa ntihamenyekane irengero ryabo; ibindi wenda bikaba byaza nyuma. KUBAHO, KUBAHO nanone KUBAHO nibyo by\u2019ingenzi. N’umukene ushobora guhangana n’ubukene bwe gusa ntazindi mpagarara zimuri hejuru, haricyo arusha wa wundi wundi ushobora kwicirwa igihe icyaricyo cyose, (yewe niyo mu gihe nandika iyi mirongo yaba arikurya yaguye ivutu ariko atazi ikimutegereje mw\u2019isaha ikurikira)<\/b>.\u201d<\/p>\n Kasinge we ku byerekeye icyo cyanzu ngo prezida Kagame yaba adahabwa n\u2019abahanganye nawe mu rwego rwa politiki, aragira ati: \u201cUko mbibona buri muntu wese ukurikiranira hafi amateka y\u2019u Rwanda kuva FPR yatangira kuvugwa kugeza magingo aya, yakagombye kuba atagishidikanya ku mikorere yayo. Cyakora ngo habaho n\u2019ibitangaza. Nta buryo na bumwe prezida Kagame yigeze nibura aca n\u2019amarenga kubijyanye n\u2019icyanzu yaba yifuza; sinumva rero impamvu abahanganye nawe bagomba guta igihe bakimushakira.\u201d<\/b><\/p>\n Ku bwa Kasinge, ngo hari ukuntu Kagame yashoboraga kwerekana ko hari icyanzu ashaka. Aragira ati: \u201cYabaye Kagame ari utekereza icyanzu yakagombye kuba yaratangiye guca inkoni izamba ku banyagihugu,<\/b> ariko aho kuyica ahubwo arakanyaga ingoyi anashinyagurira abanyarwanda ngo atabategeste bakwiyahura. FPR niyo ifite igisubizo kuri ejo hazaza h\u2019abanyarwanda nahayo bwite. … Ibibi byagwira u Rwanda byagira ingaruka kuri buri munyarwanda na Kagame arimo. Niba ntampuwe yigirira cyangwa ngo azigirire abe turazimugirira nka bande? Niba kandi izo mpuhwe hari izo afite nta mpamvu yo guhangayikira umwana kurushya nyina.<\/b>\u201d<\/p>\n Gasana ariko ntabwo yemeranywa na Kasinge mu gihe we abona ko gufata prezida Kagame nk\u2019umuntu muzima kandi ari umurwayi, ataribyo. Gusaba rero umurwayi ibyo adashoboye, ni uguta igihe ahubwo bikaba byanateza ingorane zirenze ku gihugu n\u2019abenegihugu. Aragira ati: \u201cKagame yifitiye impuhwe (ku giti cye), niyo mpamvu azarwanya icyamutwara i La Haye. Impuhwe yigirira nizo zituma azarwana kugeza k\u2019uwanyuma ashaka kuguma k\u2019ubutegetsi.<\/b>\u201d Gasana arakomeza avuga ku ngaruka z\u2019iyo myitwarire ya Kagame zishoboka:<\/p>\n Iya mbere<\/b>: \u201c…u Rwanda ruzasenyuka ndetse hazapfa n’abanyarwanda benshi nanone. Abanyarwanda bazajya kumugeraho, …yamaze kwisasira benshi. U Rwanda azarusiga ari umuyonga (iyi mvugo ngirango murayizi). Kagame ntakibazo afite agiye amaze kwangiza u Rwanda nkuko nubundi yarwangije.<\/p>\n Iya kabiri<\/b>: Abanyapolitiki bamurwanya batamuruse ngo bamurebere mu ndorerwamo yireberamo, bamurute kuko we ari umurwayi, njye numva yaba ari ikosa rikomeye mu migambi yabo. Abamurwanya, mu myumvire yanjye, bagomba kumuruta kuko ntabwo barwaye nkawe, ntabwo bafite ubuswa bugeze ahubwe\u2026.\u201d<\/p>\n Ahandi Gasana atavuga rumwe na Kasinge ni k\u2019uruhande rufite ubushobozi bwo kubonera ibisubizo ibibazo abanyarwanda bafite muri iki gihe. Aragira ati: \u201cUrufunguzo rw’ahazaza h’abanyarwanda ntabwo rufitwe na FPR. Rufitwe n’abanyarwanda ubwabo n\u2019abamurwanya barimo. Nta kuntu Kagame yarekeraho kwica abanyarwanda kugirango agaragaze ko ashaka icyanzu kuko yahereye muri 90 yica. Nubwo yarekeraho ubu, ntibyazabuza abo yiciye muri 90 kumutwara mu nkiko.\u201d<\/b><\/p>\n Aha hari abajya bashyira imbere uruhari rw\u2019amahanga mukurangiza ibibazo by\u2019abenegihugu. Nemeranywa na Gasana ko abanyarwanda aribo ba nyir\u2019ibisubizo, nubwo bashobora kwifashisha nyuma abanyamahanga, ariko uruhari rwa mbere cyangwa urugamba rwa mbere nibo ubwabo bagomba kururwana.<\/p>\n Ariko nubwo Gasana akomeza yerekanako uburwayi bwa prezida Kagame, abamurwanya bagomba kubuzirikana, mu gushakira ibisubizo ibibazo igihugu kirimo, arahamyako wenda yaba yibeshya. Ati ariko kungurana ibitekerezo nibyo byangombwa.<\/p>\n Nubwo Kasinge yumvako koko Kagame yaba atari muzima ahereye kubisobanuro Gasana atanga, niyo ikaba yaba impamvu yo kutamushakira akanzu nawe ubwe atishakira, aribaza ku bwoko bw\u2019icyanzu abahanganye nawe bamubonera. Aragira ati: \u201cUriya Mugabo rwose umuti w\u2019ibibazo bye aracyawufite kugeza muri 2017 niba mbere atagiye mubyo guhindura itegeko nshinga. Kuva ku masezerano ya Arusha atubahirije kugeza magingo aya, nta gihe nakimwe atari afite uburyo bwo kurinda abanyarwanda ibyago. Ariko uko buri gihe yagiye yiyerekana, byatwigishijeko ahitamo amakuba y\u2019abanyarwanda nawe atikuyemo.\u201d<\/b><\/p>\n Mu gusoza ibyo yifuzaga kuvuga ku kibazo cyaganirwagaho Kasinge yanzuye agira ati: Abanyarwanda muri rusange nta nyungu yumwihariko dutegereje mu rupfu cyangwa mwifungwa rya Kagame bitari uko byaba ari bumwe muburyo bwo kutubisa akaduha amahoro. Nta buryo bubaho bwo kudusubiza ibyo twabuze ibyo aribyo byose uko bingana kose. Kagame we ubwe niwe uzihitiramo, yaba koko ari umurwayi cyangwa atariwe, uburyo bwo kubisa rubanda rugahumeka mu gihugu, si abatavuga rumwe nawe bazamuhitiramo kuko bo nta mahitamo Kagame abaha atari ugupfa, gufungwa, guhunga cyangwa kuba ingaruzwa muheto. Ikintu cyonyine Kagame ashaka ku bahanganye nawe mu rwego rwa politiki ni ukutabaho. Niba icyo aricyo cyanzu ategereje ntazakibona, kuko ngo igihagaze cyose kigira igicucu.<\/b>\u201d<\/p>\n Abanyarwanda bari imbere y\u2019amayira abiri. Biragaragara ko umukuru w\u2019igihugu nta bisubizo agifitiye ibibazo by\u2019u Rwanda niba yarigeze abigira. <\/b>Prezida Kagame bamugoragoze barebeko yayinduka cyangwa se bakureyo amaso bakore ibyabashobokera byose ariko abavire aho? Igisubizo nibo bagifite mbere yuko cyaba gifitwe na Kagame. Abantu bakunda kuvuga ko bahabwa ubutegetsi bubakwiriye. Mu gihe ibyabaye ku banyarwanda benshi kandi binagikomeza, bikaba byose bifite impamvu zabyo, icy\u2019ingenzi nuko tubivanamo buri gihe amasomo.<\/p>\n Mu gihe ariko abantu bajya impaka kur\u2019ibi bibazo byose, bakomeze banazirikaneko prezida Kagame we akomeje gushyira imbaraga z\u2019ubwoko bwinshi ku ngamba zinyuranye. Hari urwa politiki muri rusange, hari urwa akarere, hari urwo gukomeza kwibonekeza mu mahanga, n\u2019ibindi n\u2019ibindi. Ibi bigasabako abahanganye nawe mu rwego rwa politiki banamenya bihagije ibikorwa\/ibitero akomeza kugira mur\u2019ibyo birindiro byose kugirango banamenye uko babikumira bitaronona byinshi.<\/p>\n