Mu nyandiko yashyizwe ahagaragara kuri uyu wa mbere tariki ya 3 Nzeri 2012, amashyaka ya politiki agera kuri 20 atavuga rumwe n\u2019ubutegetsi bwa Perezida Joseph Kabila wa Congo, arasaba ko Perezida Joseph Kabila yaregwa icyaha cyo kugambanira igihugu. Ku batavuga rumwe n\u2019ubutegetsi buriho muri Congo ngo Perezida Kabila niwe nyirabayaza w\u2019ibibazo biri mu burasirazuba bwa Congo.<\/p>\n
Abashingamateka ba Congo nibava mu kiruhuko barimo ibintu bishobora kurushaho gukomera. Mu bashyize umukono kuri iyo nyandiko harimo Bwana R\u00e9my Masamba, akaba umudepite wo mu ishyaka UDPS, rimwe mu mashyaka akomeye arwanya ubutegetsi yanze kwemera ibyavuye mu matora ya Perezida wa Repubulika n\u2019abashingamateka muri Congo yabaye mu 2011 akaba yaratsinzwe na Perezida Kabila.<\/p>\n
Iryo huriro ry\u2019amashyaka atavuga rumwe n\u2019ubutegetsi rirasaba inteko shingamategeko ya Congo, ko abashingamateka bakiva mu biruhuko muri uku kwezi kwa Nzeri, hazahita hatangizwa igikorwa cyo kurega Perezida Joseph Kabila icyaha cyo kugambanira igihugu.<\/p>\n
Abatavuga rumwe na Leta ya Congo baragira bati:\u00abIcyateye intambara irimo guca ibintu mu burasirazuba bwa Congo ni amasezerano, inyeshyamba zisaba ko yakurikizwa yose. Ibiri muri ayo masezerano byahishwe ku bushake inzego z\u2019igihugu n\u2019abaturage ba Congo\u00bb<\/em>.<\/p>\n Imvo n\u2019imvano y\u2019iki kibazo n\u2019abasirikare b\u2019abanyarwanda batahutse bavuye mu burasirazuba bwa Congo kuri uyu wa gatandatu tariki ya 1 Nzeri 2012, abaturage ba Congo bakaba batari baramenyeshejwe na Leta yabo ko abo basirikare bari ku butaka bwabo.<\/p>\n Ikindi kidasobanutse n\u2019umubare w\u2019abasirikare b\u2019u Rwanda Leta ya Congo yari yemereye kujya muri Congo. Itangazo rya Minist\u00e8re y\u2019ingabo z\u2019u Rwanda rivuga ko ari abasirikare 357 batahutse bakoranaga n\u2019abandi 357 ba Congo mu guhiga FDLR ngo bakaba batashye ku bwumvikane bw\u2019ibihugu byombi.<\/p>\n Naho Leta ya Congo mu ijwi ry\u2019umuvugizi wayo Lambert Mende ngo abasirikare b\u2019u Rwanda bari muri Congo ngo bari indorerezi gusa kandi ngo ntabwo bagombaga kuba barenga 100, ngo Leta y\u2019u Rwanda yakoresheje amayeri yo gucyura abo basirikare ngo ibonereho icyure n\u2019abandi barwaniriraga inyeshyamba za M23. Ngo kandi muri iki gikorwa u Rwanda rwashatse kwerekana ko hari amasezerano y\u2019ibanga rwaba rufitanye n\u2019abayobozi ba Congo kugirango rubateranye n\u2019abaturage babo. Ndetse rushobore kugarura isura nziza imbere y\u2019amahanga nyuma yo kutarebwa neza n\u2019amahanga kubera ibirego byo gufasha inyeshyamba za M23.<\/p>\n Abatavuga rumwe n\u2019ubutegetsi bwa Congo kandi bavuga ko abasirikare b\u2019u Rwanda binjiye ku butaka bwa Congo ku kagambane k\u2019abayobozi ba Congo batabimenyesheje abaturage babo, ibyo bishatse kuvuga ko abo bayobozi bakoranye n\u2019abateye Congo.<\/p>\n Ministre w\u2019ingabo wa Congo Bwana Alexandre Luba Ntambo, we yemeza ko kuba abasirikare b\u2019u Rwanda bari muri Congo ari ibintu byari bizwi kandi biri ku mugaragaro.<\/p>\n Amashyaka atavuga rumwe n\u2019ubutegetsi bwa Perezida Kabila arasaba kandi ko habaho ibiganiro biciye mu mucyo mu rwego rw\u2019igihugu byahuza imitwe ya politiki n\u2019andi mashyirahamwe ategamiye uri Leta kandi baramaganira kure iyoherezwa ry\u2019ingabo mpuzamahanga zidafite aho zibogamiye muri Congo. Dore ko kuri uyu wa gatatu tariki ya 5 Nzeri 2012 hateganijwe inama y\u2019ibihugu byo mu biyaga bigari (CIGL) i Kampala igomba kwiga ibyo gushyiraho izo ngabo.<\/p>\n Leta ya Congo yo irifuza ko ahubwo ingabo z\u2019umuryango w\u2019abibumbye (MONUSCO) ziri muri Congo zakongererwa ubushobozi n\u2019inshingano kugira ngo zishobore kurengera abasiviri kurushaho no kugenzura umupaka w\u2019u Rwanda na Congo.<\/p>\n Hagati aho ariko uduce two muri Rutshuru twavuyemo ingabo z\u2019u Rwanda twigaruriwe na M23, FDLR, na Mai mai. Ayo makuru avuga kandi ko inyeshyamba za M23, zigenzura kuva ku kicaro cy\u2019akarere ka Rutshuru kugeza i Kiseguro, FDLR yo ngo igenzura agace k\u2019amajyaruguru ya Kiseguro, kuva i Katwiguru kugeza i Buramba, no mu majyaruguru ya Nyamilima kugera Ishasha. Abamaimai bo bagenzura Nyamilima.<\/p>\n Ingabo z\u2019u Rwanda zikimara kuva mu duce twa Katwiguru, Kiseguro na Kaunga muri Rutshuru, ingabo za FDLR ku wa gatandatu tariki ya 1 Nzeri 2012 zahise zifata i Kiseguro, ariko inyeshyamba za M23 zazihakuye kuri uyu wa mbere tariki ya 3 Nzeri 2012 nta mirwano ihabaye nk\u2019uko bivugwa n\u2019imiryango itegamiye kuri Leta yo muri ako karere.<\/p>\n Ubwanditsi<\/p>\n","protected":false},"excerpt":{"rendered":" Mu nyandiko yashyizwe ahagaragara kuri uyu wa mbere tariki ya 3 Nzeri 2012, amashyaka ya politiki agera kuri 20 atavuga rumwe n\u2019ubutegetsi bwa Perezida Joseph Kabila wa Congo, arasaba ko Perezida Joseph Kabila yaregwa icyaha cyo kugambanira igihugu. Ku batavuga rumwe n\u2019ubutegetsi buriho muri Congo ngo Perezida Kabila niwe nyirabayaza w\u2019ibibazo biri mu burasirazuba bwa […]<\/p>\n","protected":false},"author":3,"featured_media":16549,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[66,64],"tags":[],"class_list":["post-1365","post","type-post","status-publish","format-standard","has-post-thumbnail","hentry","category-akarere","category-amakuru"],"yoast_head":"\n
\nNk\u2019uko amakuru atangazwa na Radio Okapi abivuga ngo inyeshyamba za M23 ziragenzura kuva kuri uyu wa mbere tariki ya 3 Nzeri 2012 ibirindiro byasizwe n\u2019ingabo z\u2019u Rwanda i Kiseguro, mu birometero 20 mu majyaruguru y\u2019uburasirazuba bw\u2019icyicaro cy\u2019akarere ka Rutshuru. Amakuru ngo ava muri ako karere, aravuga ko inyeshyamba za M23, FDLR, n\u2019abamaimai bagenzura umuhanda Kiwanja-Nyamilima-Ishasha.<\/p>\n