Ubusanzwe bizwi ko abana aribo bagira imyitwarire mibi bakananira ababyeyi babo bamwe bakajya mu mihanda ari byo bibaviramo kujyanwa mu bigo by\u2019inzererezi iyo bafashwe n\u2019inzego zibishinzwe.<\/i><\/p>\n
Ntibikunze kumvikana aho umuntu w\u2019imyaka irenze 40 ajyanwa mu kigo ngororamuco ahubwo ni umwihariko w\u2019abakiri bato.<\/p>\n
Mu kigo cyakira inzerezi giherereye mu murenge wa Gashonga iyo uhageze uhasanga abana, abakobwa n\u2019ababyeyi bakuze bari mu kigero cy\u2019imyaka 30 kugeza kuri 70, bamwe muri bo bagiye bafatirwa mu myitwarire mibi.<\/p>\n
Ahanini ifatwa ry\u2019aba bantu bakuru bajyanwa mu kigo ngororamuco rishingiye ku bibazo by\u2019amakimbirane yo mu miryango.<\/p>\n
Kanyenzi Jean Damasc\u00e8ne w\u2019imyaka 70 y\u2019amavuko ukomoka mu Murenge wa Gitambi, bivugwa ko yafashwe amaze gukubita umugore we kubera ko yari yagurishije ihene.<\/p>\n
Mu kiganiro yagiranye na IGIHE, yavuze ko yavuze ko yazize ko yakubise umugore we abitewe n\u2019umujinya yagize ubwo yavaga mu kabari agasanga yagurishije ihene kandi ko ubu atewe isoni no kuba ari mu kigo ngororamuco hamwe n\u2019abakwiye kuba abuzukuru be.<\/p>\n
Mukirangoga Jean Marie Vianney wo mu Murenge wa Gikundamvura na we uri muri iki kigero yafashwe n\u2019inzego zishinzwe umutekano yakubise umugore ubwo yamubuzaga kugurisha ibishyimbo ku musaruro bari bejeje ashaka kujya kunywa inzoga.<\/p>\n
Yagize ati \u201cNjye ndemera icyaha, ubwanjye ejobundi hashize nagiye kunywa urwagwa ngarutse mfata udushyimbo twari duhari, njya kutugurisha umugore ambajije ndamukubita ajya kundega.\u201d<\/p>\n