Kuri uyu wa kabiri tariki ya 28 Kanama 2012, abahagarariye Leta y\u2019u Rwanda bahaye ibisobanuro akanama gashinzwe ibihano mu nama y\u2019umuryango w\u2019abibumbye ishinzwe amahoro kw\u2019isi. U Rwanda rwahakanye ibirego byo gufasha inyeshyamba za M23 ruregwa n\u2019impuguke z\u2019umuryango w\u2019abibumbye, mu gihe Leta ya Congo yasabaga ko abayobozi b\u2019u Rwanda bafatirwa ibihano.<\/p>\n
Nk\u2019uko tubikesha Radio y\u2019abafaransa RFI, Akanama gashinzwe ibihano mu nama y\u2019umuryango w\u2019abibumbye ishinzwe amahoro kw\u2019isi kashatse kumva impande 3 zirebwa n\u2019icyo kibazo, ni ukuvuga: Leta y\u2019u Rwanda, Leta ya Congo n\u2019impuguke z\u2019umuryango w\u2019abibumbye zakoze icyegeranyo gishinja u Rwanda gufasha M23.<\/p>\n
Major Patrick Karuretwa umwe mu bajyanama ba Perezida Paul Kagame w\u2019u Rwanda mu by\u2019umutekano niwe watanze ibisobanuro ku ruhande rw\u2019u Rwanda. Yemeje ko ikigo cya gisirikare cya Kanombe kivugwa n\u2019impuguke za ONU ko cyatorejwemo inyeshyamba za M23 uko giteye kidashobora gukorerwamo imyitozo, yongeyeho ko amasasu akoreshwa na M23 atari amwe n\u2019akoreshwa n\u2019ingabo z\u2019u Rwanda. Impuguke za ONU zasubije ko ibyo bisobanuro bidafite ingufu.<\/p>\n
Benshi mu bahagarariye ibihugu byabo bari mu cyumba byaberagamo bavuze ko ibisobanuro by\u2019u Rwanda babona bidahagije ku buryo byakumvikanisha ko ibyo u Rwanda ruregwa bidafite ishingiro.<\/p>\n
Ministre wa Congo w\u2019ububanyi n\u2019amahanga, Bwana Raymond Tshibanda we yasabye ko inama y\u2019umuryango w\u2019abibumbye ishinzwe amahoro kw\u2019isi yafatira ibihano abayobozi b\u2019u Rwanda.<\/p>\n
Nk\u2019uko bivugwa n\u2019umwe mu bahagarariye ibihugu byabo mu muryango w\u2019abibumbye, ngo umuryango w\u2019abibumbye ushobora guhitamo guhana inyeshyamba za M23 aho guhita uhana u Rwanda. Ministre w\u2019ububanyi n\u2019amahanga w\u2019u Rwanda, Madame Louise Mushikiwabo na mugenzi we wa Congo, Bwana Raymond Tshibanda barisobanura kuri uyu wa gatatu tariki ya 29 Kanama 2012 imbere y\u2019inama y\u2019umuryango ushinzwe amahoro kw\u2019isi.<\/p>\n
Ababikurikiranira hafi bemeza ko imyitwarire ya Leta y\u2019u Rwanda mu kugaragaza ko yahagaritse gufasha inyeshyamba za M23 ari byo bishobora gufasha u Rwanda muri iki kibazo kurusha gukomeza guhakana ibivugwa n\u2019impuguke z\u2019umuryango w\u2019abibumbye dore ko hari ibindi bimenyetso bishinja u Rwanda bitashyizwe ahagaragara nk\u2019uko byatangajwe n\u2019ambasaderi wa Amerika ushinzwe ibyaha mpuzamahanga Stephen Rapp mu gihe yari mu ruzinduko mu Rwanda.<\/p>\n
Marc Matabaro<\/p>\n","protected":false},"excerpt":{"rendered":"
Kuri uyu wa kabiri tariki ya 28 Kanama 2012, abahagarariye Leta y\u2019u Rwanda bahaye ibisobanuro akanama gashinzwe ibihano mu nama y\u2019umuryango w\u2019abibumbye ishinzwe amahoro kw\u2019isi. U Rwanda rwahakanye ibirego byo gufasha inyeshyamba za M23 ruregwa n\u2019impuguke z\u2019umuryango w\u2019abibumbye, mu gihe Leta ya Congo yasabaga ko abayobozi b\u2019u Rwanda bafatirwa ibihano.<\/p>\n","protected":false},"author":3,"featured_media":1265,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[64],"tags":[],"class_list":["post-1264","post","type-post","status-publish","format-standard","has-post-thumbnail","hentry","category-amakuru"],"yoast_head":"\n