Banyarwandakazi, Banyarwanda nshuti z\u2019u Rwanda<\/p>\n
Mbanje kubifuriza mwese isabukuru nziza y\u2019imyaka 50 igihugu cyacu kimaze kigenga. Ndabasaba mwese ngo tuzirikane abakurambere bacu baharaniye ko igihugu cyacu kigobotora ingoma y\u2019Ubukoloni na Gihake.<\/p>\n
Uyu munsi twizihiza imyaka 50 y\u2019ubwigenge bw\u2019igihugu cyacu, iyo witegereje imiterere y\u2019ubutegetsi twakomeje kugenda tugira kugeza magingo aya, usanga tutaragera ku bwigenge bwuzuye, buha umunyarwanda wese ubwisanzure mu gihugu cye.
\n
\nUyu munsi ubuyobozi dufite bw\u2019umuryango FPR Inkotanyi ntibuha Abanyarwanda urubuga rwo kuba batanga ibitekerezo byabo nta mususu, mu bwisanzure busesuye. Ubigerageje ahita afatwa nk\u2019umwanzi w\u2019ubutegetsi akaregwa kurwanya gahunda ya Leta. Abanyarwanda ntibahwema gusaba ko batakomeza kuyoborwa butama. Abaturage bakomeje kwinubira guturwaho ibyemezo bivuye hejuru mu butegetsi, nta jambo bafite ryo kugaragaza icyo babitekerezaho mbere y\u2019uko bishyirwa mu bikorwa.<\/p>\n
Abanyarwanda bakomeje gusaba ko bagira ijambo mu bikorwa n\u2019ibyemezo bafatirwa ariko amaso yaheze mu kirere.
\nIkibabaje ni uko n\u2019abayobozi bo mu nzego z\u2019ibanze ubu nabo binubira ko ayo mabwiriza aturuka hejuru abageraho basabwa kuyashyira mu bikorwa badahawe igihe gihagije cyo kubanza kubisobanurira abo bashinzwe kuyobora.<\/p>\n
Kubwira umuhinzi utunzwe n\u2019ibihingwa bye ngandurarugo ngo nareke kubihinga utamweretse uko hagati aho arabaho we n\u2019umuryango we, igihe umutegeka guhinga igihingwa kimwe, utamweretse ko wabanje kumushakira isoko, kuko icyo gihingwa atari cyo cyonyine kizamutunga, atabyubahiriza agacibwa ihazabu, yagira icyo akopfora agafungwa ngo ararwanya gahunda ya leta, biba ari kumuvutsa uburenganzira bwe.<\/p>\n
Ivugururwa ribereye umuhinzi ndetse no mu bundi buzima bw\u2019igihugu ntirikeneye igitugu. Bisaba ko ubutegetsi buriho bwa FPR Inkotanyi bwemera guha urubuga amashyaka atavuga rumwe na bwo ndetse n\u2019abandi bantu ku giti cyabo, kugirango batange ibitekerezo byubaka ku buryo igihugu cyacu cyagira imiyoborere inogeye buri munyarwanda.<\/p>\n
Kuva taliki ya 16 Mutarama 2010, ishyaka ryacu FDU INKINGI ryimurira ibikorwa byaryo mu Rwanda, twiyemeje kuba ijwi rya buri munyarwanda, ukomeje gupfukiranwa, utagira aho avugira. Ni ngombwa ko ibibazo biriho mu gihugu tubivugaho nta nkomyi. Ni ngombwa ko ubutegetsi bwa FPR INKOTANYI bwemera ko abanyarwanda twese dufite uburenganzira bungana mu gihugu, ko kuvuga ibibazo biriho mu gihugu cyangwa kunenga imikorere ya Leta atari uguhungabanya umutekano w\u2019igihugu ko ahubwo ari bwo buryo bunogeye bwo gutera igihugu cyacu inkingi mu nzira y\u2019amahoro arambuye.<\/p>\n
Ntabwo igihugu cyacu gishobora kugera ku itera mbere rirambye, igihe cyose abene gihugu badafite ubwigenge busesuye. Kugirango tuzagere ku bwigenge n\u2019ubwisanzure busesuye, ni inzira ndende isaba ubutwari n\u2019ubwitange. Ntimurambirwe ariko kuko tuzabigeraho.<\/p>\n
Kuva ishyaka FDU INKINGI ritangiye ibikorwa byayo mu Rwanda, twashyizweho igitutu n\u2019iterabwoba. Abarwanashyaka bacu benshi bashyizwe mu buroko, abandi bakuwe ku mirimo yabo bityo bavutswa uburyo bari bafite bwo gutunga urugo rwabo. Ariko nyamara ibyo ntibyabaciye intege. Ubwanjye maze amezi 21 mu buroko. Icyemezo urukiko rwafashe ndetse n\u2019icyo ruzafata mu minsi iri imbere, ntabwo cyanca intege, kuko nzi ko mundi inyuma ndetse nkaba mboneyeho kubibashimira.<\/p>\n
Guharanira ubwigenge n\u2019ubwisanzure busesuye, guharanira kugera ku bwigenge nyabwo, guharanira iterambere rishinze imizi muri demokarasi, ni intego twiyemeje kandi nabwo tuzasubira inyuma cyangwa se ngo turambirwe.
\nNkinjira muri gereza nasanze ku rukuta handitse ngo \u00abnta joro ridacya\u00bb. Icyo nsaba buri munyarwanda wese ukunda u Rwanda ni ugushyigikira umugambi mwiza dufite. Ndabasaba mwese kutarambirwa aho muri hose kuko inzira ndende turimo ariyo izatugeza ku Rwanda twebwe ubwacu ndetse n\u2019ejo hazaza tuzaboneramo amahoro, mu bwubahane, ubumwe, twubaka iterambere rirambye, rishinze imizi muri demokarasi.<\/p>\n
Ubuyobozi bwa FPR INKOTANYI bwagombye kumva ko budashobora kutuvutsa uburenganzira bwacu ubuziraherezo, kuko nta joro ridacya.<\/p>\n
Inshuti z\u2019u Rwanda nazo kuri uyu munsi w\u2019isabukuru y\u2019imyaka 50 y\u2019ubwigenge, nabasaba ko mu nkunga yose batera u Rwanda bakwita mukurufasha gukemura ibibazo bibangamiye ubwigenge nyakuri, ubwigenge n\u2019ubwisanzure busesuye no gushinga amahame ya demokarasi mu gihugu cyacu. Bityo tuzasigire urubyaro rwacu u Rwanda ruzira akarengane, n\u2019umuco wo gukemura ibibazo binyuze mu mishyikirano, mu mahoro.<\/p>\n
Turi kumwe kandi twese hamwe tuzatsinda.<\/p>\n
Victoire Ingabire Umuhoza<\/strong> Ubu butumwa bunyujijwe kuri Bwana Boniface Twagirimana, Umuyobozi wungirije wa FDU INKINGI<\/p>\n","protected":false},"excerpt":{"rendered":" Banyarwandakazi, Banyarwanda nshuti z\u2019u Rwanda Mbanje kubifuriza mwese isabukuru nziza y\u2019imyaka 50 igihugu cyacu kimaze kigenga. Ndabasaba mwese ngo tuzirikane abakurambere bacu baharaniye ko igihugu cyacu kigobotora ingoma y\u2019Ubukoloni na Gihake. Uyu munsi twizihiza imyaka 50 y\u2019ubwigenge bw\u2019igihugu cyacu, iyo witegereje imiterere y\u2019ubutegetsi twakomeje kugenda tugira kugeza magingo aya, usanga tutaragera ku bwigenge bwuzuye, buha […]<\/p>\n","protected":false},"author":3,"featured_media":15,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[62,63],"tags":[],"class_list":["post-14","post","type-post","status-publish","format-standard","has-post-thumbnail","hentry","category-politiki","category-ubutabera"],"yoast_head":"\n
\nUmuyobozi wa FDU INKINGI<\/strong>
\n01\/07\/2012<\/strong><\/p>\n