Ku rukiko rw\u2019Ikirenga ku Kimihurura abacamanza bategetse ko umwanzuro ku kirego cyari cyatanzwe na Ingabire Victoire uzasomwa tariki 19 Ukwakira 2012.<\/p>\n
Uruhande rwa Ingabire Victoire rwari rwatanze ikirego rusaba ko ingingo z\u2019itegeko zihana ingengabitekerezo ya Genoside zavanwaho kuko ngo zinyuranyije n\u2019Itegeko Nshinga.<\/p>\n
Kuri uyu wa gatanu, nta mwanya wahawe uruhande urwo arirwo rwose wo gusubira kuri iki kirego cyatanzwe na Ingabire Victoire, hafashwe umwanzuro gusa wo kwigizayo isomwa ry\u2019uru rubanza.<\/p>\n
Mu rubanza rwo kuwa 03 Nzeri 2012, Ingabire Victoire n\u2019umwunganizi we, bari babwiye urukiko ko ibisobanuro biri mu ngingo baregeye bitagaragaza uburyo umuntu yakwitwara mu gihe yaba atanga ibitekerezo bye yisanzuye kandi adafite ubwoba, bakavuga ko bo babona byagira ingaruka ku mikorere y\u2019ubutabera kubera kutagusha ku ngingo kw\u2019iri tegeko.<\/p>\n
Izo ngingo zo mu itegeko rihana icyaha cy\u2019ingengabitekerezo ya Genoside kandi, Me Gatera Gashabana yabwiye urukiko ko zidatanga ibisobanuro bihamye, bityo bagasaba urukiko ko izo ngingo z\u2019itegeko zavanwaho.<\/p>\n
Uruhande rw\u2019 Ubushinjacyaha, Me Mbonera Theophile,icyo gihe we yari yabwiye urukiko ko nta tegeko na rimwe ritumvikana, asaba urukiko kuzasuzuma rukareba niba koko izi ngingo zinyuranyije n\u2019Itegeko Nshinga.<\/p>\n
Me Mbonera yabwiye urukiko ko nta mpamvu n\u2019imwe babona yatuma izi ngingo zikurwaho. Agahamya ko bishobora guturuka ku myumvire y\u2019urisoma, bityo agasaba urukiko kuzasuzumana ubushishozi bimwe mu byo batanzeho imyanzuro.<\/p>\n