Umunyamabanga nshingwabikorwa w\u2019umurenge wa Gihango mu karere ka Rutsiro, yafatanye mu mashati n\u2019umuturage, bapfuye ko uwo muturage yari yikoreye amatafari make, mu gikorwa cy\u2019umuganda cyabaye kuri uyu wa Gatandatu tariki 25\/08\/2012.<\/p>\n
Abaturage batwaraga bayazana ku kigo cy\u2019amashuri, ahagomba kubakwa ibindi byumba by\u2019umwaka wa Gatanu muri gahunda y\u2019uburezi bw\u2019ibanze bw\u2019imyaka 12, aho buri muturage wese yari ategetswe gutunda amatafari nibura 50.<\/p>\n
Amwe muri ayo matafari yavanwaga mu ntera ya kirometero imwe uturutse aho iryo shuri ryubatse, mu gihe andi yakurwaga nko mu birometero bibiri uvuye ku ishuri.<\/p>\n
Mu bagenzuraga imigendekere y\u2019icyo gikorwa harimo n\u2019umunyamabanga nshingwabikorwa w\u2019umurenge wa Gihango, bwana Niyodusenga Jules, waje kubona umuturage witwa Theogene Murenzi, adakora nk\u2019uko bikwiye atangira kumutonganya amubaza impamvu yikoreye amatafari macye.<\/p>\n
Murenzi yamusubije ko n\u2019ubwo yari yikoreye amatafari macye, hari abandi benshi bari biryamiye batigeze baza mu muganda harimo n\u2019umugore w\u2019uwo muyobozi.<\/p>\n
Aba bombi baje guterana amagambo kugeza ubwo bafatanye mu mashati, icyakora baza gukizwa na bamwe mu basirikari bari bitabiriye icyo gikorwa cy\u2019umuganda. Nta byinshi byangirikiye muri ayo makimbirane usibye uwo muyobozi wakomeretse ku maboko.<\/p>\n
Nyuma y\u2019igikorwa cy\u2019umuganda, nta nama cyangwa se ibiganiro byigeze biba hagati y\u2019abaturage n\u2019abayobozi nk\u2019uko bisanzwe bigenda.<\/p>\n
Bamwe mu baturage bari mu muganda basaga n\u2019abashimishijwe n\u2019ibyo uwo muturage Murenzi yakoze, kuko ngo uwo muyobozi asanzwe agaragaraho ibikorwa byo guhohotera abaturage.<\/p>\n
Uwo munyamabanga nshingwabikorwa amaze amezi atanu ayobora umurenge wa Gihango, yawujemo nyuma yo kuva mu murenge wa Boneza mu karere ka Rutsiro aho yakoraga akazi nk\u2019ako.<\/p>\n
Naho Murenzi Theogene we ni umugabo wubatse wahoze ari umusirikari, ubu wamaze gusubizwa mu buzima busazwe.<\/p>\n
Akarere ka Rutsiro niko kaje wa nyuma y\u2019utundi turere twose mu kwesa imihigo y\u2019umwaka wa 2011 – 2012.<\/p>\n
<\/p>\n
Malachie Hakizimana<\/p>\n
Kigali Today<\/p>\n","protected":false},"excerpt":{"rendered":"
Umunyamabanga nshingwabikorwa w\u2019umurenge wa Gihango mu karere ka Rutsiro, yafatanye mu mashati n\u2019umuturage, bapfuye ko uwo muturage yari yikoreye amatafari make, mu gikorwa cy\u2019umuganda cyabaye kuri uyu wa Gatandatu tariki 25\/08\/2012.<\/p>\n","protected":false},"author":3,"featured_media":1185,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-1184","post","type-post","status-publish","format-standard","has-post-thumbnail","hentry","category-amakuru"],"yoast_head":"\n