{"id":1132,"date":"2019-03-08T10:41:38","date_gmt":"2019-03-08T08:41:38","guid":{"rendered":"http:\/\/www.therwandan.com\/ki\/?p=1132"},"modified":"2019-03-08T13:39:40","modified_gmt":"2019-03-08T11:39:40","slug":"general-major-juvenal-habyalimana-yari-muntu-ki","status":"publish","type":"post","link":"https:\/\/www.therwandan.com\/ki\/general-major-juvenal-habyalimana-yari-muntu-ki\/","title":{"rendered":"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82!"},"content":{"rendered":"

Inkomoko ya Perezida Juv\u00e9nal Habyalimana<\/strong><\/p>\n

Juv\u00e9nal Habyarimana ni mwene Jean-Baptiste Ntibazilikana na Suzanne Nyirazuba. Yavutse tariki ya 8 Werurwe 1937 mu Gasiza mu Bushiru (Gisenyi). Igisekuru cye ni iki: Habyarimana mwene Ntibazilikana, wa Rugwiro, rwa Ruhara, rwa Ndabateze, wa Mahinda, ya Mpaka, wa Buronko, bwa Nyamwendaruba, wa Nkwama, wa Samari, wa Cyuhura, cya Mateke. Ni Umwungura. Yavukanaga n\u2019abana 8, abahungu 4 n\u2019abakobwa 4. Babiri muri bashiki be babaye abihayimana bo mu muryango w\u2019Abenebikira. Sekuru Rugwiro yari umukozi ushinzwe gutekera Abapadiri Bera bari barashinze mu 1914, Paroisse ya Rambura. Ise umubyara Jean Baptiste Ntibazirikana yari umucat\u00e9chiste.<\/p>\n

Amashuri yize<\/strong><\/p>\n

Afite imyaka 8 y\u2019amavuko, yatangiye amashuri abanza i Rambura. Ajya kurangiza umwaka wa 6 w\u2019amashuri abanza kuri Paruwasi Gatorika ya Nyundo.<\/p>\n

Yatangiriye amashuri yisumbuye mu Iseminari Nto ya Kabgayi I Gitarama, ariko kubera ko yashakaga kuba umuganga yavuye i Kabgayi ajya kwiga I Bukavu muri Congo, muri Coll\u00e8ge interracial de Bukavu. Arangije yagiye kwiga mu Ishami ry\u2019Ubuvuzi rya Kaminuza ya Louvanium i Kinshasa.<\/p>\n

Ku itariki ya 17 Kamena 1960, Ingabo z\u2019igihugu cya Congo zarivumbagatanije, icyo gihe Juv\u00e9nal Habyalimana yari amaze imyaka 2 mu Ishami ry\u2019Ubuvuzi muri Kaminuza. Nk\u2019abandi banyeshuri b\u2019abanyamahanga byabaye ngombwa ko ahagarika amasomo agataha mu Rwanda.<\/p>\n

Umusirikare w\u2019Umwuga<\/strong><\/p>\n

\"General<\/a>Yageze mu Rwanda igihe Dominique Mbonyumutwa, waje kuba Pr\u00e9sident wa Repubulika w\u2019agateganyo, icyo gihe wari Umunyamabanga wa Leta ushinzwe Ingabo, yashakaga abasore bo kujya mu ishuri ry\u2019aba Officiers ry\u2019i Kigali.<\/p>\n

Juv\u00e9nal Habyarimana yinjiye muri iryo shuri tariki ya 10 Ugushyingo 1960 ari kumwe n\u2019abandi basore b\u2019abanyarwanda 6, aribo: Pierre Nyatanyi (ise wa Nyakwigendera Ministre Nyatanyi Christine), Aloys Nsekalije, Sabin Benda, Epimaque Ruhashya, Alexis Kanyarengwe, na Bonaventure Ubalijoro.<\/p>\n

Niwe wasohotse muri iryo shuri ari uwa mbere afite inimero ya gisirikare imuranga (matricule 001), amaze kubona impamyabumenyi yo kumanukira mu mutaka (brevet parachutiste), Juv\u00e9nal Habyarimana yabonye ipeti rya Sous-Lieutenant ku itariki ya 23 Ukuboza 1961 ubwo aba abaye umusirikare wa mbere w\u2019umunyarwanda wo mu rwego rwa officier.<\/p>\n

Yabaye Lieutenant tariki ya 1 Nyakanga 1962, aba ariwe unahabwa ibyubahiro cyo gufata ibendera rya mbere rya Repubulika y\u2019u Rwanda ku munsi mukuru w\u2019ubwigenge tariki ya 1 Nyakanga 1962.<\/p>\n

Ni nawe wayoboye ingabo zasubije inyuma ibitero bya mbere by\u2019abanyarwanda bari barahunze (bari bariyise Inyenzi: Bisobanura Ingangurarugo Yiyemeje kuba Ingenzi). Ibyo bitero byari biturutse mu gihugu cya Uganda biciye mu Birunga tariki ya 4 Nyakanga 1962, u Rwanda rumaze iminsi mike rubonye ubwigenge. Icyo gihe yari afite imyaka 25 gusa!<\/p>\n

Akuriwe na Major Fran\u00e7ois Vanderstraeten w\u2019Umubiligi, wari umugaba w\u2019Ingabo, Juv\u00e9nal Habyarimana yoherejwe gukorera kuva tariki ya 31 Kanama 1962 kugera muri Werurwe 1963, i Cyangugu ashinzwe ako karere ka gisirikare.\u00a0Harebana na Bukavu muri Congo ahari hatangiye ibikorwa byo kurwanya Leta y\u2019i Kinshasa hakoresheje intwaro.<\/p>\n

Ni muri icyo gihe bivugwa ko yaba yarahuye bwa mbere na Joseph D\u00e9sir\u00e9 Mobutu wari Colonel akaba n\u2019umugaba mukuru w\u2019ingabo za Congo (arm\u00e9e nationale congolaise). Tariki ya 23 Kamena 1963, Capitaine Juv\u00e9nal Habyalimana amaze kugirwa umugaba mukuru w\u2019ingabo z\u2019u Rwanda zitwaga Garde nationale icyo gihe, yatanze amategeko ko Ingabo z\u2019u Rwanda (Garde Nationale) zitera inkunga ingabo za Congo (arm\u00e9e nationale congolaise). Yagizwe umugaba mukuru w\u2019ingabo afite imyaka 26 gusa kandi aribwo agihabwa ipeti rya Capitaine!<\/p>\n

Capitaine Juv\u00e9nal Habyarimana na Colonel Joseph D\u00e9sir\u00e9 Mobutu bashyize hamwe bashoboye gutsinda inyeshyamba zari ziyobowe n\u2019uwitwa Pierre Mulele (Rebelles Mul\u00e9listes), muri Kamena 1964, mu rugamba rukomeye rwabereye ahitwa Kamanyola.<\/p>\n

Abari bamukuriye icyo gihe bari Ministre w\u2019Ingabo Calliope Mulindahabi na Pr\u00e9sident Gr\u00e9goire Kayibanda.<\/p>\n

\"\"Tariki ya 17 Kanama 1963, Capitaine Juv\u00e9nal Habyarimana yashakanye na Agathe KANZIGA, wari urangije mu Ishuri ry\u2019Imbonezamubano ryo ku Karubanda i Butare (Ecole sociale de Karubanda)<\/p>\n

Tariki ya 23 Kamena 1964, Juv\u00e9nal Habyarimana, wari Capitaine, yagizwe Umukuru w\u2019Ingabo z\u2019igihugu (Garde Nationale).<\/p>\n

Yinjiye muri Guverinoma ya Perezida Gr\u00e9goire Kayibanda mu 1965 asimbuye Calliope Mulindahabi ku mwanya wa Ministre w\u2019Ingabo (Minist\u00e8re de la Garde Nationale). Icyo gihe yari Major.<\/p>\n

Yazamutse mu ntera ku buryo bukurikira: Lieutenant Colonel tariki ya 1 Mata 1967, Colonel tariki ya 1 Mata 1970, na G\u00e9n\u00e9ral-Major tariki ya 1 Mata 1973.<\/p>\n

Perezida wa Repubulika n\u2019umunyapolitiki<\/strong><\/p>\n

Mu ijoro ry\u2019itariki ya 4 rishyira iya 5 Nyakanga 1973, afatanije n\u2019abasirikare bagenzi be 10: Aloys Nsekalije, Epimaque Ruhashya, Sabin Benda, Alexis Kanyarengwe, Jean N\u00e9po Munyandekwe, Laurent Serubuga, Bonaventure Buregeya, Aloys Simba, Bonaventure Ntibitura, na Fabien Gahimano, bahiritse ubutegetsi bwa Perezida Gr\u00e9goire Kayibanda.\u00a0Bashyiraho ikiswe Komite y\u2019ubumwe n\u2019amahoro yari iyobowe na Juv\u00e9nal Habyalimana.<\/p>\n

Iryo hirikwa ry\u2019ubutegetsi ryaje mu gihe hari ibintu bimeze nk\u2019imidugararo: Pr\u00e9sident Kayibanda yari amaze kunanirwa kandi hari ubwicanyi bwibasiye abo mu bwoko bw\u2019abahutu mu Burundi mu 1972, byateye urwikekwe no gusubiranamo hagati y\u2019abahutu n\u2019abatutsi mu Rwanda.<\/p>\n

Bivugwa ko mu gushaka kugarura ingufu zari zimaze kuba nke, Leta ya Kayibanda yashatse gukoresha iturufu yo kwirukana abatutsi mu mashuri no mu nzego za Leta yitwaje imvururu zari zimaze kuba i Burundi aho ubutegetsi bwaho bwari bwiganjemo abatutsi bwari bumaze gukorera ubwicanyi abo mu bwoko bw\u2019abahutu.<\/p>\n

Hari benshi bemeza ko ifata ubutegetsi rya Perezida Habyalimana mu 1973, ryahagaritse imvururu zashoboraga kuvamo ubwicanyi ndenga kamere. Ndetse bivugwa ko abatutsi benshi bishimiye iryo hirikwa ry\u2019ubutegetsi, kuko ryabakijije ihohoterwa bari batangiye gukorerwa, rikanabahorera ibyo bari barakorewe na Leta ya Gr\u00e9goire Kayibanda.<\/p>\n

Mu 1975 yashinze ishyaka MRND (Muvoma Revorisiyoneri Iharanira amajyambere y\u2019u Rwanda). Umunyamabanga Mukuru wayo akaba Bonaventure Habimana. Intego yayo yari Ubumwe, Amahoro n\u2019Amajyambere.<\/p>\n

Havugwaga ko u Rwanda rugendera ku cyo bari barise D\u00e9mocratie Responsable, nyuma Perezida Habyalimana yakoresheje cyane ijambo “aggiornamento politique” ugenekereje byavugaga guhindura imikorere ujyana n’ibihe, hatangiye ibikorwa by\u2019umuganda ndetse na animations zasingizaga MRND na Perezida Fondateur wayo, ndetse abaturage bose bitwaga ba Militante na ba Militant. Buri mwaka wahabwaga izina bijyanye n\u2019intego igamijwe kugerwaho. Urugero: Gutura Neza, Kurwanya isuri, Kongera umusaruro\u2026<\/p>\n

\"Habyalimana<\/a>Yagerageje guteza imbere ibikorwa by\u2019amajyambere mu gihugu, ubutwererane n\u2019ibihugu bituranye n\u2019u Rwanda ndetse n\u2019amahanga ya kure. Abenshi bemeza ko u Rwanda rwari rutekanye mbere y\u2019uko hatangira intambara yatangiwe na FPR-Inkotanyi iturutse muri Uganda. Abamurwanya bavuga ko hari ivangura rishingiye ku bwoko n\u2019uturere mu kazi no mu mashuri byibasiraga abo mu bwoko bw\u2019abatutsi ndetse n\u2019abahutu baturuka mu majyepfo.<\/p>\n

Yagiranye kandi umubano mwiza n\u2019abanyamadini cyane cyane aba Kiliziya Gatorika, nka Musenyeri Bigirumwami yafataga nk\u2019umubyeyi we, na Musenyeri Vincent Nsengiyumva.<\/p>\n

Ku bijyanye n\u2019umutekano, habayeho impfu z\u2019abanyapolitiki ba Repubulika ya Mbere (Havuzwe ko Perezida Habyalimana atahannye abazigizemo uruhare ariko ngo yaba yarahaye impozamarira imiryango ya bamwe muri abo banyapolitiki, umuhungu wa Perezida Gr\u00e9goire Kayibanda witwa Piyo Kayibanda yabaye n\u2019umudepite), Ihunga rya Colonel Alexis Kanyarengwe, ifungwa rya ba Major Lizinde, Commandant Biseruka, Capitaine Muvunanyambo bivugwa ko ngo bashakaga guhirika ubutegetsi. Abo bose baje kujya gukorana na FPR yaje kubikiza nyuma!<\/p>\n

Kuri ubwo butegetsi hagiye haba kandi impfu z\u2019abantu bamwe na bamwe mu buryo budasobanutse zitiriwe ubwo butegetsi. FPR yazikoresheje muri propaganda yayo ariko imaze gufata ubutegetsi ntabwo yongeye kugira icyo ibivugaho. Urugero: Felicula Nyiramutarambirwa, Padiri Siliviyo Sindambiwe, Colonel Mayuya.<\/p>\n

Mu bubanyi n\u2019amahanga yagiranye ubucuti n\u2019abakuru b\u2019ibihugu nka Mobutu wa Za\u00efre, Fran\u00e7ois Mitterrand w\u2019u Bufaransa n\u2019abandi benshi. Bivugwa ko yafashije Perezida Museveni wa Uganda akiri mu ishyamba, yashoboye kandi kwihanganira ubushotoranyi bwa Colonel Jean Baptiste Bagaza w\u2019u Burundi (u Rwanda rwari rufitanye ikibazo cy\u2019umupaka n\u2019u Burundi ahagana mu Bugesera).<\/p>\n

Yagiranye ubucuti n\u2019abantu benshi bo mu bwoko bw\u2019abatutsi, abenshi bakoresheje ubwo bucuti mu kuba abaherwe. Navuga nka Valence Kajeguhakwa, Silas Majyambere, Evariste Sisi, Andr\u00e9 Katabarwa, ba Rubangura bombi\u2026<\/p>\n

Ku butegetsi bwe nibwo hubatswe imihanda ihuza imijyi minini yo mu gihugu, za Minist\u00e8res, Inzu y\u2019inteko ishingamategeko, Stade Amahoro, Ikibuga cy\u2019indege i Kanombe, na za Telefone zakwijwe mu gihugu hose n\u2019ibindi\u2026<\/p>\n

Hagati ya 1990 na 1994<\/strong><\/p>\n

\"habyarimana\"<\/a>Mbere gato y\u2019uko FPR-Inkotanyi itera muri 1990, ubutegetsi bwa Perezida Habyalimana bwari bwatangiye kugira ibibazo bimwe na bimwe by\u2019ubukungu kuko ibiciro by\u2019ikawa byari bimaze gusubira hasi.<\/p>\n

Ku bijyanye n\u2019ikibazo cy\u2019impunzi hari abavuga ko ngo yari agamije guheza impunzi hanze y\u2019igihugu avuga ngo u Rwanda ni ruto. Ariko bamwe mu bakurikiranira ibintu hafi bari mu butegetsi bwa Perezida Habyalimana bemeza ko ikibazo cy\u2019impunzi Perezida Habyalimana yari afite ubushake bwo kugikemura, ariko impunzi zari hanze y\u2019u Rwanda zari ziganjemo abantu bari bakomeye mu ngabo za Uganda no mu zindi nzego z\u2019ubutegetsi muri icyo gihugu, bumvaga batatahuka nk\u2019impunzi zisanzwe ahubwo bagombaga gutahuka bajya mu butegetsi no mu gisirikare mu gihe bari bahagarariye igice gito cy\u2019abanyarwanda ku buryo imyanya bifuzaga batari kuyibona biciye mu matora dore ko benshi muri bo bari banafite amashuri aciriritse, bityo intambara ikaba yari ngombwa.<\/p>\n

\"\"
Perezida Habyalimana na Lt Col BEMS Ildephonse Rwendeye mu 1989<\/figcaption><\/figure>\n

FPR imaze gutera muri 1990, urwikekwe mu banyarwanda rwariyongereye, rujyanye n\u2019ibikorwa by\u2019urugomo ku mpande zombi zarwanaga muri iyo ntambara cyane cyane ku ruhande rwa FPR yibasiraga abaturage bo mu majyaruguru y\u2019igihugu ndetse urugomo rwariyongereye mu gihugu hagati nyuma y\u2019aho amashyaka ya politiki yemerewe gukora mu Rwanda.<\/p>\n

Abanyapolitiki bo mu mashyaka ya opposition barakomorewe barakora, ndetse bajya no muri Leta, ariko ntibashizwe bakomeza kujomba ibikwasi Perezida Habyalimana, ibyo byajyanaga n\u2019uko FPR yegeraga imbere ku rugamba bitewe ahanini n\u2019akaduruvayo kari mu gihugu ndetse n\u2019amacenga menshi FPR yakoreshaga mu mishyikirano. Abantu bari ku ruhande rwa Perezida Habyalimana babonaga ayo macenga aganisha ku gushaka gufata ubutegetsi ku ngufu bagendaga barushaho kuba intagondwa.<\/p>\n

Amaherezo amasezerano y\u2019amahoro yaje gushyirwaho umukono tariki ya 4 Kanama 1993 i Arusha, hagati ya Leta y\u2019u Rwanda na FPR (Leta y\u2019u Rwanda y\u2019icyo gihe, yarimo ibice byinshi kuko abantu bari muri Leta ntabwo bavugaga rumwe ndetse hari bamwe bakoranaga n\u2019uwo barwanaga nawe ku mugaragaro). Muri ayo masezerano FPR yabonye byinshi itashoboraga kubona mu matora cyangwa mu buzima busanzwe hakoresheje gushyira mu gaciro.<\/p>\n

Inzego z\u2019inzibacyuho zagombaga kujyaho zananiranye kujyaho n’ubwo bwose amasezerano ya Arusha yasaga nk’ayambuye ubutegetsi bwose Perezida wa Repubulika bugashyirwa mu maboko y’inama y’abaministre, kubera ko impande zombi zifuzaga kugira ubwiganze mu nteko ishingamategeko kugira ngo ibyemezo by\u2019uwo bahanganye bidatambuka, cyangwa nabo bashobore gutambutse ibyabo. Tubibutse ko ku ruhande rumwe hari ishyaka MRNDD ryari rifatanije n\u2019ibice by\u2019andi mashyaka nka MDR, PSD, PL, PDC bitaga Power ndetse na CDR. Mu gihe ku rundi ruhande hari ibindi bice by\u2019aya mashyaka twavuze haruguru byari bishyigikiye FPR.<\/p>\n

Mu gihugu icyo gihe hari akaduruvayo katerwaga no kurambirwa intambara kw\u2019abaturage, ubwicanyi, insoresore z\u2019amashyaka ya politiki, abasirikare ba FPR bari baracengeye mu gihugu, ubujura n\u2019ibindi bikorwa by\u2019urugomo. Habaye ubwicanyi bw\u2019abanyapolitiki bwaje kumenyekana ko bwakorwaga na FPR (Gatabazi, Bucyana, Gapyisi..) ariko muri icyo gihe amashyaka ya Politiki siko yabibonaga ahubwo yose yagwaga mu mutego wa FPR agasubiranamo FPR yigaramiye, nayo ikitwaza ako kaduruvayo kugirango ibone ibyo irega Leta yariho icyo gihe.<\/p>\n

Ni muri icyo gihe ibintu byari bimeze nabi, tariki ya 6 Mata 1994 ahagana saa mbiri n\u2019igice (20:30\u2019) indege yo mu bwoko bwa Falcon 50 yari ivanye Perezida Habyalimana muri Tanzaniya ari kumwe na Mugenzi we w\u2019u Burundi Cyprien Ntaryamira n\u2019abari babaherekeje, yarahanuwe igihe yiteguraga kugwa ku kibuga cy\u2019indege i Kanombe, hakoreshejwe ibisasu byo mu bwoko bwa missiles SA-16 byakorewe mu Burusiya. Ibisigazwa by\u2019indege ndetse n\u2019imirambo byaguye mu busitani bw\u2019aho Perezida Habyalimana yari atuye i Kanombe.<\/p>\n

\"00030e93-314-300x225\"Hari abemeza ko iyo ndege yahanuwe n\u2019intagondwa z\u2019abahutu ngo zashakaga urwitwazo rwo gukora genocide ariko abandi benshi bakemeza ko byakozwe na FPR kuko yatinyaga kuzahangana na Perezida Habyalimana mu matora.<\/p>\n

Havugwa ko kuri FPR uburyo bwari busigaye bwari uguteza akaduruvayo mu gihugu kugira ngo ifate ubutegetsi ku ngufu kuko mu matora ntabwo byajyaga kuyishobokera.<\/p>\n

Hari amakuru avuga ko Perezida Habyalimana yahamagawe mu nama muri Tanzaniya nk\u2019umutego na Perezida Museveni wari watumije inama yagombaga kwiga ikibazo cy\u2019u Burundi, iyo nama akayitinza ku bushake kugirango Perezida Habyalimana atahe bwije. Ntawakwibagirwa uburyo uwari Perezida wa Tanzaniya, Ali Hassan Mwinyi, yitwaye muri icyo kibazo ubwo yangiraga Perezida Habyalimana kurara muri Tanzaniya akagenda bukeye. Uburyo abari baherekeje Perezida Habyalimana bafashwe indege imaze guhanurwa nabyo bituma hibazwa byinshi!<\/p>\n

Bivugwa kandi ko hari imigambi myinshi yo kwivugana Perezida Habyalimana yabaga yateguwe na FPR yagiye iburiramo.<\/p>\n

Uko avugwa n\u2019abantu batandukanye<\/strong><\/p>\n

\"habyalimana<\/a>Abantu benshi bakoranye nawe haba mu gisirikare cyangwa muri Politiki, bemeza ko yari umuntu w\u2019umunyamahoro, w\u2019umukristu, wagiraga ubusabane, utaravanguraga ariko bakanavuga ko yarushwaga imbaraga kenshi na bamwe mu bo bakoranaga hafi mu ifatawa ry\u2019ibyemezo bimwe na bimwe.<\/p>\n

Icyo abanyarwanda bamuzi neza bamuvugaho kenshi n\u2019uko yari umuntu mwiza. Ariko hari abatamuzi bamubwiwe n\u2019abandi nabo batari bamuzi neza cyangwa bari bafite inyungu zo kumuharabika ku buryo hari benshi cyane cyane mu rubyiruko bamwanga batamuzi.<\/p>\n

Abakurikiranye uko ibintu byari bimeze muri 1994 mbere y\u2019uko yicwa bahamya ko nta mukandida washoboraga kumuhangara mu matora aciye mu mucyo. Bikavugwa ko yishwe kubera ko FPR yabonaga ko itazashobora kumutsinda biciye muri Demokarasi.<\/p>\n

Hari ibintu abantu bakunze kurega ubutegetsi bwe:Urupfu rw\u2019abanyapolitiki ba Leta ya Kayibanda, ngo kuba yaba yaravuze ngo u Rwanda ni ruto, no kuba ngo yarashyizeho politiki y\u2019iringaniza mu mashuri.<\/p>\n

Ikindi akunze kuregwa ni ibijyanye no gutegura Genocide ariko hari benshi babihakana, kuko urukiko Mpuzamahanga rwa Arusha nta muntu n\u2019umwe wari mu butegetsi bwe wari wahamwa n\u2019icyo cyaha, ikindi ni uko iyo Genocide yabaye ari uko yishwe, ku buryo hari abemeza ko iyo aticwa abahutu ntabwo bari kwica abatutsi bikabije nk\u2019uko byagenze.<\/p>\n

Abamwanga bamuvuga ku buryo butandukanye. Leta y\u2019u Rwanda n\u2019abanyarwanda bamwe na bamwe bamufata nk\u2019umwicanyi ruharwa, wari umunyagitugu, wari waratonesheje bene wabo gusa mu cyo bise akazu (Tubibutse ko ijambo akazu ryahimbwe n\u2019abanyapolitiki ba opposition muri 1991, bashaka gushishikariza abaturage kwanga Perezida Habyalimana, nk\u2019uko byatanzweho ubuhamya imbere y\u2019urukiko rwa Arusha na Bwana Faustin Twagiramungu wari muri opposition icyo gihe) ariko muri rusange biragoye kumenya uko abanyarwanda bari mu gihugu bamufata mu gihe abavuga ibitandukanye n\u2019ibya Leta ya FPR iriho bahanwa byihanukiriwe!<\/p>\n

Nk\u2019umwanditsi w\u2019amateka Jean-Pierre Chr\u00e9tien<\/a> agera aho yita ubutegetsi bwa Habyalimana: \u00ab nazisme tropical \u00bb. Ariko abandi banditsi nka Gauthier De Villers bavuga ko Jean Pierre Chr\u00e9tien akabya, abandi nka Pierre P\u00e9an<\/a>, bo bemeza ko ibyo byose biterwa n\u2019ibinyoma by\u2019abashyigikiye FPR.<\/p>\n

Uwahoze ari Ministre w\u2019Intebe hagati ya Nyakanga 1994 na Kanama 1995 Bwana Faustin Twagiramungu we avuga ko nta na rimwe Opposition ya mbere y\u2019intambara yigeze irega Perezida Habyalimana kwanga abatutsi. Ahubwo icyavugwaga n\u2019uko nyuma yo gufata ubutegetsi mu 1973, Habyalimana yari yarafunguriye abatutsi urubuga mu nzego zitagengwa na Leta (secteur Priv\u00e9) ku buryo benshi muri bo bari barashoboye kugira icyo bigezaho ndetse havamo n\u2019abaherwe! James Gasana wahoze ari Ministre w\u2019Ingabo wa Perezida Habyarimana, nawe arabyemeza, akavuga ko ahubwo iringaniza ryibasiraga abahutu bo mu majyepfo kurusha abatutsi!<\/p>\n

\"famille<\/a>Umwarimu muri Kaminuza w\u2019Umubiligi Filip Reyntjens<\/a> we avuga ko kuva Perezida Habyalimana yafata ubutegetsi muri 1973 kugeza FPR-Inkotanyi iteye u Rwanda muri 1990, igihugu cyari gifite umutekano, kandi nta mvururu zishingiye ku moko zigeze ziba mu Rwanda, akomeza kandi avuga ko uburenganzira bw\u2019ikiremwamuntu n\u2019ubwo butari ntamakemwa bwarutaga ubwo mu bindi bihugu bya Afrika mu myaka ya za 1970 na 1980.<\/p>\n

Mu gitabo cye kivuga kuri Genocide yo mu Rwanda, G\u00e9rard Prunier<\/a> nawe avuga ibijya kumera gutyo aho agira ati :<\/p>\n

\u00ab Abatutsi ntabwo navuga ko bari bamerewe neza cyane kuko bavangurwaga mu nzego za Leta, ariko mu buzima busanzwe ho nta kibazo kinini cyari gihari. Ugereranije n\u2019ubutegetsi bwa Kayibanda, ubuzima bw\u2019abatutsi bwari bwarabaye bwiza, ku buryo abikorera ku giti cyabo b\u2019abatutsi benshi bazwi bari barabaye abaherwe ndetse bari bameranye neza n\u2019ubutegetsi. Mbese abatutsi bari barahariwe ubucuruzi mu gihe bativanze muri Politiki. Iyo mikorere yatumye igihugu gitera imbere kuko ubukungu bw\u2019igihugu bwasaga nk\u2019aho busaranganyijwe. Ku buryo ubutegetsi bwa Habyalimana bwafatwaga nk\u2019intangarugero n\u2019imiryango myinshi itegamiye kuri Leta mbere ya 1990 bitewe n\u2019umutekano n\u2019ubukungu byari bimeze neza\u00bb<\/em><\/p>\n

Izina rya Habyalimana rikomeje kugira ingufu<\/strong><\/p>\n

Nyuma y\u2019urupfu rwe cyane cyane kubera Genocide, izina rye ryabaye nk\u2019aho riteshejwe agaciro na Leta nshya ya FPR yari imaze kujyaho muri Nyakanga 1994. Ku buryo benshi bahuzaga izina rye na Genocide kurusha ibyiza yaba yarakoze.<\/p>\n

\"LA<\/a>Abanyarwanda benshi cyane cyane abo mu bwoko bw\u2019abahutu ndetse no kugeza ku baririmbaga ngo navaho impundu zizavuga, nyuma yo guhura n\u2019akarengane, kwicwa, ubuhungiro, gufungwa, igitugu cya FPR n\u2019ibindi byinshi umuntu atarondora, batangiye gukumbura ubutegetsi bwa Habyalimana ndetse kugeza no ku batutsi bamwe bari barabayeho neza ku butegetsi bwe.<\/p>\n

Iyo urebye aho Politiki y\u2019u Rwanda igeze ubu, usanga izina rya Habyalimana rikomeje kugira ingufu muri iyo politiki, ndetse nta gushidikanya ko abanyapolitiki bari muri opposition ubu, abazakoresha izo ngufu neza, nabo bahakura ingufu nyinshi cyane mu banyarwanda. Nta gushidikanya ko mu minsi izaza y\u2019u Rwanda, umunyapolitiki uzashobora gufata umurage wa Perezida Habyalimana ndetse akanakoresha izina rye mu bikorwa bye bya politiki nta gushidikanya ko ashobora kubona amajwi menshi mu matora yose yaba mu Rwanda aciye mu mucyo! Dore ko benshi mu bamurwanije bari muri opposition ya kera, ubu basa nk\u2019aho bavuga ko bibeshye cyane mu guhitamo bakorana na FPR.<\/p>\n

Ntabwo izina rye ryavuzwe muri Politiki gusa, ahubwo no mu rwego rw\u2019ubutabera n\u2019ububanyi n\u2019amahanga ikibazo cy\u2019urupfu rwe cyateye ibibazo hagati y\u2019u Rwanda n\u2019ubufaransa kugeza n\u2019aho ibyo bihugu byombi bicanye umubano.
\nImbarutso yabaye impapuro zifata abasirikare bakuru 9 bahoze ari aba FPR, harimo na Perezida Kagame (we ntabwo yakurikiraywe kuko afite ubudahangarwa nka Perezida w\u2019igihugu) zatanzwe n\u2019umucamanza w\u2019umufaransa Jean-Louis Brugui\u00e8re muri 2006. Ku buryo umwe mu baregwa Lt Col Rose Kabuye yafashwe. Ibyo byateye umwuka mubi mu mubano w\u2019u Rwanda n\u2019u Bufaransa, ariko uwo mubano waje kongera kubyutswa ndetse n\u2019abacamanza basimbuye Jean-Louis Brugui\u00e8re wagiye mu kiruhuko cy\u2019izabukuru, aribo Marc Trevidic na Nathalie Poux<\/a> bagiye gukorera amaperereza mu Rwanda.<\/p>\n

Ariko mbere yaho gato mu 2010, Leta y\u2019u Rwanda yari yasohoye imyanzuro ya Komisiyo yitiriwe MUTSINZI, yavugaga ko indege ya Perezida Habyalimana itahanuwe na FPR ahubwo yahanuwe n\u2019intagondwa z\u2019abahutu.<\/p>\n

Ku itariki ya 10 Mutarama 2012, hasohowe imyanzuro y\u2019impuguke z\u2019Abafaransa ziyobowe na Marc Tr\u00e9vidic \u00a0zakoze iperereza ku iraswa ry\u2019indege yari itwaye Perezida Habyalimana, iyo myanzuro<\/a> n\u2019ubwo urubanza rutaracibwa, yateye urujijo rwinshi mu bantu ku buryo na Leta y\u2019u Rwanda yabyuririyeho ikemeza ko ikibazo cy\u2019urupfu rwa Habyalimana impaka zarwo zikemutse ko yishwe n\u2019abahutu b\u2019intagondwa (icyatumye urujijo rwiyongera n\u2019uko mu hantu 6 hashoboka ko iyo ndege yaba yararasiwe havugwamo umusozi wa Kanombe wubatseho ikigo cya Gisirikare cya Kanombe cyarimo abasirikare ba Habyalimana). Ibyo ni nabyo ibitangazamakuru mpuzamahanga byahise bifata, ariko iyo usomye iyo myanzuro neza usanga harimo gukekeranya kandi bigaragara ko iperereza ku bijyanye n\u2019urusaku ritakorewe mu Rwanda ahubwo ryakorewe mu Bufaransa ahantu hari imiterere itandukanye n\u2019iyo mu Rwanda kandi bimwe mu byo impuguke zishingiraho zikeka ahaturutse ibisasu byarashe iyo ndege bishigiye ku rusaku. Ariko iperereza riracyakomeza dore ko n\u2019iyo myanzuro ishobora kujuririrwa mu gihe hari uruhande rubona itarakozwe neza.<\/p>\n

Ariko igikomeje gutera inkeke ni ingufu za politiki z’amahanga zidasanzwe zishyirwa muri iki kibazo ndetse n’izimira ry’abatangabuhamya rya hato na hato uwanyuma uherutse kubururwa irengero ni uwitwa Emile Gafirita<\/a> washumutiwe mu gihugu cya Kenya mu mwaka wa 2014 ubwo yiteguraga guha ubuhamya abacamanza b’abafaransa.<\/p>\n

N’ubwo bwose bamwe mu bahoze muri FPR<\/a> bakomeje kwemeza ko indege yahanuwe na FPR abo ni nka Gen Kayumba Nyamwasa<\/a>, Dr Th\u00e9og\u00e8ne Rudasingwa<\/a>, Major Jean Marie Micombero<\/a> n’abandi… usanga ubuhamya bwabo busa nk’aho abacamanza b’abafaransa batabuha agaciro gakwiye.<\/p>\n

Ku ruhande rwa Diplomasi n’ubwo umubano wa Perezida Kagame na Perezida Hollande w’ubufaransa ugaragara nk’utameze neza ariko mu bigaragara ubutegetsi bw’u Rwanda bugaragara nk’ubufitanye ubucuti bukomeye n’uwahoze ari Perezida w’u Bufaransa, Nicolas Sarkozy<\/a> ndetse ubu ushaka kongera kwiyamamariza kuyobora u Bufaransa. Ukugaruka kwa Nicolas Sarkozy nta gushidikanya ko kwagira ingaruka ku migendekere myiza y’idosiye y’ihanurwa ry’indege \u00a0ya Perezida Habyalimana.<\/p>\n

Ku bijyanye n’itangazamakuru mpuzamahanga ho mu ntangiriro z’umwaka wa 2015, izina rya Perezida Habyalimana ryaravuzwe cyane biciye mu kiganiro gikorwa na Radio mpuzamahanga y’abafaransa cyiswe Archives d\u2019Afrique<\/a>\u00a0kiyobowe n’umunyamakuru Alain Foca<\/a><\/p>\n

\"\"Muri Kamena 2016, Jeanne Habyalimana umukobwa wa Perezida Habyalimana yasohoye igitabo ku buzima bwa Se cyanditse mu rurimi rw’igifaransa yise:Mon p\u00e8re, cette autre partie de moi qu\u2019on m\u2019a arrach\u00e9e. Hommage \u00e0 Juv\u00e9nal Habyarimana<\/a>\u00a0tugenekereje mu kinyarwanda umuntu yavuga ko kitwa: “Umubyeyi wanjye igice kimwe cy’ubuzima bwanjye bantwaye”<\/p>\n

Marc MATABARO<\/strong><\/p>\n

The Rwandan<\/strong><\/p>\n","protected":false},"excerpt":{"rendered":"

Inkomoko ya Perezida Juv\u00e9nal Habyalimana Juv\u00e9nal Habyarimana ni mwene Jean-Baptiste Ntibazilikana na Suzanne Nyirazuba. Yavutse tariki ya 8 Werurwe 1937 mu Gasiza mu Bushiru (Gisenyi)<\/p>\n","protected":false},"author":3,"featured_media":9577,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[61],"tags":[],"class_list":["post-1132","post","type-post","status-publish","format-standard","has-post-thumbnail","hentry","category-amateka"],"yoast_head":"\nIyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82! - Umunyarwanda<\/title>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/www.therwandan.com\/ki\/general-major-juvenal-habyalimana-yari-muntu-ki\/\" \/>\n<meta property=\"og:locale\" content=\"en_US\" \/>\n<meta property=\"og:type\" content=\"article\" \/>\n<meta property=\"og:title\" content=\"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82! - Umunyarwanda\" \/>\n<meta property=\"og:description\" content=\"Inkomoko ya Perezida Juv\u00e9nal Habyalimana Juv\u00e9nal Habyarimana ni mwene Jean-Baptiste Ntibazilikana na Suzanne Nyirazuba. Yavutse tariki ya 8 Werurwe 1937 mu Gasiza mu Bushiru (Gisenyi)\" \/>\n<meta property=\"og:url\" content=\"https:\/\/www.therwandan.com\/ki\/general-major-juvenal-habyalimana-yari-muntu-ki\/\" \/>\n<meta property=\"og:site_name\" content=\"Umunyarwanda\" \/>\n<meta property=\"article:published_time\" content=\"2019-03-08T08:41:38+00:00\" \/>\n<meta property=\"article:modified_time\" content=\"2019-03-08T11:39:40+00:00\" \/>\n<meta property=\"og:image\" content=\"https:\/\/www.therwandan.com\/ki\/wp-content\/uploads\/sites\/3\/2015\/02\/juvenal-Habyarimana-1.jpg\" \/>\n\t<meta property=\"og:image:width\" content=\"360\" \/>\n\t<meta property=\"og:image:height\" content=\"386\" \/>\n\t<meta property=\"og:image:type\" content=\"image\/jpeg\" \/>\n<meta name=\"author\" content=\"therwd.com\" \/>\n<meta name=\"twitter:card\" content=\"summary_large_image\" \/>\n<meta name=\"twitter:label1\" content=\"Written by\" \/>\n\t<meta name=\"twitter:data1\" content=\"therwd.com\" \/>\n\t<meta name=\"twitter:label2\" content=\"Est. reading time\" \/>\n\t<meta name=\"twitter:data2\" content=\"17 minutes\" \/>\n<script type=\"application\/ld+json\" class=\"yoast-schema-graph\">{\"@context\":\"https:\\\/\\\/schema.org\",\"@graph\":[{\"@type\":\"Article\",\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/#article\",\"isPartOf\":{\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/\"},\"author\":{\"name\":\"therwd.com\",\"@id\":\"https:\\\/\\\/www.therwandan.com\\\/ki\\\/#\\\/schema\\\/person\\\/989bb81b2eeef857abb5a737f9ab67a2\"},\"headline\":\"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82!\",\"datePublished\":\"2019-03-08T08:41:38+00:00\",\"dateModified\":\"2019-03-08T11:39:40+00:00\",\"mainEntityOfPage\":{\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/\"},\"wordCount\":3345,\"image\":{\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/#primaryimage\"},\"thumbnailUrl\":\"https:\\\/\\\/www.therwandan.com\\\/ki\\\/wp-content\\\/uploads\\\/sites\\\/3\\\/2015\\\/02\\\/juvenal-Habyarimana-1.jpg\",\"articleSection\":[\"Amateka\"],\"inLanguage\":\"en-US\"},{\"@type\":\"WebPage\",\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/\",\"url\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/\",\"name\":\"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82! - Umunyarwanda\",\"isPartOf\":{\"@id\":\"https:\\\/\\\/www.therwandan.com\\\/ki\\\/#website\"},\"primaryImageOfPage\":{\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/#primaryimage\"},\"image\":{\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/#primaryimage\"},\"thumbnailUrl\":\"https:\\\/\\\/www.therwandan.com\\\/ki\\\/wp-content\\\/uploads\\\/sites\\\/3\\\/2015\\\/02\\\/juvenal-Habyarimana-1.jpg\",\"datePublished\":\"2019-03-08T08:41:38+00:00\",\"dateModified\":\"2019-03-08T11:39:40+00:00\",\"author\":{\"@id\":\"https:\\\/\\\/www.therwandan.com\\\/ki\\\/#\\\/schema\\\/person\\\/989bb81b2eeef857abb5a737f9ab67a2\"},\"breadcrumb\":{\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/#breadcrumb\"},\"inLanguage\":\"en-US\",\"potentialAction\":[{\"@type\":\"ReadAction\",\"target\":[\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/\"]}]},{\"@type\":\"ImageObject\",\"inLanguage\":\"en-US\",\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/#primaryimage\",\"url\":\"https:\\\/\\\/www.therwandan.com\\\/ki\\\/wp-content\\\/uploads\\\/sites\\\/3\\\/2015\\\/02\\\/juvenal-Habyarimana-1.jpg\",\"contentUrl\":\"https:\\\/\\\/www.therwandan.com\\\/ki\\\/wp-content\\\/uploads\\\/sites\\\/3\\\/2015\\\/02\\\/juvenal-Habyarimana-1.jpg\",\"width\":360,\"height\":386,\"caption\":\"Perezida Habyalimana\"},{\"@type\":\"BreadcrumbList\",\"@id\":\"https:\\\/\\\/www.therwandan.com\\\/ki\\\/general-major-juvenal-habyalimana-yari-muntu-ki\\\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Home\",\"item\":\"https:\\\/\\\/www.therwandan.com\\\/ki\\\/\"},{\"@type\":\"ListItem\",\"position\":2,\"name\":\"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82!\"}]},{\"@type\":\"WebSite\",\"@id\":\"https:\\\/\\\/www.therwandan.com\\\/ki\\\/#website\",\"url\":\"https:\\\/\\\/www.therwandan.com\\\/ki\\\/\",\"name\":\"Umunyarwanda\",\"description\":\"The Rwandan\",\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\\\/\\\/www.therwandan.com\\\/ki\\\/?s={search_term_string}\"},\"query-input\":{\"@type\":\"PropertyValueSpecification\",\"valueRequired\":true,\"valueName\":\"search_term_string\"}}],\"inLanguage\":\"en-US\"},{\"@type\":\"Person\",\"@id\":\"https:\\\/\\\/www.therwandan.com\\\/ki\\\/#\\\/schema\\\/person\\\/989bb81b2eeef857abb5a737f9ab67a2\",\"name\":\"therwd.com\",\"image\":{\"@type\":\"ImageObject\",\"inLanguage\":\"en-US\",\"@id\":\"https:\\\/\\\/secure.gravatar.com\\\/avatar\\\/285303380296f314668f153a5ba824b1b307f15cfc801fd77e866a972e19d2c0?s=96&d=mm&r=g\",\"url\":\"https:\\\/\\\/secure.gravatar.com\\\/avatar\\\/285303380296f314668f153a5ba824b1b307f15cfc801fd77e866a972e19d2c0?s=96&d=mm&r=g\",\"contentUrl\":\"https:\\\/\\\/secure.gravatar.com\\\/avatar\\\/285303380296f314668f153a5ba824b1b307f15cfc801fd77e866a972e19d2c0?s=96&d=mm&r=g\",\"caption\":\"therwd.com\"},\"url\":\"https:\\\/\\\/www.therwandan.com\\\/ki\\\/author\\\/therwd-com\\\/\"}]}<\/script>\n<!-- \/ Yoast SEO plugin. -->","yoast_head_json":{"title":"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82! - Umunyarwanda","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/www.therwandan.com\/ki\/general-major-juvenal-habyalimana-yari-muntu-ki\/","og_locale":"en_US","og_type":"article","og_title":"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82! - Umunyarwanda","og_description":"Inkomoko ya Perezida Juv\u00e9nal Habyalimana Juv\u00e9nal Habyarimana ni mwene Jean-Baptiste Ntibazilikana na Suzanne Nyirazuba. Yavutse tariki ya 8 Werurwe 1937 mu Gasiza mu Bushiru (Gisenyi)","og_url":"https:\/\/www.therwandan.com\/ki\/general-major-juvenal-habyalimana-yari-muntu-ki\/","og_site_name":"Umunyarwanda","article_published_time":"2019-03-08T08:41:38+00:00","article_modified_time":"2019-03-08T11:39:40+00:00","og_image":[{"width":360,"height":386,"url":"https:\/\/www.therwandan.com\/ki\/wp-content\/uploads\/sites\/3\/2015\/02\/juvenal-Habyarimana-1.jpg","type":"image\/jpeg"}],"author":"therwd.com","twitter_card":"summary_large_image","twitter_misc":{"Written by":"therwd.com","Est. reading time":"17 minutes"},"schema":{"@context":"https:\/\/schema.org","@graph":[{"@type":"Article","@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/#article","isPartOf":{"@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/"},"author":{"name":"therwd.com","@id":"https:\/\/www.therwandan.com\/ki\/#\/schema\/person\/989bb81b2eeef857abb5a737f9ab67a2"},"headline":"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82!","datePublished":"2019-03-08T08:41:38+00:00","dateModified":"2019-03-08T11:39:40+00:00","mainEntityOfPage":{"@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/"},"wordCount":3345,"image":{"@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/#primaryimage"},"thumbnailUrl":"https:\/\/www.therwandan.com\/ki\/wp-content\/uploads\/sites\/3\/2015\/02\/juvenal-Habyarimana-1.jpg","articleSection":["Amateka"],"inLanguage":"en-US"},{"@type":"WebPage","@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/","url":"https:\/\/www.therwandan.com\/ki\/general-major-juvenal-habyalimana-yari-muntu-ki\/","name":"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82! - Umunyarwanda","isPartOf":{"@id":"https:\/\/www.therwandan.com\/ki\/#website"},"primaryImageOfPage":{"@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/#primaryimage"},"image":{"@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/#primaryimage"},"thumbnailUrl":"https:\/\/www.therwandan.com\/ki\/wp-content\/uploads\/sites\/3\/2015\/02\/juvenal-Habyarimana-1.jpg","datePublished":"2019-03-08T08:41:38+00:00","dateModified":"2019-03-08T11:39:40+00:00","author":{"@id":"https:\/\/www.therwandan.com\/ki\/#\/schema\/person\/989bb81b2eeef857abb5a737f9ab67a2"},"breadcrumb":{"@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/#breadcrumb"},"inLanguage":"en-US","potentialAction":[{"@type":"ReadAction","target":["https:\/\/www.therwandan.com\/ki\/general-major-juvenal-habyalimana-yari-muntu-ki\/"]}]},{"@type":"ImageObject","inLanguage":"en-US","@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/#primaryimage","url":"https:\/\/www.therwandan.com\/ki\/wp-content\/uploads\/sites\/3\/2015\/02\/juvenal-Habyarimana-1.jpg","contentUrl":"https:\/\/www.therwandan.com\/ki\/wp-content\/uploads\/sites\/3\/2015\/02\/juvenal-Habyarimana-1.jpg","width":360,"height":386,"caption":"Perezida Habyalimana"},{"@type":"BreadcrumbList","@id":"https:\/\/www.therwandan.com\/ki\/general-major-juvenal-habyalimana-yari-muntu-ki\/#breadcrumb","itemListElement":[{"@type":"ListItem","position":1,"name":"Home","item":"https:\/\/www.therwandan.com\/ki\/"},{"@type":"ListItem","position":2,"name":"Iyo G\u00e9n\u00e9ral-major Juv\u00e9nal Habyalimana aba akiriho aba yujuje imyaka 82!"}]},{"@type":"WebSite","@id":"https:\/\/www.therwandan.com\/ki\/#website","url":"https:\/\/www.therwandan.com\/ki\/","name":"Umunyarwanda","description":"The Rwandan","potentialAction":[{"@type":"SearchAction","target":{"@type":"EntryPoint","urlTemplate":"https:\/\/www.therwandan.com\/ki\/?s={search_term_string}"},"query-input":{"@type":"PropertyValueSpecification","valueRequired":true,"valueName":"search_term_string"}}],"inLanguage":"en-US"},{"@type":"Person","@id":"https:\/\/www.therwandan.com\/ki\/#\/schema\/person\/989bb81b2eeef857abb5a737f9ab67a2","name":"therwd.com","image":{"@type":"ImageObject","inLanguage":"en-US","@id":"https:\/\/secure.gravatar.com\/avatar\/285303380296f314668f153a5ba824b1b307f15cfc801fd77e866a972e19d2c0?s=96&d=mm&r=g","url":"https:\/\/secure.gravatar.com\/avatar\/285303380296f314668f153a5ba824b1b307f15cfc801fd77e866a972e19d2c0?s=96&d=mm&r=g","contentUrl":"https:\/\/secure.gravatar.com\/avatar\/285303380296f314668f153a5ba824b1b307f15cfc801fd77e866a972e19d2c0?s=96&d=mm&r=g","caption":"therwd.com"},"url":"https:\/\/www.therwandan.com\/ki\/author\/therwd-com\/"}]}},"_links":{"self":[{"href":"https:\/\/www.therwandan.com\/ki\/wp-json\/wp\/v2\/posts\/1132","targetHints":{"allow":["GET"]}}],"collection":[{"href":"https:\/\/www.therwandan.com\/ki\/wp-json\/wp\/v2\/posts"}],"about":[{"href":"https:\/\/www.therwandan.com\/ki\/wp-json\/wp\/v2\/types\/post"}],"author":[{"embeddable":true,"href":"https:\/\/www.therwandan.com\/ki\/wp-json\/wp\/v2\/users\/3"}],"replies":[{"embeddable":true,"href":"https:\/\/www.therwandan.com\/ki\/wp-json\/wp\/v2\/comments?post=1132"}],"version-history":[{"count":10,"href":"https:\/\/www.therwandan.com\/ki\/wp-json\/wp\/v2\/posts\/1132\/revisions"}],"predecessor-version":[{"id":30819,"href":"https:\/\/www.therwandan.com\/ki\/wp-json\/wp\/v2\/posts\/1132\/revisions\/30819"}],"wp:featuredmedia":[{"embeddable":true,"href":"https:\/\/www.therwandan.com\/ki\/wp-json\/wp\/v2\/media\/9577"}],"wp:attachment":[{"href":"https:\/\/www.therwandan.com\/ki\/wp-json\/wp\/v2\/media?parent=1132"}],"wp:term":[{"taxonomy":"category","embeddable":true,"href":"https:\/\/www.therwandan.com\/ki\/wp-json\/wp\/v2\/categories?post=1132"},{"taxonomy":"post_tag","embeddable":true,"href":"https:\/\/www.therwandan.com\/ki\/wp-json\/wp\/v2\/tags?post=1132"}],"curies":[{"name":"wp","href":"https:\/\/api.w.org\/{rel}","templated":true}]}}