Hari muri 2003 ndangije mu mwaka wa gatandatu w\u2019amashuri yisumbuye mw\u2019ishuri ryitiriwe mutagatifu Aloys i Rwamagana. Icyo gihe nari vice perezida w\u2019ishyaka riharanira ubumwe bw\u2019abanyarwanda na demokarasi UDPR (Democratic union of the Rwandan people ) mu cyahoze ari perefegitura ya Butare ari naho mvuka. Iri shyaka ryashinzwe taliki 29 ukuboza 1991 ryitwaga ishyaka ry\u2019abanyamakuru barwanyaga Kinani kuko perezida waryo yari nyakwigendera Rwabukwisi Vincent bitaga \u201c RAVI\u201d wari umuyobozi w\u2019ikinyamakuru \u201c KANGUKA\u201d cyari kwisonga mu byarwanyaga leta y\u2019igitugu ya Kinani.<\/p>\n Ngarutse kubya Dr IYAMUREMYE, n\u2019umukwe wa SINDIKUBWABO THEODORE wari uyoboye leta y\u2019abatabazi yoretse u Rwanda muri 1994. Umugore we REGINA SINDIKUBWABO akaba ariwe munyamabanga mukuru wa \u201cUnity Club\u201d ishyirahamwe ry\u2019abagore b\u2019abategetsi bakuru riyobowe na Jeannette KAGAME NYIRAMONGI!<\/p>\n Icyo ntazibagirwa kuri Dr Iyamuremye, n\u2019uko umunsi umwe muri 2005 ubwo twari mu nama twaganiriye ku mpamvu ituma abaturage bumvira abategetsi buhumyi, Iyamuremye yavugaga ko nta rwitwazo na rumwe rwatuma abaturage bitwaza ko bashutswe cyangwa ko bategetswe gukora genocide.<\/p>\n Ubwo twari dushoje ikiganiro negereye uyu mugabo mbere ko twurira bisi yari butujyane muri hoteli Karisimbi aho twajyaga gufata amafunguro maze ndamubaza nti:\u00a0“niba NGARAMBE Francois avuga ugatengurwa kandi nawe uri umutegetsi, ubwo wumva umuturage usanzwe amubwiye atapfukama?”<\/em><\/p>\n Nakomeje kumuningura nti kandi buriya iyo tugeze mu rugo usanga twigize umuravumba abagore batubona bakibwira ngo bafite abagabo! Umugabo yarandebye arambwira ngo ni amaraso ya gisore anshuka, icyakurikiye nuko natangiye kwivumbura nkanga kujya njya muri izo nama za forum y\u2019amashyaka. Kuko uburyo izo nama zikorwamo Ngarambe aba ameze nka padiri uri gusomera ivangili abakirisitu.<\/p>\n Muri make ntibitangaje kuba Semuhanuka (Perezida Kagame) yarahisemo Dr Iyamuremye, kuko ni urugero rwiza rw\u2019umurenzamase udafite ubwigenge mu bitekerezo ku buryo yayobora komisiyo ireba inyungu rusange z\u2019abenegihugu.<\/p>\n Uyu mugabo akaba asanzwe ari perezida w’urwego rw\u2019igihugu Ngishwanama rw\u2019inararibonye. Kuba yarahoze ayobora maneko za Perezida Habyarimana, ukongeraho Ikidodo ku mutima cy\u2019uko ari umukwe wa Perezida SINDIKUBWABO wayoboye leta y\u2019abatabazi yakoze genoside y\u2019abatutsi muri 1994, n\u2019andi mateka yo kuba FPR yarigeze no kumurega dosiye ya genoside yabereye za Kabeza muri 1994, ni zimwe mu mpamvu zitatuma uyu mugabo agira icyiza amarira abanyarwanda. Muri macye nta bundi buhanga cyangwa ubupfura arusha abandi banyarwanda bwatuma ahabwa uyu mwanya uretse guha umugisha no gusohoza inzozi za Semuhanuka zo kuba umwami w\u2019u Rwanda!<\/p>\n Dr Usta KAITESI vice perezida wa komisiyo<\/strong><\/p>\n Ariko by\u2019umwihariko ku giti cyanjye sinzibagirwa uyu mugore muri kaminuza i Butare kuko mu mwaka wa kabiri (2006) yanyigishije isomo bita \u201cspecial criminal Law\u2019\u2019 . Gusa abo yigishije mw\u2019ishami ry\u2019amategeko i Butare ntibazibagirwa ukuntu yangaga urunuka abavuga igifaransa (Francophone), ku buryo mu gihe inkundura ya Mutsindashyaka yo gusimbuza igifaransa icyongereza yatangiraga mu mashuri, uyu mugore yakoraga udutsiko tw\u2019abanglophone agamije kubangisha abarimu bakoreshaga igifaransa, ntatinye no kuvuga ko igifaransa nacyo ari \u201cIgihutu\u201d bityo ngo nta gaciro gikwiye ku ngoma ya FPR!<\/p>\n Muri 2007, nyuma y\u2019uko yivanze mu matora y\u2019abanyeshuri bahagarariye abandi mw\u2019ishami ry\u2019amategeko muri iyo kaminuza, aho atifuzaga ko hari umu francophone wayobora, ntako atagize ngo andwanye ubwo niyamamazaga ariko birangira abanyeshuri baciye urubanza rwo kungira umuyobozi wabo!<\/p>\n Ariko uyu mugore ntiyashubije inkota mu rwubati kuko yakomeje kungendaho, abasoma iyi nkuru bamwe baribuka ko mu nama y\u2019ubutegetsi ya kaminuza y\u2019u Rwanda yateranye taliki 29- 30 Gicurasi 2008, uyu mugore yakamejeje agashuka umuyobozi wa kaminuza Prof LWAKABAMBA SILAS ngo anyirukane bazaruburana! Mu magambo ye yaragize ati mu mwirukane ndi \u201c lawyer nzaruburana\u201d<\/p>\n Uyu mwambari wa FPR mu gihe nari nararahiye kutazaba umuyoboke wayo, yabigize urwitwazo babinyujije kuri Lt Emmanuel SHYAKA wa DMI, AIP Abel NDUNGUTSE wa special intelligence ya police na KANAMUGIRE Faustin wari ukuriye NISS i Butare, bankoreye rapport y\u2019ama page 8 yuzuye ibinyoma, ivuga ko njyewe wayoboraga abanyeshuri bo mw\u2019ishami ry\u2019amategeko 2007-2008 nakanguriraga abanyeshuri kwanga ubuyobozi.<\/p>\n Amaze kunyirukanisha burundu nirutse inzego zose mburana na kaminuza nigagamo kugeza nyitsinze. Mu gihe kigera ku mwaka niyambaje : minisiteri y\u2019uburezi, minisitiri w\u2019intebe, inteko ishinga amategeko muri komisiyo y\u2019uburezi, komisiyo y\u2019igihugu y\u2019uburenganzira bwa muntu, DMI, urwego rw\u2019umuvunyi, ubugenzacyaha bwa polisi, kugeza nigemuye ku bushinjacyaha bukuru bwa Repubulika ngo bumfunge cyangwa bundenganure!!! Ku mabwiriza y\u2019uwari umushinjcyaha mukuru Maritini Ngoga ubushinjacyaha bwa Huye bwakoze iperereza bwemeza ko ibyaha naregwaga na Kaminuza byose ntashingiro bifite ko ari munyangire.<\/p>\n Nyuma y\u2019uko uwari umuvunyi mukuru TITO Rutaremara yandikiye Lwakabamba amabaruwa 2 amusaba kundeka nkarangiza, uyu mugore yitwaje ko ngo ari inzobere mu mategeko yakomeje gushuka Lwakabamba yanga kuva kwizima. TITO amaze kumbwira ko n\u2019ubwo abona ndengana ko kubera ko LWAKABAMBA atakwemera ko nsubira kurangiza i Butare ntacyo yabikoraho, nibwo niyambaje perezida KAGAME ari nawe watumye Prof Lwakabamba ava kwizima akampa impamyabumenyi yanjye muri 2010.<\/p>\n Hagati aho amabaruwa yose nandikiraga inzego zitandukanye ndega Lwakabamba, uyu mugore USTA yarwanye agaramye ngo ntarangiza amashuri kuko niwe wateguriraga Lwakabamba amabaruwa yo gusenya ayo nabaga nanditse ariko byarangiye ikinyoma cye gikubibitiwe ahareba i Nzega!<\/p>\n Uyu muhezanguni rero akaba intore butwi ntabwo ari impanuka kuba Semuhanuka yaramuhisemo, ahubwo n\u2019uko amuzi neza ko ari inkomamashyi izifashisha ubumenyi ifite mu mategeko ikamukorera itegeko yifuza, kugirango atabubikira imbehe we n\u2019umugabo we Richard.<\/p>\n Havugiyaremye AIMABLE<\/strong><\/p>\n Uyu mugabo wanyize imbere i Butare, nyuma akaba umwarimu wanjye muri kaminuza y\u2019u Rwanda mw\u2019ishami ry\u2019amategeko, by\u2019umwihariko muri 2009 nyuma yo kuburana na kaminuza nkayitsinda akaba ariwe wabaye\u201d lecteur principal \u201c w\u2019igitabo cyanjye nanditse mu mategeko nagaragazaga uruhare rwa ba mpatsibihugu mu kajagari kabera muri Somalia, icyo gitabo nakise \u201c la l\u00e9gitimit\u00e9 de l\u2019intervention d\u2019un Etat dans les troubles internes d\u2019un autre Etat : cas de l\u2019Ethiopie en Somalie\u201d<\/em><\/p>\n Aimable afite impamyabumenyi ihanitse mu mategeko yakuye muri kaminuza i Butare LLB, n\u2019impampamyabumenyi y\u2019ikiciro cya kabiri LLM yakuye muri kaminuza ya Pretoria. Yagiye ahabwa akazi gatandukanye by\u2019umwihariko akaba yari vice perezida wa komisiyo yo kuvugurura amategeko, umwanya yasimbuweho na wa mucinyankoro Evode Uwizeyimana nyuma yo kumanika amaboko akajya kuramya ingoma ya Semuhanuka. Ubu akaba ariwe muyobozi w\u2019ishuri rikuru ryigisha iby’imyandikire y\u2019amategeko ry\u2019i Nyanza ILPD (Institute of Legal Practice and Development).<\/p>\n Mu kumuhitamo mu bagize iyi komisiyo, Semuhanuka azineza ko ari intumwa nziza kuko nkuko nabivuze haruguru ubwoba bwe ntibwatuma yumvira umutimanama we ngo arwanire ko itegeko risumba ayandi yose ( fondemental law, la loi fondementale) ridahonyorwa ku nyungu z\u2019umuntu umwe rukumbi!<\/p>\n Evode Uwizeyimana<\/strong><\/p>\n Uyu rero ni nawe agatsiko kamaze iminsi gakoresha mu gutekenika impamvu ingingo ya 101 igomba guhinduka akora propaganda mu bitangazamakuru byo mu gihugu.<\/p>\n Mbese ubwenge bwe yabwimuriye mu gifu<\/a> nk’uko yakundaga kubivuga.<\/p>\n <\/p>\n![\"iyamuremye-2\"](\"http:\/\/www.therwandan.com\/ki\/wp-content\/uploads\/sites\/3\/2015\/09\/iyamuremye-2.jpg\")
<\/a>Hari 1984 Ubwo uyu muganga w\u2019amatungo, IYAMUREMYE yaje gukorera iwacu i Nyanza ayobora icyari ikaragiro ry\u2019amata rya Nyabisindu kugeza 1990. Nshatse kubeshya navuga ko nari muzi gusa, namumenye nyuma y\u2019indege, mu nama zikorwa buri kwezi n\u2019abayobozi b\u2019amashyaka yitwa ko yemewe mu Rwanda nibwo nahuye bwa mbere n\u2019uyu mugabo wari umwe mu babaga bahagarariye ishyaka rya PSD.<\/p>\n<\/a>Iyo tuvuga ko twahagurikiye kurwanya ingoma y\u2019agatsiko, hari abanyarwanda bagira ngo turakabya, cyangwa turi inyangabirama, Dr USTA KAITESI vice perezida wa komisiyo yo kuvugurura itegeko nshinga, n\u2019umugore wa bwana MUHUMUZA Richard umushinjacyaha mukuru w\u2019u Rwanda! Byongeye kandi uyu mugore ufite impamyabumenyi y\u2019ikirenga mu mategeko ni nawe muyobozi mukuru wa kaminuza y\u2019u Rwanda ishami rya CASS ( college of art and social science)!!!<\/p>\n<\/a>Ushaka kubeshya abantu wavugako uyu mugabo ari umuswa mu mategeko ariko kandi ishusho nziza y\u2019umunyabwoba udashobora kunyuranya n\u2019ibitekerezo by\u2019agatsiko. Aimable wahoze ari inkotanyi, kubusanzwe n\u2019umuntu w\u2019imico myiza utagirana ikibazo nuwo ariwe wese. we n\u2019umufasha we Diane Muganga wahoze akora kuri television y’u Rwanda bakaba ari abayoboke bakomeye ba Zion TEMPLE ya Paul GITWAZA .<\/p>\n<\/a>Uyu mugabo n\u2019ikimenywabose nta byinshi turi bumuvugeho kuko umuntu wese ukurikira politike y\u2019u Rwanda aramuzi. N\u2019umwe mu batatiye umuco nyarwanda aho bavuga ngo umugabo ahindukira ku buriri ariko ntahindukira kw\u2019ijambo. Evode wirirwaga atuka FPR akiba muri Canada avugako FPR ari agatsiko k\u2019amabandi abo babanaga umunsi umwe bwaracyeye baramubura bongera kumwumva yageze i Kigali \u00a0asingiza FPR agatuka opposition nyarwanda.<\/p>\n