Ubuyobozi bw\u2019Akarere ka Nyamasheke buravuga ko kuva tariki 07 Mata 2016 ubwo hatangizwaga Kwibuka ku nshuro ya 22 Jenoside, abantu 8 bamaze gutahurwaho ingengabitekerezo ya Jenoside, bakaba barashyikirijwe ubutabera.<\/p>\n
Muri abo bantu, harimo abasore 3 bo mu murenge wa Kirimbi bahamagawe ngo bajye kwifatanya n\u2019abandi kwibuka bakabyanga ahubwo bigira nko muri metero 15 uvuye aho abandi bari batangira kwikinira urusimbi.<\/p>\n
Umuyobozi w\u2019akarere ka Nyamasheke, Kamali Fabien avuga ko mu murenge wa Kanjongo na ho hagaragaye abantu 2 babonye abavuye gushyingura imibiri y\u2019abazize Jenoside, bakavuga ngo \u201cbarinitse, barinura, bashyira kuri shitingi none bavuye kongera kwinika.\u201d Aba na bo bahise batabwa muri yombi.<\/p>\n
Hari n\u2019abandi bagore 2 n\u2019umugabo bo mu murenge wa Kagano bari bagiye kwibuka, umwe mu barokotse Jenoside afatwa n\u2019ihungabana, abo bantu bari mu kabari batangira kumuvugiraho.<\/p>\n
Batangiye bavuga ko ngo yirizaga cyane atera imbabazi kugira ngo amafaranga ashyirwa mu gaseke mu gihe cyo kuremera abarokotse Jenoside batishoboye abantu barusheho kuyongera ahabwe menshi. Aba nabo bashyikirijwe inzego z\u2019ubutabera.<\/p>\n