Amakuru atangazwa n\u2019ibiro ntaramakuru by\u2019abafaransa AFP, aravuga ko abayobozi b\u2019ibihugu bigize umuryango w\u2019ubukungu w\u2019ibihugu by\u2019Afrika y\u2019amajyepfo (SADC), kuri uyu wa gatandatu tariki ya 18 Kanama 2012 bashyize mu majwi ku mugaragaro igihugu cy\u2019u Rwanda ko gifite uruhare mu ntambara irimo kubera mu burasirazuba bwa Congo, banasaba u Rwanda guhagarika guha inkunga inyeshyamba za M23.<\/p>\n
Abo bakuru b\u2019ibihugu bavuze ko bahangayikishijwe n\u2019umutekano ukomeje kuba muke mu burasirazuba bwa Congo, bavuga kandi ko uwo mutekano muke uterwa n\u2019imitwe y\u2019inyeshyamba zihabwa inkunga n\u2019igihugu cy\u2019u Rwanda, bahise banasaba ko u Rwanda rwareka kwivanga mu bibazo bya Congo kuko bibangamiye amahoro n\u2019umutekano by\u2019akarere kose.<\/p>\n
Ibyo byose byavugiwe i Maputo muri Mozambique mu nama ngarukamwaka y\u2019abakuru b\u2019ibihugu bigize umuryango w\u2019ubukungu w\u2019ibihugu by\u2019Afrika y\u2019amajyepfo (SADC).<\/p>\n
Abo bakuru b\u2019ibihugu basabye Perezida wa Mozambique Armado Guebuza ubu uyobora Umuryango w\u2019Ibihugu by\u2019Afurika y\u2019Amajyepfo(SADC)\u00a0kujya mu Rwanda agasaba abategetsi b\u2019u Rwanda guhagarika inkunga ya gisirikare u Rwanda ruha inyeshyamba za M23.<\/p>\n
N\u2019ubwo hari ibimenyetso byinshi, ndetse hakaba icyegeranyo cy\u2019impuguke z\u2019umuryango w\u2019abibumbye ndetse n\u2019amatangazo y\u2019imiryango iharanira uburenganzira bw\u2019ikiremwamuntu, u Rwanda rwo rukomeje kubihakana ruvuga ko nta nkunga ruha inyeshyamba za M23.<\/p>\n
Tubibutse ko mu minsi ishize Ambasaderi wa Leta Zunze Ubumwe za Amerika ushinzwe Ubutabera Mpuzamahanga Mpanabyaha, Stephen Rapp yatangarije i Kigali mu kiganiro yarimo n\u2019umushinjacyaha mukuru w\u2019u Rwanda Martin Ngoga, ko Leta zunze ubumwe z\u2019Amerika zifite ibimenyetso byinshi byerekana ko u Rwanda rufasha inyeshyamba za M23 ndetse ngo binaruta ibyatangajwe n\u2019impuguke z\u2019umuryango w\u2019abibumbye, ngo icyo Leta y\u2019Amerika ikora ubu ni ugukurikirana niba iyo nkunga u Rwanda ruha M23 yarahagaze. Stephen Rapp yatangaje kandi ko abasirikare bakuru ba M23 bagomba gukurikiranwa n\u2019ubutabera kubera ibyaha byibasira inyokomuntu n\u2019ibyaha by\u2019intambara.<\/p>\n
Aha umuntu yakwibaza niba aribo bazakurikiranwa bonyine mu gihe abayobozi b\u2019u Rwanda hari ibimenyetso bigaragaza ko bakoze ubufatanyacyaha, aha tukagaruka kw\u2019igereranywa rikunze gukorwa hagati y\u2019ibyaha byashinjwe Charles Taylor agakatirwa igihano cy\u2019imyaka 50 y\u2019igifungo n\u2019ibyaha bishobora kuregwa Perezida Kagame haramutse habayeho ubushake bw\u2019amahanga.<\/p>\n
Tugarutse ku nama ya SADC yabereye i Maputo, ntacyatangajwe ku bijyanye n\u2019iyoherezwa ry\u2019ingabo zidafite aho zibogamiye n\u2019ubwo ibihugu bya Angola, Republika iharanira demokarasi ya Congo, Tanzaniya na Zambiya biri mu muryango w\u2019ibihugu bigize ibiyaga bigari (CIRGL).<\/p>\n
Kuri uyu wa kane tariki ya 16 Kanama 2012 kandi, i Goma harangiye inama y\u2019abaministres b\u2019ingabo b\u2019ibihugu bigize umuryango w\u2019ibihugu bigize ibiyaga bigari (CIRGL), iyo nama yarimo abaministres b\u2019ingabo b\u2019ibihugu 7 aribyo: Angola, u Burundi, Congo Brazzaville, Repubulika iharanira demokarasi ya Congo, u Rwanda, Uganda na Tanzaniya. Ariko iyo nama nta cyemezo gifatika yigeze ifata ku bijyanye n\u2019ishyirwaho ry\u2019umutwe w\u2019ingabo zidafite aho zibogamiye. Icyakora havuzwe ko izo ngabo zitagomba kuba zirimo iz\u2019u Rwanda, u Burundi, Uganda na Repubulika iharanira demokarasi ya Congo.<\/p>\n
Ubwanditsi<\/p>\n","protected":false},"excerpt":{"rendered":"
Amakuru atangazwa n\u2019ibiro ntaramakuru by\u2019abafaransa AFP, aravuga ko abayobozi b\u2019ibihugu bigize umuryango w\u2019ubukungu w\u2019ibihugu by\u2019Afrika y\u2019amajyepfo (SADC), kuri uyu wa gatandatu tariki ya 18 Kanama 2012 bashyize mu majwi ku mugaragaro igihugu cy\u2019u Rwanda ko gifite uruhare mu ntambara irimo kubera mu burasirazuba bwa Congo, banasaba u Rwanda guhagarika guha inkunga inyeshyamba za M23.<\/p>\n","protected":false},"author":3,"featured_media":1090,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[],"tags":[],"class_list":["post-1089","post","type-post","status-publish","format-standard","has-post-thumbnail","hentry"],"yoast_head":"\n