Nzeri 07, 2012 \u2013 Bwana Bakunzibake Alexis, Visi-Prezida wa mbere w\u2019Ishyaka PS Imberakuri, wari warashimuswe kuwa gatatu ku manywa y\u2019ihangu, ubu yabonetse. Radiyo Ijwi Rya Rubanda yashoboye kuganira nawe: ni muzima, uretse ko ngo afite ibisebe ku maboko no ku maguru, akaba yaravunaguritse ingingo zose.<\/p>\n
Yatubwiye ko abamufashe bamukuye hafi y\u2019iwe kuri Onatracom mu masaa sita, agundagurana nabo bamuvana muri taxi bashaka kumushyira mu modoka yabo. Abari aho bose bararebereye, ntacyo bakoze kuko babonaga afatwa n\u2019abategetsi. Bamaze kumugeza mu modoka bamupfutse mu maso, bamujyana ahantu atazi aho ariho. Bamushyize mu kumba keza, bamushyiramo amapingu ku maboko no ku maguru. Nyuma baje kumuhata ibibazo ku birebana n\u2019ishyaka ayobora, aho bakura amafaranga, impamvu batajya gufatanya na ba Madamu Mukabunani uyobora ishami rya PS Imberakuri ryashyizweho na FPR Inkotanyi n\u2019ibindi.<\/p>\n
Muri iri joro ryo kuwa kane rishyira kuri uyu wa gatanu, mu ma saa yine, ngo bamushyize mu modoka, bagenda igihe kirekire ku mihanda mibi, hanyuma mu masaa munane bamuta ahantu mu gishanga. Nyuma ya saa munani y\u2019ijoro nibwo yashoboye kugera ku ngo z\u2019abaturage b\u2019aho, avuganye nabo asanga ari mu Bugande hafi y\u2019i Kabare.<\/p>\n
Igihe yari mu maboko yabo bamwambuye ibintu byose yari afite harimo n\u2019inkweto hamwe na za telefoni yari afite. Nyamara ngo kubw\u2019Imana hari Sim card batashoboye kubona, ku buryo yatiye telefoni umuturage mu bamwakiriye, ashyiramo iyo Sim card, maze ashobora guterefona bagenzi be ababwira aho ari n\u2019uko amerewe.<\/p>\n
Ahasigaye ni ukumenya niba asubira mu Rwanda cyangwa niba aba yigumiye mu Buganda. Ariko mu butumwa yaduhaye ngo tugeze ku barwanashyaka ba PS Imberakuri no ku bandi banyarwanda, ni uko batagomba gucika intege, ko bagomba kwibuka ko ibintu nk\u2019ibi biri mu byo bagomba kwakira kuri uru rugamba rwo guharanira demokarasi no kuvanaho ingoma y\u2019igitugu. Yanasabye n\u2019abamushimuse gushyira mu gaciro, bakisubiraho bakareka gutoteza, kugirira nabi no gutera ubwoba abanyarwanda baharanira ko igihugu cyayoborwa neza.<\/p>\n
Twizere ko abari bashimuse Bwana Bakunzibake batamuhaye kuri twa tuzi mu biryo bamugaburiye igihe yari mu maboko yabo.<\/p>\n