Ishyaka Ishema ry\u2019Urwanda rikomeje gushimangira ko rigiye gukorera politiki mu Rwanda. Hari abasanga muri iki gihe bitoroshye ku batavugarumwe n\u2019ubutegetsi gukorera politiki imbere mu gihugu. Abo babihera ku ngero z\u2019ababigerageje, bamwe muri bo, ubu bakaba bafunze. Abo ni nka Victoire Ingabire Umuhoza, D\u00e9o Mushayidi n\u2019abandi.<\/p>\n
Mu kiganiro musanga ku mpera y\u2019iyi nyandiko, Padiri Thomas Nahimana uyobora ishyaka \u00ab\u00a0Ishema ry\u2019Urwanda\u00a0\u00bb we asobanura ko kuba hari ababigiriyemo akaga, bidakwiye kumubuza we na bagenzi be kugerageza politiki biyemeje. Imwe mu nzira batekereza kunyuramo, ni ukubanza kuvugana n\u2019abategetsi bakuru. Ibi ngo bigamije kurinda ko habaho umwuka mubi cyangwa ubwoba by\u2019umwihariko ku bayoboke b\u2019ishyaka ayobora.<\/p>\n
Bamwe mu banyarwanda, ntibashira amakenga ko Padiri Nahimana atari ku isiri n\u2019abafite ubutegetsi mu ntoki bakaba babumaranye imyaka irenga 20. Perezida w\u2019Ishame party we avuga ko nta kizatuma ata umurongo wa politiki yiyemeje.<\/p>\n
Bifuje gutaha ku itariki ya 28 Mutarama; ari na yo Urwanda rwahimbazaga umunsi mukuru wa Repubulika irangwa na demokarasi. Gusa, kuri bo, n\u2019ubwo bateye intambwe ya mbere, yo gufata icyemezo cyo gukorera mu gihugu, barasanga intambwe ikurikiye ntakizayibuza mu gihe abo bategetsi bazaba bemeye kuvugana na bo. Ngo ni ibiganiro si imishyikirano. Bazaganira iki? Bafite ubuhe buryo bwo gukora ibirenze iby\u2019ababigerageje mbere yabo?<\/p>\n
Padiri Nahimana hari aho asa n\u2019uvuga nka wa wundi waciye umugani ati:\u00a0\u00bbntayitinya itarungurutse\u00a0\u00bb. Nyuma akongera akabwira abamufitiye amakenga ko, bakwiye kuzamugaya gusa babonye ageze mu Rwanda akaba ikigwari.<\/p>\n
Padiri Nahimana anibutsa ko \u00ab\u00a0ubutegetsi bubi butivanaho, ahubwo buvanwaho n\u2019abantu, ndetse ubwiza na bwo bugashyirwaho n\u2019abantu\u00a0\u00bb.<\/p>\n