Buri muturage afite ikimutunga? Afite ubushobozi bwo kwivuza no kurihirira umwana we mu ishuri ? Urangije kwiga abona akazi? Ntihariho ababona icyo kurya rimwe ku munsi na byo ari ha Mana? Icya kabiri, baragira bati:\u00a0\u00bb mbese ibyabashije gukorwa byo, byubakiye ku wuhe musingi?<\/p>\n
Umusingi n\u2019inkingi mwikorezi bavuga ni ubumwe n\u2019ubwiyunge bwakendereye biturutse ku nzangano n\u2019ubwicanyi ndengakamere burimo na jenoside. Hari iterambere rirambye ritubakiye kuri uwo musingi?<\/p>\n
Kutireba mu ndorerwamu ni ukwihenda.<\/strong><\/p>\n Muri iyi myaka 21 ishize, inkunga y\u2019 amahanga yatanzwe ku bwinshi hagamijwe kuzahura igihugu cyari kivuye mu makuba arimo intambara, ubwicanyi ndengakamere na jenoside. Iyo nkunga yari ikenewe kandi n\u2019ubu iracyakenewe kuko 40% by\u2019ingengo y\u2019imari y\u2019Urwanda igizwe n\u2019iyo nkunga y\u2019 amahanga. Hari abemeza ko mu Rwanda hinjiye n\u2019undi mutungo uruta kure iyo nkunga y\u2019amahanga. Hari abemeza ko hari agahiga n\u2019amafaranga atagira ingano yinjiye mu gihugu mu gihe ingabo z\u2019Urwanda zari Kongo. Ibi n\u2019Umuryango w\u2019Abibumbye\u00a0LONI, wabikozeho inyandiko<\/a><\/p>\n Aho ni ho bamwe banahera bakemeza ko ukurikije ubwinshi bw\u2019amafaranga yinjiye mu Rwanda, hashoboraga no kubakwa ibikorwa by\u2019amajyambere birenze ibyo rubanda ibona uyu munsi ndetse nta cyari kuba gitangaje. Aha baba bashaka kuvuga ko hari n\u2019akayabo kigiriye mu mifuka y\u2019abantu ku giti cyabo. Ababikurikiranira hafi bazi ko hari abafite nk\u2019ibya \u00ab\u00a0Mirenge ku Ntenyo\u00a0\u00bb; imitungo yababanye myinshi bagahitamo kwandikisha imwe ku bantu mu buryo bwo kwiha akabanga ariko ay\u2019ubusa rubanda irabimenya. Gutunga byinshi bivuye mu nzira nziza, byo ntakibi kirimo. Aho rubanda igira uburenganzira bwo kubaza no kwibaza ni iyo igice kinini cy\u2019umutungo cyihariwe n\u2019umuntu umwe cyangwa n\u2019abantu mbarwa mu gihe mu baturage hari abavoma ibirohwa.<\/p>\n Ubumwe ni ngombwa ku gihugu<\/strong><\/p>\n Kuki hari abavuga ko ubumwe n\u2019ubwiyunge bwakomeje kuyoyoka, bugahumira ku mirari kandi bwari ibanze n\u2019imfundo rihatse indi mibereho? Niba abategetsi bo bihanukira bakavuga ko ibintu byifashe neza, hari aho bitaniye no gutwika inzu ugashaka guhisha umwotsi? Bitaniye he no kwireba mu ndorerwamo ukabona ufite ingonera aho kuzikiza ukayijanjagura ngo irakubeshyera? Uburyo bwo gukosora burundu ibyangijwe n\u2019amateka mabi, ni ukwemera gutanga ikiguzi cy\u2019ubumwe n\u2019ubwiyunge.<\/p>\n Icyo kiguzi cyangwa igiciro ni ikihe?<\/strong><\/p>\n Ubwo bumwe n\u2019ubwiyunge bushamikiye ku kuri n\u2019ubutabera. Uretse n\u2019Urwanda nta kindi gihugu cyavuga ko gifite aho gishingiye, mu gihe imitima y\u2019abana bacyo ihabye, itatanye cyangwa inyanyagiye ishyanga atari uko yabihisemo gutyo. Iki kibazo iyo kigeretseho ko hari ababona ifunguro rimwe ku munsi na byo bigoranye, kuvuga iterambere bisaba kugenza make. Mu ijambo yavuze ataha amagorofa abiri yuzuye mu mugi wa Kigali (City Hall na M. Peace Building), perezida\u00a0Paul Kagame<\/a>\u00a0hari aho yabwiriyemo abahunze ngo bazaze barebe aho ibikorwa by\u2019amajyambere bigeze. Ese koko abo bahunze ntibakurikira? Ntibazi aho igihugu kigeze n\u2019ukuntu itumanaho ribyoroshya muri iki gihe?<\/p>\n Umusingi n\u2019inkingi mwikorezi igihugu nk\u2019Urwanda cyakubakiraho imibereho irambye ni ukuri, ubumwe, ubwiyunge, n\u2019uburenganzira busesuye kuri buri muturage. Muri Nyakanga 1994 hajyaho ubutegetsi bushya byari muri gahunda na disikuru. Hakozwe iki se, ko n\u2019abari bafatanye agatoki mu kandi icyo gihe, bamwe muri bo ko\u00a0bafashe iy\u2019ubuhungiro, abandi bakicwa.<\/a><\/p>\n Ni byo koko bamwe mu bahunze mu w\u20191994, barahungutse. Ni byo koko ubutegetsi bwashishikarije abantu gutahuka. Nyamara igitangaje ni uko bamwe mu bari muri ubu butegetsi batahwemye na bo ubwabo guhunga. Urugendo rurakiri rwose kuko no mu basangiye akababaro ko mu ishyamba harimo abarebana ay\u2019ingwe, kugeza n\u2019aho kwihekura izuba riva. Abari ku butegetsi bo bavuga ko ibintu bimeze neza kugeza kuri 80%.<\/p>\n Abanyarwanda bafitiye icyizere nde?<\/strong><\/p>\n Birashoboka ko hari abatekereza ko nta bundi butegetsi bwabaha umutekano, amahoro no guhirwa, nk\u2019uburiho muri iki gihe. Aha ariko nta n\u2019uwakwiyibagiza ko mu gihugu uwo munezero udafitwe na buri wese. Hari benshi batanafite na kimwe mu bintu nkenerwa biza imbere y\u2019ibindi mu mibereho y\u2019abantu. Icya mbere muri byo nta kindi ni ukugira ikigutunga no kudacuzwa ubuzima amanzaganya. Amikoro afitwe na mbarwa. Abakurikira imibereho yo mu Rwanda bavuga ko igice kinini cy\u2019imitungo kiri mu maboko y\u2019abantu babarirwa ku ntoki.<\/p>\n Kimwe mu bimenyetso by\u2019ubukene bushobora kugera no ku butindi ni ukurwara amavunja. Ababoneye abandi izuba bemeza ko amavunja yo kuri kiriya kigero atigeze agera hariya! Ugeze ku kibuga cy\u2019indege, agatambagira umurwa mukuru, agasubira imahanga ataganiriye n\u2019uwaburaye cyangwa n\u2019uwashomereye yibwira ko Urwanda ari paradizo.<\/p>\n Umutekano n\u2019uburenganzira bw\u2019ikiremwamuntu byifashe bite?Umuturage afite cyizere ki mu mutima we mu guhugu, umuntu nka Rwigara Assinapol yicwa kuriya nk\u2019uko\u00a0byasobanuwe n\u2019umufasha we n\u2019abana<\/a>, abakamurinze ngo bakabaha urw\u2019amenyo ? Niba umuntu w\u2019igikomerezwa, wanafashije abari ku butegetsti kubugeraho ahita gutya, umuturage usanzwe yashyira umutima mu gitereko ate ? Umuturage usanzwe azatinyuka ate guharanira uburenganzira bwe, nyuma yo kwibonera ibintu nka biriya, cyane cyane ko bimusarika ubwoba buhoraho?\u00a0Ubuhamya butangwa na Em\u00e9renceKayijuka<\/a>\u00a0murumuna wa Ad\u00e9line umufasha wa Rwigara ni ikimenyetso gikomeye ko ubwoba mu banyarwanda burenze urugero. Ese si aha bihera aho bamwe bahitamo kuvuga gusa ibyo bibwira ko byashimisha abafata ibyemezo nyamara bitandukanye n\u2019ibyo bafite ku mutima kugira ngo baramuke kabiri?<\/p>\n Opozisiyo ifite umuti w\u2019ibibazo?<\/strong><\/p>\n Abantu bakunze kubaza abifuza kujya ku butegetsi bati : \u00bbumushinga mufite ni uwuhe uretse kunenga abo mwifuza gusimbura \u00bb ? Ni ikibazo gifite ireme gikwiye no gusubizwa abo kireba. Niba abantu bakibaza inshuro zirenze imwe, ebyiri, ni uko abo kireba bakwiye kugaragaza ko ku buryo bunononsoye niba hari umushinga ufatika bafitiye igihugu. Niba uwo mishinga cyangwa iyo mishinga izakosora ibitagenda ihari, ikwiye gutangarizwa abanyarwanda mu nzira zose zishoboka. Hari ababikora ku mbugankoranyambuga na \u00ab\u00a0internet\u00a0\u00bb. Ni imwe mu nzira ariko ntibigera kuri bose.<\/p>\n Ku munsi wa none hari ikindi umuntu yakwibaza. Ni ikihe gisubizo opozisiyo iha abibwira ko amakiriro yabo ashingiye gusa ku ngoma iriho muri iki gihe? Hari n\u2019abumva ko ibintu byatunganye, ko kandi bafite iby\u2019ibanze byose. Hari nabashishikajwe gusa n\u2019uwabihera igihugu gituje, bakiga, bakabona akazi, bagakora imirimo inyuranye, bakihingira, bakorora, bakavuga icyo batekereza batabanje gukebaguzwa. Aba bose babwirwa iki gifatika n\u2019abakora politiki? Bikorwa mu zihe nzira?<\/p>\n Uretse abababaye kubera umukeno, akarengane n\u2019ibindi, hari n\u2019abandi, abashaka kuyobora bagomba kubonera igisubizo kibanyuze niba bashaka kugera ku butegetsi no gushyiraho impinduka nziza. Hari abatekereza ko ibyo bamaze kugeraho byayoyoka habaye ihinduka ry\u2019ubutegetsi. Abo se hari igisubizo kinononsoye opozisiyo ibaha kibumvisha neza ko kugera ku butegetsi bitazabaviramo igihombo ? Hari n\u2019abatekereza ko umutekano no kuramuka babikesha gusa Jenerali major Paul Kagame watsinze urugamba ubu akaba ari ku butegetsi. Aba se bo, abifuza kugera ku butegetsi ntibafite akazi ko kubumvisha ko batahungabana ubutegetsi buhindutse ? Niba gutanga iryo humure bishoboka, opozisiyo niyerekane uko abo bantu bashira impungenge.<\/p>\n Kutemera cyangwa kutamenya uburwayi?<\/strong><\/p>\n Abanyarwanda baciye umugani ngo \u00ab\u00a0ushaka gukira indwara arayirata\u00a0\u00bb Harimo abayoboye Intekonshingamategeko ( Yozefu Sebarenzi, Alfred Musangamfura), ababaye ba Minisitiri w\u2019Intebe (nka Faustin Twagiramungu, Pierre-C\u00e9lestin Rwigema watahutse ejobundi amaze kwemera kuyoboka ubutegetsi), ababaye abaminisitiri (nka Seth Sendashonga wiciwe Kenya, Amb. J.M.V. Ndagijimana, Ambas. Dr Anastase Gasana, C\u00e9lestin Kabanda, Th\u00e9obald Rwaka, Jean-Baptiste Nkuliyingoma, Patrick Habamenshi, Drocella Mugorewera, Andr\u00e9 Habib Bumaya, Protais Mitali n\u2019abandi.), abari abasirikari bakuru ( nka ba Jenerali Kayumba Nyamwasa, Jenerali Habyalimana Emmanuel, Colonel Balthazar Ndengeyinka, Koloneli Patrick Karegeya wiciwe Afrika y\u2019Epfo, ba Major J.M. Micombero, Robert Higiro, Major Alphonse Furuma, Major Mupende, n\u2019abandi). Nta kindi gihugu ku isi gihungwa n\u2019abategetsi n\u2019abasirikare bangana batya mu butegetsi bari basanzwemo.<\/p>\n Uwajya imbere y\u2019abanyarwanda akavuga ko nta mpamvu ifite ishingiro yatumye abantu nkaba bahunga yaba ari umunyakuri? Aba bose bahunze kubera ibyaha? Ubumwe buri he? Buri he, ko na bamwe mu basangiye akabisi n\u2019agahiye barebana ay\u2019ingwe? Nta gihugu na kimwe cyo ku isi cyatinyuka kuvuga ko ibintu bigenda neza mu gihe ubumwe bwahungabanye. Umusingi n\u2019inkingi mwikorezi igihugu cyubakiraho nta yindi uretse iy\u2019ubumwe. Ku gihugu nk\u2019Urwanda, iyo nkingi inagendana rimwe na rizima n\u2019iy\u2019ubwiyunge kubera amacakubiri yabayeho.<\/p>\n Aha nanone abaturage barabaza abategetsi bati: \u00ab\u00a0ariko mwibwira ko atari mwe ba mbere mwari mukwiye kwiyunga n\u2019abo mutabona ibintu kimwe\u00a0\u00bb? Abasesengura ikibazo cyUrwanda bemeza ko abaturage nta makimbirane na mba bagirana mu gihe yaba atarangwa ku bahatanira ubutegetsi mu nzira mbi; za zindi zinyonga, zigafunga cyangwa zigacira ishyanga ushatse kuvuga ibyakosorwa, mu gihe bitanyuze nyirububasha mu gihugu cyangwa ugaye ibikorwa bibi.<\/p>\n Ntawakwirengagiza ko mu mpunzi harimo n\u2019izo mu w\u20191959 zitaratahuka. Urugero rwa hafi ni umwami Kigeli V Ndahindurwa ujya atangaza ko inzira y\u2019ubumwe itaragerwaho neza, bityo ngo yiyemeze gutaha. Hari impunzi zo mu w\u20191994 zikiri nyinshi hirya no hino ku isi. Si uko zashimye amahanga ahubwo ni uko hari izidafite icyizere cy\u2019imibereho n\u2019umutekano mu gihugu zikomokamo.<\/p>\n Hari imvugo n\u2019imigirire ituma bamwe barushaho gukangarana no kwiheba. Mu gihe igihano cy\u2019urupfu cyavanywe mu mategeko, ni gute abanyarwanda basobanurirwa ko hari abarukwiye kandi igihugu kitari mu ntambara? Urugero muri nyinshi zindi ni\u00a0ijambo ry\u2019umukuru w\u2019igihugu<\/a>\u00a0tariki ya 12 Mutarama 2014. Kubanisha abanyarwanda no kubumvikanisha biruta kure ihangana ricuza bamwe ubuzima.<\/p>\n Hari abibaza niba haramutse habayeho inyubako z\u2019agatangaza ariko hakabura umutima, ubumuntu, gukunda igihugu nyabyo, gukorera inyungu z\u2019abagutoye n\u2019abataragutoye, niba byaba atari ugutera intambwe imwe imbere n\u2019eshatu inyuma? Ni ikibazo buri wese yazirikanaho, by\u2019umwihariko abanyapolitiki.<\/p>\n
\nKu itariki ya 17 Nyakanga 1994, nyuma y\u2019ubwicanyi ndengakamere bwakorewe abanyarwanda bukanabamo jenoside yakorewe abatutsi hagiyeho Leta yiswe iy\u2019ubumwe bw\u2019abanyarwanda.
\nKuva icyo gihe kugeza uyu munsi abanyuze muri ubu butegetsi nyuma bakavanamo akabo karenge,\u00a0bagahungira mu mahanga,<\/a>\u00a0ntawakora urutonde rw\u2019abo ngo aruve inyuma. Muri bo harimo abasivili n\u2019abasirikare.<\/p>\n
![\"mulindahabi\"](\"http:\/\/www.therwandan.com\/ki\/wp-content\/uploads\/sites\/3\/2014\/09\/mulindahabi1-150x150.jpg\")
<\/a><\/p>\n