Mu gihe abanyarwanda bamwe tuzirikana ubwigenge bw\u2019igihugu cyacu kuya 01\/07 ya buri mwaka kuva muri 1962, nabajije umuntu twaganiraga ku munsi nk\u2019uriya ngaruka mwaka icyo we atekereza kur\u2019uwo munsi mu byerekeye uRwanda.<\/p>\n
Nibutseko, yaba prezida Habyarimana cyangwa prezida Kagame, bose bavanyeho 01\/07 mu minsi ikomeye igihugu cyubahiriza. Ahubwo ukaba warasimbujwe n\u2019iminsi bo bafasheho ubutegetsi ku ngufu, Habyarimana hari kuya 05\/07 naho Kagame ni kuya 04\/07.<\/p>\n
Ibi wenda bikaba byakwereka benshi aho ishema ry\u2019aba bategetsi bombi ryari rihagaze, nibura kubyerekeye umunsi w\u2019ubwigenge bw\u2019uRwanda. Umutegetsi utaha uzakurikira Kagame we abanyarwanda bakwiye kuzamutegeka gusubizaho umunsi w\u2019ubwigenge w\u2019igihugu, uko we azaba yabugezeho ukwariko kose. Nta mutegetsi ubundi ukwiye kumva asumba ishema ry\u2019igihugu cyane rigaragazwa no kwikukira, umugani w\u2019abarundi.<\/p>\n
Uwo twaganiraga ku byerekeye isabukuru ya 01\/07, dore uko yanshubije:<\/p>\n
\u201cNkinaha (ari mu Rwanda) ntibawemera (bavuga kuri indepandansi) ngo abayiharaniye sibo yahawe ngo yahawe abahutu, abatutsi barahunze. Inaha yateshejwe agaciro nubwo batanga konji, ahubwo umunsi wo kuya 04\/07 uzanaho ibirori. Kandi muri rusange n\u2019abanyarwanda barabyirengagiza ntacyo bitubwiye.<\/i>\u201d<\/p>\n
Ku bibuka amateka y\u2019uRwanda, muri za 50 na 60, hari ibice bibiri koko by\u2019abanyarwanda byaharaniraga ubwigenge: 1) hari abatutsi baharaniraga ko ubukoloni buvaho uRwanda rukigenga, – nkuko mu bihugu byinshi kw\u2019isi cyane cyane ibitari byagateye imbere mu majyambere ibintu byari bimeze – ariko gihake y\u2019ingoma ya cyami ntutsi ku bahutu igakomeza; 2) hari n\u2019abahutu rero bifuzaga mbere na mbere ko iyo gihake yavaho – kuko babonagako ariyo yari ibabangamiye kurusha n\u2019ubukolonize. Tuziko ariko ko gihake na gikolonize byagendeye icyarimwe.<\/p>\n
Turikwakwa ay\u2019ingwate mu rubanza rwa Karake Karenzi, niyo atumereye nabi. Ngo miliyari y\u2019amanyarwanda iboneke twiheshe agaciro. Yiswe ishema ryacu.<\/i><\/b><\/p>\n
\u00a0Yakomeje agira ati:<\/p>\n
\u201cIgihangayikishije abantu (mu Rwanda) n\u2019ubukene n\u2019ubusumbane burenze kandi utanemerewe gutaka (<\/i>nta bwigenge buhari, yewe n\u2019ubwo gutaka). Nk\u2019ubu \u00a31.00, ari umuhutu ari umututsi aribaza aho azava, ariko buri wese nubwo aba yijujuta, ntawavuga ngo ni ayiki. Twaremeye pe!<\/i>\u201d<\/p>\n
Naramubajije nti se ubundi ni ay\u2019iki, nuko ansubiza gutya:<\/p>\n
\u201cTurikwakwa ay\u2019ingwate mu rubanza rwa Karake Karenzi, niyo atumereye nabi. Ngo miliyari y\u2019amanyarwanda iboneke twiheshe agaciro. Yiswe ishema ryacu.<\/i>\u201d Nibutseko mu rubanza rwabereye imbere y\u2019umucamanza w\u2019umwongereza witwa Quentin Purdy tariki 25\/07\/15 i Londres, ingwate yatswe ari \u00a31,000,000 kugirango uregwa ashobore kuburana ari hanze.<\/p>\n
Mu gihe abanyarwanda twibuka ubwigenge igihugu cyacu cyagezeho benshi mu bakurambere bacu biyushye akuya abandi bakahasiga ubuzima bwabo abandi bagafungwa kugirango abazabakomokaho bazarusheho kubaho neza, uru rugero rwa \u00a31.00 irigusabwa ku gahato abanyarwanda bose kugirano umuntu uregwaho ibyaha ndenga kamere kugira ngo ashobore kuburana ari hanze, ni agahoma munwa.<\/p>\n
Abanyarwanda basabwe rwose kwanga bivuye inyuma gutanga amafaranga y\u2019ingwate mu rubanza rwa Karake Karenzi, mu gihe n\u2019ayagiye mu AGACIRO FUND batazi aho yarengeye; kandi bamenyeko ntawundi uzabarenganura uretsebo ubwabo. Abantu ahubwo bari bakwiye gutanga inkunga y\u2019ingwate kuko ari abafatanyacyaha b\u2019imfungwa ni bariya bose bagera kuri 40, ukaba wakongeraho na prezida Paul Kagame bashakwa n\u2019ubutabera bw\u2019ubufransa n\u2019ubwa esipanye kubera ibyaha ndenga kamere bibashinjwa.<\/p>\n
Mu myaka itari mike mu Rwanda, hari abanyarwanda b\u2019intwari biyemeje kwitangira abandi, kugirango abandi bazagire imibereho mwiza. Mur\u2019abo mu gihe cyo kuzirikana ubwigenge bw\u2019igihugu n\u2019ubwabagituye, umuntu ntiyabura kuvuga nka ba Dr Niyitegeka, Deo Mushayigi, Me Bernard Ntaganda na Victoire Ingabire Umuhoza. Ariko uwo ngirango mvugeho byihariye ni umusore ubarizwa mw\u2019ishyaka PS Imberakuri witwa Jean Baptiste Icyitonderwa.<\/p>\n
Igikorwa cy\u2019imena yagizemo uruhari rukomeye mu myaka ishize cyo kuvuganira abanyeshuli byateganywagako batazabona inkunga ya leta kugira ngo bige muri kaminuza, akitanga bikamuviramo ndetse no gufungwa, ubu akaba yarakatiwe, ariko benshi mu bana b\u2019uRwanda ubu bakaba biga bafashijwe na leta, ubu ni ubutwari bukwiye kubera urugero benshi, cyane cyane mu rubyiruko. Nta kigerwaho kitavunikiwe.<\/p>\n
Nanone ngarutse kuri iriya nkunga iri gusabwa y\u2019ingwate mu rubanza rwa Karake Karenzi, nibutseko mu bayisabwa, harimo benshi iriya mfungwa n\u2019abicanyi bandi ba FPR bafatanyije, bahekuye bakabatwara utwabo, none bakaba barabasize iheruheru. Birasa n\u2019ubushinyaguzi burenze urugero. Bagize kuba barababujijwe kuririra ababo no guhamba mu cyubahiro abazize ubwicanyi bwa FPR, none ntibasiba kubashinyagurira no kubakorera ibya mfura mbi binyuranye.<\/p>\n
Akarengane n\u2019ubucakara bikwiye kurangira. Twe twese ababigwamo nitwe tugomba kubihagarika.<\/p>\n
Ndangize mvuga nti ingoma ya FPR ifitanye isano cyane n\u2019ingoma ya cyami yariho mbere ya 60, ikaba itandukanye n\u2019iya kiriya gihe gusa mu nyito, naho ibindi byose bikaba bibihuriyeho: ikinyoma, kurenganya rubanda, guhaka, kubahoza ku nkeke, kubuzwa ijambo kubireba umuntu, kugirango iveho ikeneye guhangarwa n\u2019abenegihugu bafite ubutwari bungana nibura n\u2019ubwabazanye republika. Buri munyarwanda yaba umuhutu cyangwa umututsi hamwe n\u2019umutwa nitwumveko aheza h\u2019ejo h\u2019igihugu cyacu, twese haduhamagara. Niba atari ibyo dukomeze twikeneshe, twubube, dushakishe icyo gutangaho ingwate kugirango uwatumazeho abacu abone uko aburana arihanze.<\/p>\n
Ambrose Nzeyimana<\/strong><\/p>\n","protected":false},"excerpt":{"rendered":" Mu gihe abanyarwanda bamwe tuzirikana ubwigenge bw\u2019igihugu cyacu kuya 01\/07 ya buri mwaka kuva muri 1962, nabajije umuntu twaganiraga ku munsi nk\u2019uriya ngaruka mwaka icyo we atekereza kur\u2019uwo munsi mu byerekeye uRwanda.<\/p>\n","protected":false},"author":4,"featured_media":9773,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-10798","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n