Nkuko ikinyamakuru inyenyerinews.org cyacukumbuye, cyasanze inzego z\u2019ubutasi zikuriwe na Col Silas UDAHEMUKA wahoze akuriye ishami rishinjwe iperereza ryabasirikare barinda kagame ubu akaba yarimuriwe mumutwe wundi wiperereza uzwi kwizina rya \u2018\u2019Air Marshal\u2019\u2019 zisigaye zineka abagenzi bakoresha indege za kompanyi RWANDAIR Express.
\nZimwe muri izo maneko zirirwa zizungurukana n\u2019izo ndege harimo: Abasirikare bavuye muri Special Forces Unity iyobowe na Lt. Col NKANGURA. Iryo tsinda ryavuye kwa NKANGURA ryagiye riyobowe na Lt MUTAGANZWA. Nyuma bahawe izina rya Air Marshal. Ako gatsiko kitwaza ko kaba gashinzwe umutekano mu ndege, ariko mu by\u2019ukuri kabangamiye umutekano w\u2019abagenzi. Nkuko twabibwiwe na bamwe mu bagenzi no mu bakozi bo muri RWANDAIR Express; izo maneko ziteye impungenge n\u2019icyugazi. Bimwe mu bikorwa biteganywa gukorwa n\u2019akagatsiko; harimo kuroga amafunguro yaba agenewe guhabwa umugenzi batumwe. Ibi biba byiyongera ku kumviriza ibiganiro, kwiba documents, laptops, flash disks n\u2019ibindi by\u2019abagenzi baba bakurikiranywe.<\/p>\n
Kubera iyo mpamvu, kompanyi ya RWANDAIR Express ikomeje kugura indege nyinshi ari nako yongera ingendo mu bihugu bicumbikiye impunzi z\u2019abanyarwanda. Ikindi kandi abayobozi b\u2019iyo kompanyi bahawe inshingano zo kubonera maneko za KAGAME imirimo mu zindi kompanyi z\u2019indege zikorana na RWANDAIR Express.Iri tsinda rya Air Marshal rikoreshwa na General Paul KAGAME ku giti cye. Ibikorwa byaryo nta handi bizwi. Yewe na General Karenzi Karake ntacyo ajya amenya ku barigize cyangwa se ku bikorwa byabo.<\/p>\n
Aha twakwibutsako iri tsinda rya Air Marshal rije ryiyongera ku yandi matsinda ya za maneko harimo: DMI (J2), CID, Republican Guards Intelligence Unity, National Security Service, Civil Intelligence Services ikorera kwa Ministri w\u2019intebe, etc.Ikibazo gikomeye ni uko izo nzego zose zidakorera igihugu n\u2019abanyarwanda. Ahubwo zikorera Kagame n\u2019anagatsiko ke mu gukandamiza, gutoteza no kwibasira abanyarwanda bashyira mu gaciro, akenshi babavutsa ubuzima. Iri tsinda rya Air Marshal ryarushijeho kandi kugaragaza ivanguramoko n\u2019ivanguraturere byokamye ingoma y\u2019igitugu ya KAGAME. Iri tsinda nta muhutu cyangwa umututsi utari umuhezanguni barirangwamo.<\/p>\n
Kubera iyo mpamvu, inyenyerinews.org iragira inama abanyarwanda bakoresha indege za RWANDAIR Express kwirinda amafunguro bahabwa ndetse no kwirinda ibiganiro n\u2019inshyomoke ziza zibishyanutsaho ngo zirakurikiza wa mugani uvuga ngo \u201cInshuti uyikura ku nzira!”<\/p>\n