Barundi, Barundikizi,<\/p>\n
1. Uno munsi, igenekerezo rya 25 Ndamukiza 2016, wabaye umunsi w\u2019amarira n\u2019amaganya ku muryango w\u2019Intwazangabo Jenerali Athanase Kararuza, ku Nzego zo kwivuna abansi no ku Barundi bose. Hakiri kare, aho Intwazangabo Kararuza yariko ashikana ikibondo ciwe kw\u2019ishure, akarwi k\u2019inkozi z\u2019ikibi kihaye inkumbi mu kumugandagura bunyamaswa, kamugandagurana n\u2019abo bari kumwe mu muduga, harimwo n\u2019Umutambukanyi wiwe.<\/p>\n
2. Imbere ya vyose dusavye Imana Mushobora vyose imwakire mu bwami bwayo, yongere ifashe umuryango wiwe, incuti ziwe, mbere n\u2019abarundi bose. Turahojeje umuryango wiwe, turahojeje kandi inzego z\u2019igisirikare, z\u2018igipolisi n\u2019igendereza bari basanzwe bakorana bafatanye munda hamwe nabo bahora bakorana mu biro vy\u2019Icegera ca mbere c\u2019Umukuru w\u2019igihugu.<\/p>\n
3. Uburundi burabuze Intwari, umugabo w\u2019ijunja n\u2019ijambo, Intwazangabo yateye Iteka Uburundi n\u2019abarundi haba mu gihugu canke mu makungu, aho yabaye n\u2019Icegera c\u2019Uwutwara Ingabo za MISCA, mu gihugu ca Centrafrique. Bitayeko Yararwanije yivuye inyuma abashatse gutembagaza inzego zitorewe n\u2019abanyagihugu, mu mwaka uheze, yongera arafasha bimwe bidasanzwe kubungabunga amahoro n\u2019umutekano mu gihe c\u2019amatora n\u2019inyuma yaho.<\/p>\n
4. Turamusabiye ku Mana Mushoboravyose imwakire mu bwami bwayo, yongere ihe umutima wo kwihangana no kwigumya umuryango wiwe, tutibagiye incuti abagenzi n\u2019abakunzi biwe aho bari hose.<\/p>\n
5. Turasaba dushimitse, twicishije bugufi, ko Imana yotuja imbere, kugira abakoze ako kabi kabishe batabwe muri yompi, bongere bahanwe mu maguru masha, hakurikijwe amategeko.<\/p>\n
Barundi, Barundikazi,<\/p>\n
6. Dusavye inzego z\u2019umutekano ko mu kiringo kitarenze indwi imwe gusa abo babisha boba bamenyekanye, bafatwe kandi barengutswe imbere y\u2019ubutungane.<\/p>\n
7. Ibi bibaye uno munsi, ejo hahise hatewe iyindi ntwazangabo, mbere no mu ndwi yahera ako karwi k\u2019ababisha bihaye inganda mu kwica abantu kabaziza amabanga bafise mu nzego zijejwe kwivuna abansi canke guhagararira umutekano w\u2019abarundi n\u2019igihugu, ndetse n\u2019abenegihugu aho bakorera nko mw\u2019isoko no mu bunywero. Ntaho bataniye nabakora ububisha bw\u2019iterabwoba.<\/p>\n
8. Turasavye abarundi ngo bame barikanuye, babandanye bakomeza ya makomite y\u2019umutekano ahurikiwemwo na bose, kugira ababisha bafise iyo migambi iburizwemwo kandi bafatwe bahanwe batarakora ibara. Igihambaye dusaba Abarundi iyo bava bakagera, ni uko bokwama bagendera ubwitonzi, ubwira n\u2019ubumwe vyaranze Jenerali Kararuza Athanase, ntibarwe mu mutego w\u2019abo babisha, nyabuna tugire urunani rw\u2019intamenwa dutuze utwo turwi tw\u2019iterabwoba.<\/p>\n
9. Mu kurangiza, twibukanye amajambo akomeye ari mu ruririmbo ruhayagiza igihugu cacu avuga ngo \u201cImana yakuduhaye ikudutungire\u201c. Turasabiye umwana yazize ubusa agakomeretswa n\u2019ivyo bisasu vyatewe umuduga warimwo abavyeyi biwe ko Imana yomufasha ikarokora ubuzima bwiwe.<\/p>\n
10. Tuboneyeho n\u2019akaryo ko kuremesha Abarundi bose muri rusangi ko nk\u2019uko utundi turwi tw\u2019inkorabara twasambuwe, n\u2019aba baduhekuye bagiye kuja ahabona, bateshwe kandi bafatwe, bahanwe hakurikijwe amategeko.
\nImana ihangaze Uburundi n\u2019Abarundi<\/p>\n