Nk\u2019uko bimaze iminsi bivugwa kuri internet ndetse bikaba byashimangiwe na nyir\u2019ubwite kuri radiyo y\u2019Abongereza BBC yumvikanye mu rurimi rw\u2019ikinyarwanda taliki 5 Nzeri 2012 mu ma saa kumi n\u2019ebyiri n\u2019igice za nimugoroba, Frank Habineza umuyobozi w\u2019ishyaka Green Party ngo aratahuka kuri uyu mugoroba aho yiyemereye ko ari bwo agera ku kibuga cy\u2019indege I Kanombe. Mu kiganiro yagiranye n\u2019umunyamakuru wa BBC yasobanuye ko ngo atari yarahunze ahubwo ngo yari afite akazi kenshi muri Sweden aho amaze iminsi myinshi ndetse ikabakaba imyaka ibiri bivugwa ko yahunze ariko we yabihakanye.<\/p>\n
Frank Habineza wagiye muri Sweden nyuma y\u2019iminsi mike Visi-Perezida wa Green Party aciwe umutwe byakomeje kuvugwa ko yaba yarahunze kubera kugira ubwoba bw\u2019uko na we yakwicwa dore ko yahoraga avugira ku maradiyo ko abantu atazi bahora bamutera ubwoba, n\u2019ubwo we yahakanye ko atigeze ahunga ariko amakuru yizewe avuga ko nyuma y\u2019uko agiriye muri Sweden ahunze urupfu yatinyaga ko abambari ba FPR bamwivugana, ubu ngo yaba atahutse amaze kumvikana na leta ya Kagame kuzayikorera na we akinjira muri wa mutaka amashyaka nka PSD, PL, PDI, PPC\u2026. yugamyemo. ibi ngo bizakorwa yemererwa kwandikwa nk\u2019ishyaka ritavuga rumwe n\u2019ubutegetsi bwa FPR ariko akagendera ku mabwiriza azahabwa n\u2019iryo shyaka ndetse ngo akazanahabwa amahirwe yo kwinjira mu matora (ikinamico) y\u2019abadepite ateganyijwe umwaka utaha.<\/p>\n
Andi makuru nanone yemeza ko Frank Habineza yaba yaragiriwe inama n\u2019ishyaka Green Party ryo muri Sweden gucisha make akareka guhangana n\u2019ubutegetsi bwa Kagame ndetse akanitandukanya n\u2019andi mashyaka atavuga rumwe na FPR bityo ngo akabona inkunga y\u2019iryo shyaka ryo mu Burayi. Ayo mahirwe rero yombi ari uguhabwa inkunga ari no kwemererwa gukina politiki yo mu kwaha ubanza Frank yarananiwe kuyitesha maze yemera gusinyura n\u2019abo bigeze gufatanya kwamagana imikorere mibi y\u2019ishyaka riri ku butegetsi rya Paul Kagame none akaba atahutse ngo ashyire mu bikorwa ibyo yumvikanyeho n\u2019impande zombi. Ikindi ngo ni uko Habineza ngo yaba aje guhagararira ishyaka rya Green Party muri Afurika.<\/p>\n