Oslo- kuri uyu wa gatanu tariki ya 24 Kanama 2012, i saa yine z\u2019amanywa, urukiko rwo mu mujyi wa Oslo muri Noruveji rwakatiye Anders Behring Breivik, umunyanoruveji w\u2019imyaka 33 igihano cy\u2019imyaka 21 y\u2019igifungo kubera guhamwa n\u2019icyaha cyo kwica abantu bagera kuri 77 ku itariki ya 22 Nyakanga 2011. Abagera ku 8 baguye mu gisasu Breivik yari yateze ku mazu y\u2019ubutegetsi rwagati mu mujyi wa Oslo, naho abandi 69 baguye mu kirwa cya Ut\u00f8ya ahaberaga ingando y\u2019urubyiruko rw\u2019ishyaka ry\u2019abakozi ryo muri Noruveji.<\/p>\n
Urwo rukiko rwemeje ko Breivik igihe yakoraga ibyo byaha yari muzima mu mutwe, icyo gihano yahawe ntigishobora kugabanywa ahubwo gishobora kongerwa bibaye ngombwa. Breivik ngo ashobora kumara ubuzima bwe bwose mu buroko kuko afatwa nk\u2019umuntu ushobora kubangamira ubuzima bw\u2019abantu.<\/p>\n
N\u2019ubwo bwose habaye urubanza n\u2019amaperereza menshi haracyari urujijo kuko hari ibibazo byinshi bitabonewe ibisubizo. Hari byinshi bitarasobanuka kuko hataramenyekana aho Breivik yakuye amafaranga yo kugura ibikoresho n\u2019isambu yateguriragamo ibyo bikorwa bye ku buryo hakibazwa niba ntabo yari afatanije nabo. Yanditse inyandiko y\u2019impapuro zigera ku 1500 yashyize kuri interineti isaha 1 mbere yo gutangira ubwicanyi.<\/p>\n
Breivik yemeye ko ari we wakoze buriya bwicanyi ariko yanga kwemera ko ari icyaha ndetse yanze ko yafatwa nk\u2019umuntu utuzuye mu mutwe kuko ngo byaba bitesheje agaciro igikorwa cye, ngo yabikoze mu kurengera igihugu cye ndetse n\u2019umugabane w\u2019u Burayi ngo bitigarurirwa n\u2019imico y\u2019abanyamahanga cyane cyane abayisiramu.<\/p>\n
N\u2019ubwo hari abavuga ko atari akomeye mu mutwe, hari benshi bemeza ko ibyo yakoze byose yabikoze ku buryo bwizweho neza kandi bwatunganyijwe igihe kirekire ku buryo bitakorwa n\u2019umuntu ufite ikibazo mu mutwe.<\/p>\n
Iki gikorwa cya Breivik cyashegeshe cyane igihugu cya Noruveji, ubwo inzu z\u2019ubutegetsi zangizwaga, ndetse n\u2019uburyo Breivik yicaga abana bari ku kirwa cya Ut\u00f8ya (yarasaga abantu amaguru maze akabegera akabasonga abarashe mu mutwe), kuba byarakozwe n\u2019umunyagihugu kavukire muri icyo gihugu byateye akababaro abaturage benshi ba Noruveji ariko byatumye abanyamahanga batabonwa nk\u2019abanzi nk\u2019iyo bikorwa n\u2019umuntu ufite inkomoko y\u2019abanyamahanga cyangwa abayisiramu.<\/p>\n
Breivik biravugwa ko atazajuririra kino cyemezo cy’urukiko.<\/p>\n
Marc Matabaro<\/p>\n","protected":false},"excerpt":{"rendered":"
Oslo- kuri uyu wa gatanu tariki ya 24 Kanama 2012, i saa yine z\u2019amanywa, urukiko rwo mu mujyi wa Oslo muri Noruveji rwakatiye Anders Behring Breivik, umunyanoruveji w\u2019imyaka 33 igihano cy\u2019imyaka 21 y\u2019igifungo<\/p>\n","protected":false},"author":3,"featured_media":1167,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[],"tags":[],"class_list":["post-1166","post","type-post","status-publish","format-standard","has-post-thumbnail","hentry"],"yoast_head":"\n