Amakuru atangwa n’abantu bo mu Ihuriro Nyarwanda RNC aravuga ko Bwana Frank Ntwali, umukuru wa RNC muri Afrika akaba na muramu wa Lt Gen Kayumba Nyamwasa yatewe ibyuma arakomereka ku buryo bukomeye ahagana hafi y’ikibuga cy’indege cya Johannesburg muri Afrika y’Epfo.<\/p>\n
Nk’uko bitangazwa n’umunyamabanga mukuru w’Ihuriro Nyarwanda RNC muri Afrika y’Epfo, Bwana Kennedy Gihana, ngo abantu baturutse inyuma y’imodoka Bwana Frank Ntwali yari arimo maze bayiha amatara bayisaba guhagarara bigize nk’abapolisi, ikimara guhagarara havuyemo abagabo batatu bambaye imyenda ya gisiviri ngo bavugaga indimi zo muri Afrika y’Epfo n’icyongereza, maze umwe aca ku ruhande rw’uwari utwaye imodoka aramufata, n’uko undi aca ku ruhande Ntwali yari yicayeho amubaza niba ariwe Ntwali ako kanya ahita amufata amaboko atangira kumukura mu modoka maze mu gihe barwanaga haza undi akuramo icyuma atangira kugitera Ntwali ku buryo yakomeretse cyane mu bitugu, mu mpyiko, ku bibero, mu mugongo. Aracyari mu bitaro aho arimo gukurikiranwa n’abaganga nk’uko Bwana Kennedy Gihana yabivuze ngo ashobora kuzakira.<\/p>\n
Nta kintu batwaye na kimwe, byaba amafaranga, telefone cyangwa ibindi uretse urufunguzo rw’imodoka n’uwari kumwe na Ntwali mu modoka we ntacyo bamutwaye.<\/p>\n
Polisi irimo gukora iperereza nta muntu n’umwe urafatwa.<\/p>\n
Tubibutse ko mu kwezi kwa Kamena 2010, muramu we Lt Gen Kayumba Nyamwasa nawe yarasiwe mu mujyi wa Johannesburg ndetse na nyuma yaho hagakurikiraho ibikorwa byo gushaka kumwivugana aho yari arwariye mu bitaro. Ubu urubanza rw’abakekwa gushaka kumwivugana bagera kuri 6 ruracyaburanishwa.<\/p>\n
Marc Matabaro<\/p>\n\n