Umushumba witwa Bigirimana Heritier utuye mu Murenge wa Muhanda mu Karere ka Ngororero\u00a0 yiyemerera kubeshya\u00a0 inzego z\u2019ubuyobozi ko yabonye abacengezi bituma abashinzwe umutekano barara ijoro ryose babahiga.<\/p>\n
Ibi byabaye mu ijoro rya tariki ya 1 Kamena 2016, ubwo Bigirimana\u00a0 yatabaje uwitwa Kamana Jacques amubwira ko abonye abacengezi bafite imbunda.<\/p>\n
Uyu mushumba yavuze ko hari mu masaha ya saa moya n\u2019igice z\u2019umugoroba, abantu atazi bitwaje imbunda banambaye imyenda ya gisirikare bamutera mu kiraro, bamwambura telefoni ye, bamumanura ahantu ku mugezi, bahita bamubwira ngo asubire yo, ari bwo yahise atabaza inzego z\u2019ubuyobozi.<\/p>\n
Umuturage witwa Kamana Jacques yahise yigira inama yo\u00a0 gutabaza inzego z\u2019ubuyobozi, aho yabwiye\u00a0 umuyobozi w\u2019umudugudu atuyemo, na we akabimenyesha Umunyamabanga Nshingwabikorwa w\u2019Akagari ka Bugarura.<\/p>\n
Akagari na ko kahise kamenyesha inzego z\u2019umutekano, zitangira guhigahiga abo bacengezi mu mashyamba ya Gishwati\u00a0 ariko\u00a0 burinda bubakeraho nta n\u2019umwe babashije kubona.<\/p>\n