Urukiko rwanze ubujurire bw\u2019abantu batandatu baregwa kugira uruhare muri jenoside barimo na Pauline Nyiramasuhuko.<\/p>\n
Uru ni urubanza rwa nyuma rusomwe n\u2019Urukiko Mpuzamahanga Mpanabyaha mu mateka yarwo, mbere y\u2019uko rufunga ku mugaragaro uyu munsi. Urubanza rwasomwe ni urwitiriwe Butare ruhurijwemo abantu batandatu.<\/p>\n
Urukiko rwategetse ko abantu babiri, Sylvain Nsabimana, wari Perefe wa Burare na Joseph Kanyabashi wari Burugumesitiri wa Komini ya Ngoma i Butare bahita barekurwa, atari ukubera ko bahanaguweho ibyaha, ahubwo kubera ko bagabanyirijwe ibihano bigahwana n\u2019imayaka bari bamaze batawe muri yombi.<\/p>\n
Sylvain Nsabimana wari wakatiwe mu rw\u2019iremezo imyaka 25 yahawe gufungwa imyaka 18 ihura n\u2019iyo yari amaze afashwe; yatawe miri yombi mu mwaka wa 1997, naho Kanyabashi wari wakatiwe imyaka 35 mu rw\u2019iremezo akagabanyirizwa agasigarana 20, ihwanye n\u2019igihe yari amaze afunze.<\/p>\n
We yafashwe mu mwaka wa 1995.<\/p>\n
Kanyabashi yagabanyirijwe iyo myaka amaze guhanagurwaho ibyaha bine kuri bitanu yari yahamijwe n\u2019urukiko rw\u2019iremezo, asigarana icyaha kimwe cyo gushishsikariza abantu gukora jenoside.<\/p>\n
Naho Nsabimana yakuriweho icyaha kimwe cyo gutoteza, icyaha abaregwa muri urwo rubanza bose bahanaguweho mu rw\u2019ubujurire.<\/p>\n
Urukiko rw\u2019ubujurire kandi rwemeye ubujurire bw\u2019abaregwaga bose ku kibazo kirebana no kuba baratinze kuburanishwa bamaze gutabwa muri yombi. Icyo kibazo n\u2019icyaha cy\u2019itoteza bahagaguweho ni byo byatumye abregwa muri urwo rubanza bose bagabanyirizwa ibihano.<\/p>\n
Bisobanuye ko Alphonse Nteziryayo wahoze ari Perefe wa Butare wari wakatiwe imyaka 30 mu rukiko rw\u2019iremezo yagabanyirijwe igihano, asigarana imyaka 25 naho Nyiramasuhuko, umugore umwe rukumbi warezwe muri uru rukiko, umuhungu we Ars\u00e8ne Shalom Ntahobari na Elie Ndayambaje wari Burugmesitri wa Muganza i Butare, bari bakatiwe gufungwa burundu, bagabanyirijwe basigarana gufungwa imyaka 47.<\/p>\n
Urukiko ruri mu mujyi wa Arusha muri Tanzaniya, rwashyizweho n\u2019Umuryango w\u2019Abibumbye kugira ngo rucire imanza abantu bakomeye bakekwaho ibyaha bya jenoside mu Rwanda mu 1994.<\/p>\n
Mu gihe kirenga imyaka 20 rumaze, rwahamije icyaha abaregwa 61.<\/p>\n
N\u2019ubwo hari abarushima ariko abarunenga barimo na perezida w\u2019u Rwanda, Paul Kagame, bavuga ko rwashoboraga kuba rwarakoze ibirenzeho.<\/p>\n
Inkuru ya BBC Gahuza Miryango<\/strong><\/p>\n","protected":false},"excerpt":{"rendered":" Urukiko rwanze ubujurire bw\u2019abantu batandatu baregwa kugira uruhare muri jenoside barimo na Pauline Nyiramasuhuko.<\/p>\n","protected":false},"author":4,"featured_media":11996,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[63],"tags":[],"class_list":["post-11995","post","type-post","status-publish","format-standard","has-post-thumbnail","hentry","category-ubutabera"],"yoast_head":"\n