Ubuzima butanga kubaho ni igikorwa gihambaye, gishingiye mu guhanga inkingi fatizo zirambye z\u2019umuhanda w\u2019ubuzima, no guha icyerekezo kiboneye umuryango w\u2019abantu mu rugendo rwawo rwa buri munsi, rugana ku isoko y\u2019urumuli, hagamijwe guha rubanda rw\u2019ejo hazaza ububasha bwo gutsinda imbaraga z\u2019umwijima, bityo muntu akava mu bucakara bwo kuba imbata y\u2019ikibi gisenya umutimanama wa muntu.<\/p>\n
Inzira yo kubaho kwa muntu ni urugendo ruva ibuzimu rugana ibuntu, ni isoko y\u2019imigisha ku mbaga ya muntu y\u2019ejo hazaza, ni itara rimurikira imbaga ya muntu, rikamuyobora ku ntimatima y\u2019ubuzima, ariyo soko y\u2019ubuzima butanga kubaho.<\/p>\n
Mu bisanzwe iyo muntu adasobanukiwe niyo ava, ntashobora no kumenya iyo agana,bityo agahora ategerereje mu mayirabiri umurandasi wamuyobora mu cyerekezo cy\u2019ubuzima butanga kubaho. Iyo umurandasi atabonetse, muntu mu bwishongore bwe, n\u2019ubwibone aterwa na kamere muntu yishora mu nzira y\u2019igihogere ihuje imisusire na kamere muntu , bityo agatera umugongo inzira yo kubaho, agahata ibirenge inzira y\u2019umuvumo n\u2019ubuyobe, maze agakururira imbaga y\u2019umuryango we amagorwa akomeye.<\/p>\n
Ntagushidikanya isi ya none dutuye yibyayemo amahari,urumuri rw\u2019ukuri n\u2019umwijima mutindi bibasha kubera muntu amahitamo agoye mu buzima, kuko bisimburana ubudatuza mu mibereho ye ya buri munsi, bikamubera ikigeragezo gikomeye, imanga igoye kuzamuka, bityo bikamubera imvano yo kudasobanukirwa iyo ava n\u2019iyo agana, arinako bimutera kwitiranya ikibi n\u2019ikiza, bikanagira ingaruka z\u2019urujya n\u2019uruza mu mibereho y\u2019abatuye isi.<\/p>\n
Iyo witegereje imibereho y\u2019abatuye isi , ntutinda kubona ubucakara n\u2019akarengane byugarije muntu wo mu gihe cya none. Umubare mu nini w\u2019abayituye wajyanywe bujyago kuko wugarijwe n\u2019ikibi, akarengane n\u2019ubucakara washowemo n\u2019abigize abagenga b\u2019isi y\u2019umwijima mutindi.<\/p>\n
Mu nyandiko zanjye nise \u00ab Impamvu yo kubaho \u00bb, ndasesengura imibereho y\u2019abatuye isi mu gihe cya none, ibibazo byugarije isi naho bituruka, ari nako ngerageza gutanga icyerekezo giha muntu umucyo n\u2019urumuli, bimuyobora mu nzira y\u2019ubuzima butanga kubaho.<\/p>\n
ISI DUTUYE MU BUCAKARA BWA MPATSIBIHUGU<\/p>\n
Isi dutuye muri iki gihe isa niyobowe n\u2019amasiha yo mu mwobo, asahura ibyarubanda akabihunika mu masenga, bityo abatuye isi bagasigara amaramasa, bicwirwa n\u2019inzara mu bihugu by\u2019abasekuruza babo, ibyabo byajyanywe bujyayo n\u2019abavantara bihaye ububasha bwo gusarura aho batabibye.<\/p>\n
Leta ziyoboye ibihugu muri iki gihe zahindutse amaduka y\u2019ubucuruzi, akoresha iminzani n\u2019ibipimo by\u2019uburiganya, ubusambo n\u2019ubuhemu, bityo zibera umubare munini w\u2019abatuye isi isoko y\u2019umubabaro n\u2019agahinda kadashira.<\/p>\n
Mu gihe cya none ntakibi nko kuba umukene, rubanda giseseka, kuko uhinduka agatambaro abifite bihanaguzaho imyanda yo mubirenge byabo, ukaba igicibwa, umwanda unuka ujugunywa mu bishingwe bitwikwa, ukaba igicibwa mu bawe, ukamburwa ijambo n\u2019ubumuntu.<\/p>\n
Umukene ntakigira ijambo n\u2019agaciro mu muryango we, kuko agaciro k\u2019ubuzima mu bihe bya none kabarirwa mu mitungo muntu yigwijeho, bityo udatunze akamburwa ubuzima, agahindurwa ibicuruzwa bibyarira inyungu abifite. Igihe ubuzima bwe butakibyara inyungu, rubanda giseseka yamburwa ubuzima agahinduka ubusabusa, ikivume nk\u2019ibicuruzwa byarengeje igihe kigurwa, maze akajyanwa mu ngarani, ubuzima bwe bugahinduka amateka atagifitiye abatuye isi akamaro.<\/p>\n
Isi dutuye ntikigegwa n\u2019amategeko afitiye abenegihugu, rubanda nyamwishi akamaro, kuko yaganywe bunyago n\u2019abifite, bafite agatuza, bityo bakabasha gushyiraho amategeko arengera inyungu zabo bwite, bakoresheje rubanda bagizwe abacakara, bakamburwa ijambo n\u2019ubumuntu, maze bagahindurwa ingurane z\u2019ibintu bitifitemo ubumuntu.<\/p>\n
Mpatsibihugu, umugenga w\u2019iy\u2019isi y\u2019umwijima yateje umwiryane n\u2019ubwiko mu miryango y\u2019abantu mu bice bitandukanye by\u2019abatuye isi, agamije gutsimbataza ubuhake n\u2019ubucakara muri rubanda nyamwishi no kwimika ibikomangoma mu byitso bye. Ntagira imbabazi, kuko ubuzima bwa muntu ntacyo bumubwiye, agenzwa no gusahura no gusenya, bityo ngo bimuhe kwitwa igihangange mu bihe byose.<\/p>\n
Isi ya none yugarijwe n\u2019intambara, inzara, ibyorezo, iterabwoba n\u2019igitugu gikabije mu gufata ibyemeze biyobora imiryango y\u2019abantu.Ntagushidikanya intambara zishyirwaho na mpatsibihugu utakigira umutima w\u2019abantu, bityo zikamubera amasoko ( march\u00e9) y\u2019intwaro zibyara inyungu z\u2019abifite.<\/p>\n
Ngaho rero mbaga ya muntu ituye umurwa w\u2019urumuli rw\u2019Uhoraho, ukwiye kumenya ibi bikurikira :<\/p>\n
1) Impamvu yo kubaho ikwiye gushingira mu gutanga ubuzima.<\/p>\n
Ejo hazaza ha muntu ni amahitamo ategurwa none.<\/p>\n
Muryango wanjye, wowe utuye umurwa w\u2019urumuli w\u2019Uhoraho, hitamo ubuzima butanga kubaho,wiyambure ikinyoma kibyara umwijima mutindi,maze utegure inzira y\u2019ubuzima bw\u2019abawe bejo hazaza, bityo uzibukire umutego mutindi w\u2019abakurwanya.<\/p>\n
Muntu nyakuri ntashobora gutanga ubuzima atabwiyambuye.<\/p>\n
Ni koko ubuzima butanga kubaho buhora ari imbumbe, ikintu cyuzuye kidashobora kugabanywa ngo gisaranyanywe mu bihe bitandukanye. Gutegura ejo hazaza h\u2019umuryango, bidusaba kwiyambura ubuzima dufite none, bushingiye ku mateka ashaje, tukabuhuriza hamwe, tukabujonjora , bugakurwamo imbuto yaboze igatwikwa, maze imbuto nzima ikabibwa mu ntabire izira urwiri, bityo umusaruro uvuyemo ugacurwamo umwambaro mushya w\u2019ubuzima, wambarwa n\u2019abadukomokaho bose, bityo bakaba umuryango wigenga, wifitemo ubuzima bwo kubaho.<\/p>\n
Impamvu yo kubaho ni ugutanga ubuzima kubatabufite, ugatanga ikizere cyo kubaho kubambuye amizero y\u2019ejo hazaza, ugacana itara ritanga umucyo kubakigendera mu mwijima w\u2019isi, bityo ukambura ububasha umwanzi, ukimika umwami udahangarwa mu mibereho y\u2019abatuye isi ya none.<\/p>\n
2) Impamvu yo kubaho ikwiye gushingira ku buzima bw\u2019ibitagaragara.<\/p>\n
Ubuzima butanga kubaho ntibushingira kubigaragara, kuko busumba kure ibiriho , bukaba inkomoko n\u2019isoko y\u2019urumuli rw\u2019ubutabera n\u2019ubwigenge ruyobora imbaga ya muntu yiberaga mu bucacara bw\u2019ikibi, ikayoboka inzira y\u2019umunezero n\u2019ubwigenge bidashira, maze ukuri, ubutabera, ubworoherane bigahoberana, bikabasha gukubita ishuro igitero cy\u2019umwanzi, kiyobowe n\u2019umwijima w\u2019umwiryane,ubwikanyize, ubwironde n\u2019amacakubiri mu muryango.<\/p>\n
Ubupfayongo bwa muntu wa none bushingiye mu kwiyambura ubumuntu, agatera umugongo ubuzima butanga kubaho, umutimanama we akawusimbuza ikigirwamana cy\u2019ifaranga,ubuzima bwe bugashingira ku bintu bitifitemo ubuzima, agahunika ubukungu bwe munsi y\u2019umugina w\u2019imiswa, maze akibwira ko azi ubwenge kandi ari inzobere kabuhariwe mu kubika no gucunga neza ubukungu bwe. Ejo yagaruka agasanga ibyo yaruhiye imyaka y\u2019ubuzima bwe bwose , umuswa w\u2019ikuzimu wabihinduye ivu, maze byose bikamubera ipfabusa, agataha ikuzimu ari umutindi utagira roho n\u2019ubuzima.<\/p>\n
Impamvu yo kubaho ni ukurenga ibibangamiye muntu,ugatsinda ubwoba n\u2019urupfu, ukiyambura kameremuntu , ukambarira urugamba rugamije gucungura muntu,ukamwambika isura shya y\u2019abigenga.
\nImpamvu yo kubaho ni ugusenya intwaro y\u2019ikibi,ukimika ubutabera mu bantu, ukarwanya akarengane ,ugacana urumuli rw\u2019ejo hazaza, bityo ukabera imbaga ya muntu icyerekezo cy\u2019amahirwe yo kubaho mu munezero, ukaba intangarugero, urumuli ruboneshereza umurwa w\u2019Uhoraho.<\/p>\n
Impamvu yo kubaho ni ugusenya indili z\u2019abagome,ukahuranya icumu umugambanyi,maze ugahanga bundi bushya inkingi, n\u2019insisiro by\u2019ubuzima bwa rubanda rwejo hazaza.<\/p>\n
Harakabaho ineza ya muntu, imbabazi k\u2019umuryango w\u2019Uhoraho.<\/p>\n
Harakabaho ubutabera mu bantu, ubwiyoroshye n\u2019ubugwaneza, umupfakazi yicarane n\u2019ibikomangoma.<\/p>\n
Harakabaho amahoro n\u2019umunezero mu bantu, maze Uhoraho ature rwagati mu murwa w\u2019urumuli rwe.<\/p>\n
Vivant Celestin<\/strong><\/p>\n","protected":false},"excerpt":{"rendered":" Ubuzima butanga kubaho ni igikorwa gihambaye, gishingiye mu guhanga inkingi fatizo zirambye z\u2019umuhanda w\u2019ubuzima, no guha icyerekezo kiboneye umuryango w\u2019abantu mu rugendo rwawo rwa buri munsi, rugana ku isoko y\u2019urumuli, hagamijwe guha rubanda rw\u2019ejo hazaza ububasha bwo gutsinda imbaraga z\u2019umwijima, bityo muntu akava mu bucakara bwo kuba imbata y\u2019ikibi gisenya umutimanama wa muntu.<\/p>\n","protected":false},"author":4,"featured_media":14383,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[79],"tags":[],"class_list":["post-14382","post","type-post","status-publish","format-standard","has-post-thumbnail","hentry","category-iyobokamana"],"yoast_head":"\n