Jenerali Kayumba Nyamwasa aganira na SABC, Televiziyo yo muri Afurika y\u2019Epfo, yatangaje ko uburyo Itegekonshinga riri guhindurwa mu Rwanda bidatanga inzira yatuma abanyarwanda bagera ku burenganzira busesuye n\u2019amahoro arambye. (amajwi n\u2019amashusho y\u2019ikiganiro murayasanga ku mpera).<\/p>\n
Uyu mugabo wahoze muri FPR Inkotanyi, yahungiye muri kiriya gihugu mu w\u20192010, akaba ari mubashinze RNC (Rwanda Nation Congress), avuga ko hakwiye ibiganiro n\u2019abategetsi b\u2019i Kigali kugira ngo ikibazo cy\u2019impunzi kibonerwe umuti ndetse hanumvikanwe uko Urwanda rwayoborwa n\u2019uburyo kandi abashaka guhatanira imyanya y\u2019ubutegetsi babikora binyuze muri demokarasi nyakuri.<\/p>\n
Ma\u00eetre Kennedy Gihana, impuguke mu mategeko yunze mu rye avuga ko bitumvikana ukuntu muri iki kinyejana hagira umuntu usa nukora ubutegetsi busa n\u2019ubwo kwiyimika igihe kingana n\u2019imyaka yifuza yose. Avugako Itegekonshinga ryari risanzwe ryahohotewe ngo kuko ryafashaga mu nzira ya demokarasi ririnda ko hagira uwakwizirika ku butegetsi kuko ryavugaga ko ntawarenza manda ebyiri ari perezida wa Repubulika.<\/p>\n
Jenerali Kayumba Nyamwasa ni umwe mu barwanye intambara y\u2019Inkotanyikuva 1990. Yabaye umugaba mukuru w\u2019ingabo, yayoboye urwego rushinzwe iperereza, yanabaye kandi Ambasaderi w\u2019Urwanda mu Buhinde. Aho yahungiye muri Afurika y\u2019Epfo, yagezwe amajanja inshuro zisaga eshatu, bashaka kumwica. Jenerali Nyamwasa akavuga ko ari ababaga batumwe n\u2019abategetsi bakuru b\u2019i Kigali kumuhitana. Aho muri Afurika y\u2019Epfo kandi ni na ho Koloneli Patrick Karegeya yahotorewe. Na we akaba ariho yari yarahungiye.<\/p>\n\n