Ibijya gushya, ngo birashyuha\u00a0; naho ibijya gucika ngo bigaca amarenga. Bijya kudogera, byatangiye muri nyakanga 1973, ubwo Habyarimana yicaga Kayibanda, akica abaparimehutu, intwari za demukarasi, akimika cyami mputu y’abashiru, iyi igasimburwa n\u2019indi cyami ntutsi y’abasajya, yitoreye ingoma mu giteme, muri nyakanga 1994.<\/p>\n
Twabonye isha itamba, duta n\u2019urwo twari twambaye, ubwo abahutu bihutiraga gusinyana amasezerano y\u2019ubufatanye n\u2019inkotanyi i Buruseli, bibeshya ko ngo izi ari imfura z\u2019i Rwanda, nyamara ziteye undi mwitero. Nguriya umukwe wa Kayibanda arita inkotanyi abavandimwe kandi zirimo\u00a0kurimbura abaturage za Byumba na za Ruhengeli\u00a0; ngabariya abahutu i Bujumbura n’i Dar-Es-Salaam barimo barasinya amasezerano yo kwirukana ingabo z’abafaransa\u00a0; ngabariya bamwe mu basirikari bakuru,\u00a0barimo gucicikana batanga amakuru mu nkotanyi\u00a0; barimo baratema ishami bicariye.<\/p>\n
Ngizo insoresore turi mu mashyaka twibeshya ko ngo arwanya Habyarimana, nyamara akorana n\u2019inkotanyi. Ijanisha ryazo ni nka 30-40\/100 mu mashyaka yose, yaba aya CDR na MRND; dukomereje Arusha mu kuzishyigikira. Twitwaje za \u00abordres de mission\u00bb zasinywe na Habyarimana, urimo kwigura ku bamurwanya\u00a0; isanduku ya Leta irasa n\u2019iyabaye isibaniro ry\u2019abayisahura mo ibihumbi by\u2019amadovize, byo kujya gupfusha ubusa mu nzoga no mu birara byo muri Hoteli \u00abMount Meru\u00bb, mu kujijisha ngo turaganira n\u2019inkotanyi, kandi tuzishyigikiye.<\/p>\n
Ngururiya urubyiruko rw\u2019amashyaka nka PL, PSD-Abakombozi, aba JDR-INKUBA za MDR,\u00a0kugeza ku mashyaka mato\u00a0; turimo gufunga imihanda mu gihugu hose, turatwika amapine iyo za Onatracom ngo turirukana Gisunzu, mwene Ntabazirikana. Indunduro y\u2019ibi byose ibaye iyo kwimika ubutegetsi bw\u2019abasazi, ubutegetsi bw\u2019abanazi\u00a0; ubutegetsi bw\u2019abasajya, bumaze kugeza u Rwanda aharindimuka.<\/p>\n
Ubutegetsi bwa Rwabujindiri, rurya ntiruhage<\/strong><\/p>\n Izi nzaduka zigikandagiza ikirenge mu Rwanda, zahise zubaka ikigirwamana, zikibatiza \u00abifaranga\u00bb. Zahise zica ijambo ry\u2019Imana mu gihugu cy’abemera Yezu na Bikiramaliya, zimika \u00abkirazira\u00bb, ishingiye ku rurimi rumwe rwitwa \u00abigikotanyi\u00bb, uru rwigishwa mu mashuri abanza, ayisumbuye, na za kaminuza. Abana bacu barohwa mu kaga batyo, biga mu ndimi z\u2019inzanduka, zitagira abazigisha, abahanga bagenda nka \u00abNyoberi\u00bb iyo za Burayi, Amerika, n\u2019ahandi, mu bukonje buca amazuru. Abo imbeho yagiye irembya, bahisemo gutaha\u00a0; bajya gukeza\u00a0; guhakwa ku badashaka abagaragu, bihigira indonke.<\/p>\n Izo ndonke zibarizwa mu misanzu yakwa ku mbaraga\u00a0: iy\u2019isuku, iy\u2019ibishingwe, iy\u2019uburezi butariho, iya Ibuka ivangura abapfu, iy\u2019agaciro ngo kagamije guca agasuzuguro k’abaterankunga, iy\u2019ishema ryacu, yo kugoboka abicanyi bashinzwe guhiga abahutu bahunze ubutegetsi, no gutesha umutwe abatutsi batavuga rumwe na FPR, iya mituweli isabwa abativuza, iy\u2019umutekano yo guhemba abicanyi bo muri \u00abDASSO\u00bb, iy’akarere, iy\u2019imidugudu, iya Rwanda Revenue. Iyi misanzu yose yiyongeraho amaturo atangwa mu madini y\u2019inzaduka (sectes), ayoborwa n\u2019abatoni b\u2019ubutegetsi. Utanze amaturo menshi ubwo akaba ariguze, na we akaba abaye umutoni w\u2019ubutegetsi. U Rwanda nturukiri cya gihugu tuzi, cya gihugu cyiza\u00a0; u Rwanda rwahindutse urwahanda.<\/p>\n Iyo misanzu inatangwa na buri wese\u00a0; kuva ku mukozi muto kugeza ku mukuru, ndetse no ku mutindi nyakujya. Utunze n\u2019ihene imwe ategekwa kuyitanga, ngo yiheshe agaciro\u00a0! Iyo misanzu isabwa ni yo ituma abana b\u2019abategetsi bajya kwiga i Burayi, Amerika n\u2019ahandi\u00a0; ni yo baguramo amazu n\u2019ibikingi\u00a0; ba nyir\u2019ukuyitanga abana babo bagahagama muri za nayini (nine), zitagira ireme ry\u2019uburezi.<\/p>\n Ubuhahamuke mu madini n\u2019abahunahunnyi<\/strong><\/p>\n Kuva FPR yadutse, yatangiye ihahamura n\u2019abihayimana\u00a0: abasenyeri, abapasitoro, abiyita ba bishopo (bishop),\u00a0abiyita ba shehe. Yahahamuye amadini, ishyiraho ay’inzaduka, arimo n\u2019akorera Sekibi, akorera CIA n\u2019ibindi bigirwamana.Ubu mu ngo zose, cyane cyane iz’abahutu,\u00a0biyeguriye Imana\u00a0; baba basenga atari ugukunda Imana, ahubwo ari ugusaba iyo Mana ngo ibarinde kuticwa n\u2019abahakana Mana. Iyo miryango uzayisanga mo abararana amashapure, bakayabyukana, bakayiriranwa, haba mu mirima no mu biterane byo kuboza ubwonko\u00a0; uzanababonana za Bibiriya na za Korowani. Abari barataye, ubu bagarukiye Imana, ni abakizwa b\u2019izina gusa, ni abayisiramu batazi gusoma ikorowani. Aba bose barimo n\u2019abibeshyera ko babonekerwa na Bikiramaliya, ndetse na Yezu. Babeshya kubera kwiheba no kutabona ejo hazaza habo.<\/p>\n Ba\u00a0Colonel NDIBWAMI\u00a0ubu barafunzwe\u00a0; bafunzwe bazira ko ngo babonekewe n\u2019Imana\u00a0; \u00abIntwarane za Mariya\u00bb zisimburana mu magereza\u00a0; zibungana amashusho ya Yezu na Bikiramaliya, zikaruhukira kwa Perezida, uyu agahita azifunga\u00a0! Zirasenga amanywa n\u2019ijoro, haba mu mago yazo no hanze yayo. Kuri zo icyaziha ngo ubwo butegetsi bugende nka Nyomberi\u00a0; bugende ubutazagaruka mu Rwanda\u00a0! Bo n\u2019abandi benshi bagize amatsinda y\u2019amasengesho, barihebye\u00a0; babuze uwo batura agahinda kabo. Abo bakagatuye, ni ababahohotera\u00a0; abandi bagaramye iyo za Burayi na Amerika\u00a0; bararya bagahaga, barangiza bati \u00abturakora politiki\u00bb\u00a0; politiki ishingiye ku kubeshya, k\u2019ukurangaza rubanda. Iyo na bo bibayobeye, biyita impunzi za politiki, kugirango batere imbabazi ababacumbikiye\u00a0; byabayobera burundu, bagashyira imbere inzangano zishingiye ku bitekerezo bigufi, byabaviriye mo kugabira ingoma indashima\u00a0!<\/p>\n Abo mvuga si abahutu gusa\u00a0; si n\u2019abatutsi baguye mu rwobo rw\u2019ubwigunge, rwo kwiheba. Ni ubwoko nyarwanda rwicuza uburangare n\u2019ubuswa bwabwo. Bose barijujutira aya maturo baha indashima, indahaga zishyigikiwe na ba mpatsibihugu, barangamiye inyungu zabo\u00a0: abanyamerika, abongereza, ababiligi, abafaransa, aba banyamahanga batumye u Rwanda rugabizwa ibikuke.<\/p>\n Abavuye iyo giterwa inkingi na bo bari aho\u00a0; barimyoza, baravugira mu matamatama kubera ibyo babeshywe mbere yo gutanga ibyabo no gusiga ibyabo byose ngo baratashye. Barifuza ibyo basize i Congo, i Burundi, muri Tanzaniya na Uganda, batakibibonye. Icyo bicuza si ikindi\u00a0: ni uko bibeshye ko icyo barwaniraga ari ukwirukana ubwoko, nyamara ubu na bo bamaze kuvumbura ko utari indobanure y’umututsi atarya ku mutsima ngo awusomeze amata y\u2019inyambo z\u2019abatunzi ba FPR. Aba bose barutwa na Rucacu wiyemereye ko yatsinzwe, akabitoza n\u2019ab\u2019i Murera. Naba na we kuko iyo atabaterera iyi ndirimbo, bari gushira burundu\u00a0! Barutwa na Murekezi urimo kwigisha ko yemera ubuhutu bwe\u00a0; barutwa na Bamporiki wicukuriraga imisarane, ubu akaba ari we cyatwa mu banyanganzo\u00a0; barutwa na Makuza wemeye gushinja se ubuparimehutu\u00a0; barutwa n\u2019Uwizeyimana wirengagije ubwenge bwe, akabusimbuza imbehe\u00a0; barutwa n\u2019aba bose barwanira akamanyu k\u2019umutsima\u00a0!<\/p>\n Abataremeye kuyoboka ingoma, na bo baraho. Barimo abatutsi n’abahutu. Banarimo abarwanira kuyiyoboka ariko ntibahabwe icyanzu. Barimo abari n\u2019abangavu babuze epfo na ruguru; barimo abazunguzayi bicwa umunsi ku wundi, barimo abagore b\u2019abagabo bihebeye ba \u00abBoss\u00bb kugirango babone uko batunga imiryango yabo; barimo abasambanyi n\u2019ibyomanzi, bahisemo gutanga icyo bafite, kuko ngo umukobwa mwiza atanga icyo afite, icyo atunze; icyatubyaye; kugirango abeho. Iyi sodoma na gomora ikaba ari indorerwamo y\u2019uko nta butegetsi bubi bwigeze bubaho mu Rwanda nk\u2019ubwabanazi bo muri FPR-Inkotanyi.<\/p>\n Ingoma ntizibazwa kimwe<\/strong><\/p>\n Ku butegetsi bwabanjirije ubungubu, umwana w\u2019umunyarwanda yarigaga, akaba yizeye kuzabona akarimo; n\u2019iyo yabaga yarize amashuri yisumbuye gusa, yicaraga mu biro, kandi akazi akagatunganya uko bikwiye. Inkotanyi zo zaraje zirukana abo bose mu nzego za Leta n\u2019izigenga, zishinga amashuri y\u2019inzaduka, ayisumbuye n\u2019amakuru, afite ireme ry\u2019ibiburamwaka, kuko indorerwamo yayo ireberwa mu bayarangiza mo. Abacurabwenge b\u2019ingoma bo babibonye cyera; bahitamo guhima rubanda rugufi, kuko abana babo ayo mashuri ntibayarangwa mo. Babohereza kwiga mu mashuri azwi y\u2019i Burayi na Amerika, bananirwa kwiga, bakaguma yo, bagahabwa indi mirimo yo kuneka abatiyumva mu butegetsi buriho ubu mu Rwanda.<\/p>\n Abandi bana babo boherezwa kwiga iyo muri Isiraheli. Abizeyo \u00abirrigation\u00bb banze kujya gukora i Nasho ku muherwe w\u2019igisambo cy\u2019umunyamerika, witwa Buffet. Kubyanga si ikindi; ni uko ari abana b\u2019indobanure, badashaka gutura mu cyaro; iyo baba abana baturuka mu miryango yoroheje, kuri bo akazi ni akazi, aho kaboneka hose. Uyu Buffet, urimo kwirahira Kagame ko mandat ya gatatu ayikwiye, ni we wagabiwe ibya rubanda; ni we Kagame yahaye ubushobozi bwo kunyaga imirima y\u2019abaturage no kubirukana mu byabo, kugirango ahatere ibigori.<\/p>\n Uwabyumva yakeka ko ibigori bidakwiye kuba igishoro ku muherwe nk\u2019uyunguyu; nyamara ni ibiryo byizwe neza, bitunga imbaga nyinshi yagowe: amagereza yuzuye mu gihugu, aruta amashuri; ni isoko rikomeye kuri ba gashakabuhake, bateza inzara n\u2019intambara mu bihugu bya Afurika kugirango PAM igure ibiribwa byabo, ibikwirakwize muri izo ngorwa, ziba zihunga intambara bateje.<\/p>\n Abijujuta rero ngo Leta ya Kagame yirukanye ibihingwa by\u2019ifatizo, byari bitunze rubanda rugufi: ibijumba, ibishyimbo, imyumbati, akaba yarabisimbuje ibigori, ukuri ni aho gushingiye; ukuri ni ukwicisha iyi rubanda umudari, we na ba Rwabujindiri bamushagaye, bakamera nka ya nyoni yaritse hafi y\u2019inyanja, ihora ivuga iti \u00abnzapfa, nzakira, zimbizi\u00bb. Uwavuga iby’ingoma y\u2019abanazi bo muri FPR ntiyabimara i mugongo. Twe twatumye yima, byagombye no kutumwaza, tukemera amakosa n\u2019intege nke byacu, n\u2019ubwo ngo nta kumi yigaya. Duhora tuvuga gusa, twandika ibitabapfu nk\u2019ibingibi; twikura mu isoni z\u2019ubugoryi bwacu, z\u2019uko twagabiye ingoma abasazi, abagome n\u2019abagambanyi. Aho guhagurukira rimwe, turacyandika ibitampaye agaciro nk\u2019ibingibi; iyo bituyobeye dutanga n\u2019ibitambo Imana itigeze idusaba: Ingabire, Mushayidi, n\u2019abandi. Ngabo ababaye insina ngufi ducaho inkoma, duhakishwa kugirango tubone ibyo turisha mu banyamahanga, batanatwumva, kuko nta mpamvu igaragara dutanga yo kutwumva. Ntidushyira hamwe; twabaye ba nyakamwe nk\u2019umwana w\u2019umugore. Nyamara turimo abatunze byinshi; byinshi bitagize icyo bimaze niba nta gihugu dufite. Ntidupfa no gushyiraho Leta yo mu buhungiro, ngo tuyihe imbaraga zo gukora; ahubwo tuba dusaba Ntaganda ngo nahamagaze imyigaragambyo, bamusubize mu mva yari amazemo imyaka ine, aho twamufashije kumwereka inzira yo gucika ababisha!<\/p>\n Abo ni twebwe; abahutu n\u2019abatutsi; abatwa bo ntitubashyira mu bagize imbaga y\u2019inyabutatu nyarwanda. Ngabo ba twebwe; ni twebwe, twe twenyine, tutigirira icyizere ngo tuve mu matiku, amashyari, ubwibone no kwiyemera; kwifata uko tutari. Ni twebwe dutezweho n\u2019iriya mbaga yose kureka kubeshya no kwibeshyera ngo hari icyo turimo kuyikorera; ni twebwe dusabwa kutaryaryana, kudasisibiranya, kureka ubupfapfa, ubupfayongo. Dusabe Roho Mutagatifu kutumanuriraho inema ze, inema zo gukorera hamwe, inema zo kwigobotora abakidukandamije.<\/p>\n Amiel Nkuliza, <\/strong><\/p>\n Sweden.<\/p>\n","protected":false},"excerpt":{"rendered":" Ibijya gushya, ngo birashyuha\u00a0; naho ibijya gucika ngo bigaca amarenga. Bijya kudogera, byatangiye muri nyakanga 1973, ubwo Habyarimana yicaga Kayibanda, akica abaparimehutu, intwari za demukarasi, akimika cyami mputu y’abashiru, iyi igasimburwa n\u2019indi cyami ntutsi y’abasajya, yitoreye ingoma mu giteme, muri nyakanga 1994.<\/p>\n","protected":false},"author":4,"featured_media":13581,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[78],"tags":[],"class_list":["post-13597","post","type-post","status-publish","format-standard","has-post-thumbnail","hentry","category-ibitekerezo"],"yoast_head":"\n
\nUkwemera amakosa n\u2019intege nke byacu, ni bwo bugabo<\/strong><\/p>\n