{"id":10776,"date":"2015-07-05T04:10:32","date_gmt":"2015-07-05T01:40:32","guid":{"rendered":"http:\/\/www.therwandan.com\/ki\/?p=10776"},"modified":"2015-07-05T04:10:32","modified_gmt":"2015-07-05T01:40:32","slug":"172015-duhimbaze-isabukuru-yubwigenge-bwu-rwanda-dusezerera-umuco-mubi-wo-kuba-indorerezi","status":"publish","type":"post","link":"https:\/\/www.therwandan.com\/ki\/172015-duhimbaze-isabukuru-yubwigenge-bwu-rwanda-dusezerera-umuco-mubi-wo-kuba-indorerezi\/","title":{"rendered":"1\/7\/2015: Duhimbaze Isabukuru y\u2019Ubwigenge bw\u2019u Rwanda dusezerera umuco mubi wo kuba INDOREREZI !"},"content":{"rendered":"

UBUTUMWA BW\u2019UMUYOBOZI W\u2019ISHYAKA ISHEMA RY\u2019U RWANDA<\/p>\n

Banyarwandakazi , Banyarwanda, baturanyi namwe nshuti z\u2019Abanyarwanda,<\/strong><\/p>\n

1.Ku italiki ya mbere Nyakanga,\u00a0 Abanyarwanda bagifite umutima wo gukunda igihugu bibukana ubwuzu italiki nziza u Rwanda rwabonyeho UBWIGENGE, dore imyaka ishize ari 53.<\/p>\n

2.Koko rero ubutegetsi bw\u2019Abakoloni baturutse mu mahanga ya kure ntibwarangwaga\u00a0 no guharanira inyungu z\u2019ibihugu bikolonijwe. Ahubwo umukoloni yagenzwaga mbere na mbere no gusahura ibihugu yigaruriye agamije gukungahaza icyo akomokamo, \u00a0ibyo bikamutera gufata uwakolonijwe nk\u2019umuntu wo hasi cyane, utazi ubwenge, utazi ikimufitiye akamaro, \u00a0bityo akamucisha bugufi bitavugwa. \u00a0Muri rusange, akarengane kakorwaga n\u2019Abakoloni niko katumye abakolonijwe bahumuka, barisuganya, bageza n\u2019ubwo biyemeza kwivumbura.<\/p>\n

3.Nibyumvikane neza ko UBWIGENGE(Indepandansi) \u00a0bw\u2019igihugu ari indangagaciro ikomeye cyane ibihugu byinshi byaharaniye, birayirwanirira ndetse abaturage babyo batari bake bemera no kumena amaraso yabo kugira ngo bayigereho.<\/p>\n

4.Ndibutsa ko hari umwihariko w\u2019amateka y\u2019u Rwanda tudakwiye kwibagirwa. Ni uko Abarwanashyaka baharaniye ubwigenge bw\u2019u Rwanda bagombye kubifatanya n\u2019urugamba rwo kwigobotora ingoma ya cyami na gihake , babonaga neza ko irusha iy\u2019Umubiligi amakare n\u2019ubugome mu kurenganya rubanda rugufi.<\/p>\n

5.Niyo mpamvu bashyize ingufu mu kubanza kubona inzego zishingiye kuri demokarasi mbere yo\u00a0 gusezerera Umukoloni w\u2019Umubiligi . Niko byagenze.<\/p>\n

6.Koko rero ntacyo byajyaga kuba bimariye rubanda rugufi gusezerera Umubiligi ukareka gihake igakomeza guheza abasokuruza bacu \u201c MU BUJA\u201d.<\/p>\n

7.Reka rero tubisubiremo twishimye, kubona UBWIGENGE \u00a0taliki ya 1Nyakanga 1962, byari amahirwe akomeye cyane ku Rwanda no ku Banyarwanda.<\/p>\n

8.Kubona ubwigenge ni uguhabwa ububasha bwo kwitorera abategetsi b\u2019abenegihugu.<\/p>\n

9.Kubona ubwigenge ni ukugira ububasha bwo kwigenera imishinga y\u2019iterambere rifitiye rubanda rugufi akamaro.<\/p>\n

10.Kubona ubwigenge ni ugusezerera ikiboko na shiku, ni ukugira ububasha bwo kwiyubakira igihugu mu nyungu z\u2019abenegihugu ubwabo.<\/p>\n

11.Kubona ubwigenge ni ukwishyira ukizana, ugahinga umurima wawe kandi ukazasarura ibyo wejeje, ni uguhahira urugo rwawe kandi ukarya ibyo wakoreye ntawe uguhagaze hejuru.<\/p>\n

GUSA MURI IKI GIHE \u00a0AYO MAHIRWE \u00a0ARAGENDA AYOYOKA !<\/p>\n

\"Dasso\"<\/a><\/p>\n

Ngiyi imikorere ya FPR-Inkotanyi<\/em><\/strong><\/p>\n

12.Mu guhimbaza isabukuru y\u2019ubwigenge ku ncuro ya 53 , ntitwakwibagirwa akaga gakomeye igihugu cyacu kiri kongera gusubiramo uko imyaka igenda isimburana.<\/p>\n

13.Ako kaga twese turakabona kuko kakuruwe n\u2019ishyano ry\u2019intambara yatangiye taliki ya 1 Ukwakira 1990, itangijwe n\u2019umutwe wa FPR-Inkotanyi, \u00a0wimika ingoma y\u2019igitugu gikaze \u00a0kuva muri Nyakanga 1994.<\/p>\n

14.Akaga turimo ni uko Repubulika ya gatatu iyobowe na FPR-Inkotanyi\u00a0 yataye umurongo, ihindura kamere y\u2019ubutegetsi, ubutegetsi bukomoka kuri rubanda ibusimbuza ubutegetsi butangwa n\u2019imbunda n\u2019iterabwoba, \u00a0imikorere yabwo\u00a0 ikaba ifite byinshi ihuriyeho n\u2019iy\u2019ingoma ya cyami na gihake twari twarasezereye mu 1959.<\/p>\n

15.Aka kaga turimo karaturuka ku bategetsi bokamwe n\u2019ingengabitekerezo yahoze ari ya LUNARI y\u2019uko\u00a0bo bavukiye gutegeka<\/span><\/em><\/strong>, rubanda y\u2019Abanyarwanda ikaba igomba kubabera abaja n\u2019abagaragu.<\/p>\n

16.Akaga turimo karaturuka kuri Perezida Paul Kagame urangije imyaka 21 ku butegetsi, akaba kandi ashoje manda ze ebyiri z\u2019imyaka 14 yemerewa n\u2019Itegekonshinga ariko bikaba bigaragara ko inyota ikabije y\u2019ubutegetsi ikomeje kumutera \u00a0kwitabaza uburiganya n\u2019iterabwoba kugira ngo ahindure ingingo y\u2019101 y\u2019iryo tegekonshinga bityo rimwemerere kwibera umwami w\u2019u Rwanda, uzakurwaho n\u2019urupfu.<\/p>\n

17.Aka kaga karaterwa n\u2019uko mu Rwanda nta mukuru wahanura abandi ukiharangwa, abakabikoze bose barangije guhindurwa Abagererwa n\u2019Inkomamashyi nsa, abandi baracecekeshwa.<\/p>\n

NONE SE DUKORE IKI ?<\/strong><\/p>\n

\"kayibanda_kennedy\"<\/a><\/p>\n

18.Mu guhimbaza umunsi w\u2019ubwigenge ku nshuro ya 53, turamagana twivuye inyuma iyi Repubulika ya gatatu yiyuburuyemo ubutegetsi bwa cyami na gihake bwubakiye ku iterabwoba, ikinyoma, ivanguramoko \u00a0n\u2019ukwikubira ibyiza byose by\u2019igihugu.<\/p>\n

19.Turahamagarira abenegihugu kudakomeza kuba indorerezi ahubwo bagahagurukira kwitanga ngo gutabara igihugu cyabo amazi atararenga inkombe burundu.<\/p>\n

20.Turahamagarira abenegihugu b\u2019u Rwanda kwisubiza ububasha bwo kwishyiriraho amategeko no KWITORERA ABATEGETSI batari Abahinza n\u2019Abatware bakorera inda zabo n\u2019iy\u2019Umwami wabo gusa.<\/p>\n

22.Turabashishikariza mwebwe rubyiruko gutangira kwisuganyano kwitegura amatora yo mu 2017 kugirango\u00a0 tuyahindure\u00a0\u201cIGIFARU\u201d<\/span><\/strong>\u00a0kizasezerera bidasubirwaho ingoma y\u2019igitugu n\u2019itarabwoba, kikatugarurira ISHEMA ryo kubaho nk\u2019abenegihugu bishyira bakizana mu Rwababyaye.<\/p>\n

23.Ishyaka ISHEMA ry\u2019u Rwanda rizakomeza kwibutsa Abanyarwanda ko rubanda itakaza ubwigenge , igahinduka \u00a0ikivunge cy\u2019Abagererwa n\u2019Inkomamashyi ari uko twabyemeye.<\/p>\n

24.Tuzakomeza gutoza abenegihugu ko tudakeneye intwaro zisesa amaraso kugira ngo tuvudukane abadusubije mu buja maze tubereke ko turi igihugu kigenga.<\/p>\n

25.Niduhaguruka tukisuganya, tukanga agasuzuguro, muzirebera ukuntu uwahekwaga mu ngobyi azagomba gushyira ibirenge hasi akigenza.<\/p>\n

26.Umunsi mwiza ku benegihugu bafungiye mu Rwanda no mu mahanga, baba abari muri Gereza zinyuranye cyangwa abari mu ngo iwabo ariko bakomeje kubuzwa ubwigenge bubakwiye, bagahatirwa kubaho bubitse umutwe ,kubera ubwoba bwo kugirirwa nabi.<\/p>\n

27.Mugire umunsi mwiza wo guhimbaza ubwigenge mwebwe mpunzi z\u2019Abanyarwanda mukumbuye gusubira mu byanyu mu Rwababyaye,<\/p>\n

28.Umunsi mwiza w\u2019Ubwigenge n\u2019amizero ku benegihugu bari mu kaga mu mashyamba ya Kongo,<\/p>\n

29.Umunsi mwiza wo kwicengezamo icyifuzo cyo guharanira ubwigenge ku Banyarwanda mwese mwahisemo kwitangira abandi mukora politiki irwanya igitugu.<\/p>\n

30.Nitwirinda gukomeza kuba INDOREREZI, buri wese agafata icyemezo cyo gutanga umuganda we, tuzatsinda bwangu iyi gihake ya Kagame, dore ko atari ubwa mbere rubanda nyarwanda yaba itsinze abami.<\/p>\n

Padiri Thomas Nahimana,<\/strong><\/em><\/p>\n

Umukandida w\u2019Ishyaka ISHEMA ry\u2019u Rwanda,<\/strong><\/em><\/p>\n

\u00a0mu matora ya Perezida yo mu 2017<\/strong><\/em><\/p>\n\n

\n\t\n\t\n\t\n\t\n\t\n\t\n\t\n\t\n\t