Mw\u2019ijambo risoza umwaka wa 2015 perezida Paul Kagame yagejeje ku banyarwanda, yatangaje ku buryo butaziguye ko yiyemeje kuguma ku butegetsi ubuzima bwe bwose. Mu magambo yakoresheje asobanura ibyavuye mu ngirwa referendum yo guhindura itegekonshinga ry\u2019u Rwanda, yagize ati \u00abMwansabye kuzakomeza kuyobora igihugu nyuma ya 2017\u00bb, arongera ati \u00abNta kuntu ntabyemera\u00bb.<\/p>\n
Ihuriro Nyarwanda riratangariza abanyarwanda bose n\u2019urugaga rw\u2019ibihugu by\u2019amahanga ko icyemezo cya Perezida Kagame cyo kuniga burundu Demokarasi yiyimika nka perezida w\u2019u Rwanda ubuzima bwe bwose gifite ingaruka zikomeye cyane ku banyarwanda no ku bihugu byo mu biyaga bigali. Nk\u2019uko Ihuriro Nyarwanda ritahwemye kubitangaza, cyane cyane kuva ubutegetsi bw\u2019agatsiko butangira guhindagura itegekonshinga ryo muri 2003 ritemeraga ko umuntu yiyamamariza kuba perezida inshuro zirenze ebyiri, kuziba inzira ya demokarasi bigabanya cyane amahirwe yo guhindura ubutegetsi mu mahoro, bikongera ahubwo kuganisha u Rwanda mu makuba akomeye nk\u2019ayo rwaciyemo mu gihe cya shize.<\/p>\n
Hari abashobora kwibeshya ko mubamunenga perezida Kagame avuga ko bagirana ibiganiro harimo imitwe ya politiki n\u2019andi mashyirahamwe y\u2019abanyarwanda bitavuga rumwe na Leta ayoboye. Mw\u2019ijambo rye, perezida Kagame yagaragaje ko abo batarimo, ko ahubwo yiteguye kuzaganira gusa n\u2019inshuti z\u2019u Rwanda kimwe n\u2019abafatanyabikorwa. Ihuriro Nyarwanda riributsa perezida Kagame ko ibihugu by\u2019inshuti z\u2019u Rwanda, nka Leta zunze ubumwe z\u2019Amerika, Ubwongereza n\u2019umuryango w\u2019ibihugu byunze ubumwe by\u2019I Burayi, byamutereye ikizere kandi byabigaragaje mu matangazo anyuranye byashyize hanze byamagana ingirwa referendum yo guhindura itegekonshinga.<\/p>\n
Ihuriro Nyarwanda riramenyesha perezida Kagame na Leta ayoboye ko ingaruka zo gufunga inzira zo guhindura ubutegetsi mu mahoro bazazirengera. Rirasaba abanyarwanda n\u2019abanyarwandakazi gushyira imbaraga hamwe bagaharanira uburenganzira bwabo. Rirasaba kandi inshuti z\u2019u Rwanda, ari imiryango mpuzamahanga, ibihugu by\u2019Afurika cyane cyane ibyo mu biyaga bigari, kimwe n\u2019ibihugu biri kuyindi migabane y\u2019isi gushyigikira abanyarwanda mu kwibohoza ubutegetsi bw\u2019igitugu bw\u2019i Kigali hakajyaho ubutegetsi bugendera ku mategeko, bwubahiriza uburenganzira bw\u2019ikiremwamuntu kandi bushingiye kuri demokarasi.<\/p>\n
<\/p>\n
Umuhuzabikorwa mukuru w\u2019Ihuriro Nyarwanda<\/p>\n
Dr Theogene Rudasingwa<\/strong><\/p>\n Washington DC<\/p>\n USA<\/p>\n 1\/1\/2016<\/p>\n Email:ngombwa@gmail.com<\/p>\n Tel:001 240 477 9110<\/p>\n","protected":false},"excerpt":{"rendered":" Mw\u2019ijambo risoza umwaka wa 2015 perezida Paul Kagame yagejeje ku banyarwanda, yatangaje ku buryo butaziguye ko yiyemeje kuguma ku butegetsi ubuzima bwe bwose. Mu magambo yakoresheje asobanura ibyavuye mu ngirwa referendum yo guhindura itegekonshinga ry\u2019u Rwanda, yagize ati \u00abMwansabye kuzakomeza kuyobora igihugu nyuma ya 2017\u00bb, arongera ati \u00abNta kuntu ntabyemera\u00bb.<\/p>\n","protected":false},"author":4,"featured_media":9733,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[62],"tags":[],"class_list":["post-12125","post","type-post","status-publish","format-standard","has-post-thumbnail","hentry","category-politiki"],"yoast_head":"\n