{"id":14842,"date":"2016-08-08T19:23:10","date_gmt":"2016-08-08T16:53:10","guid":{"rendered":"http:\/\/www.therwandan.com\/ki\/?p=14842"},"modified":"2016-08-10T03:57:17","modified_gmt":"2016-08-10T01:27:17","slug":"igenamigambi-mu-cyerekezo-2020-ryari-ryateguwe-rite-ubu-rigeze-he-umwe-mu-bariteguye-arasubiza","status":"publish","type":"post","link":"https:\/\/www.therwandan.com\/ki\/igenamigambi-mu-cyerekezo-2020-ryari-ryateguwe-rite-ubu-rigeze-he-umwe-mu-bariteguye-arasubiza\/","title":{"rendered":"Igenamigambi mu cyerekezo 2020 ryari ryateguwe rite? Ubu rigeze he? Umwe mu bariteguye, arasubiza."},"content":{"rendered":"

Mu kiganiro musanga ku mpera z\u2019iyi nyandiko, turaganira n\u2019umwe mu bantu b\u2019inararibonye. Ni umwe mu bantu bakoze politiki kuri ubu butegetsi burangajwe imbere na FPR Inkotanyi ndetse na mbere y\u2019aho. Ni umwe mu bantu babaye bahagaritse politiki ariko bakaba bayikurikiranira hafi. Ni na yo mpamvu muri iki gihe atumvikanira cyane mu itangazamakuru. Urebye, kuba yaremeye kunsobanurira ibyo namubajije, akampa n\u2019uburenganzira bwo kubitangaza, ni nko kumpfa agasoni kuko muri iyi minsi avuga ko atari muri gahunda yo kwinjira mu bikorwa bya politiki. Nyamara yayikoze imyaka irenga 20. Ari mu bantu bayikoze badatwarira iyo rigoramiye, ahubwo bayikora, bakoresha ubwenge budahigika roho n\u2019umutimanama.<\/em><\/p>\n

Yitwa Selesitini Kabanda aradusobanurira igenamigambi ry\u2019igihugu n\u2019uko ritegurwa rikanashyirwa mu bikorwa. Aratubwira uko abona iryo mu Rwanda ryifashe muri iki gihe. Ni umwe mu bateguye ndetse ayobora ibikorwa byinshi by\u2019igenamigambi, birimo n\u2019iby\u2019icyerekezo cya 2020, byateguwe hagati y\u2019umwaka w\u20192000-2002. Icyo gihe yari umunyamabanga wa Leta ushinzwe igenamigambi mu by\u2019ubukungu muri minisiteri y\u2019imari.<\/p>\n

Ni impuguke mu by\u2019ubuhinzi, ubukungu, amajyambere y\u2019icyaro, kunoza umurimo, akaba kandi inzobere mu gutegura neza ibikorwa n\u2019ubuziranenge, hirindwa icyateza ingaruka mbi mu bitegurwa. Uretse no kuba ibi byose yarabyize, haniyongeraho ko yakoze mu nzego zishinzwe ibikorwa nk\u2019ibyo.<\/p>\n

Mbera ya 94, yashinzwe amajyambere y\u2019icyaro, akorana na Banki y\u2019isi mu mishinga inyuranye mu Rwanda, yakoze muri minisiteri y\u2019ubuhinzi aho yari ashinzwe igenamigambi. Mu w\u20191998 yabaye umunyamabanga mukuru muri Minisiteri y\u2019intebe, ayivamo ahagana mu w\u20192000 ajya muri minisiteri y\u2019imari kugeza mu w\u20192003. Ubu atuye mu Bufaransa. Mu kigo akorera, ni umwe mu bayobozi bashinzwe kureba imigendekere myiza y\u2019ibikorwa, cyane cyane kureba ko bikoranwa ubuziranenge.<\/p>\n

Ese abanyarwanda bavuga iki, ku bimaze gukorwa muri gahunda y\u2019icyerekezo 2020?<\/strong><\/p>\n

Abari ku butegetsi n\u2019ababashima imikorere, bemeza ko ibikorwa byinshi mu byari biteganyijwe biri gutera imbere. Mu banyarwanda bari imbere mu gihugu hanarimo abasanga ko hari ibikorwa byadindiye ndetse bagatanga ingero. Bamwe mu bari mu Rwanda,\u00a0batanze ubuhamya bw\u2019ibyo bahagazeho<\/a>, ubuzima n\u2019imibereho babona mu gihugu, Tewofili, Pasikali na Emanweli, babitangarije umunyamakuru Gaspard Musabyimana kuri \u00ab micro \u00bb ya Radiyo Inkingi. Bavuga uko babona inzara ivugwa mu gihugu, ubushobozi bw\u2019umuturage, umutekano w\u2019abantu n\u2019ibintu, ubuvuzi, amashuri, ubushomeri, ikibazo cy\u2019amazi, n\u2019ibindi.<\/p>\n

Muri raporo y\u2019ishami ry\u2019umuryango w\u2019abibumbye ryita ku iterambere (PNUD) yasohotse ku itariki ya 27 Ukuboza 2015, igaragaza uko iterambere rihagaze ku muturage muri buri gihugu,\u00a0Urwanda ruri ku mwanya w\u2019163 ku bihugu 188.<\/a>Muri Afurika Urwanda ruza ku mwanya wa 30.<\/p>\n

Na ho mu ntangiriro z\u2019ukwezi kwa Nyakanga 2016,\u00a0Banki y\u2019isi yakoze raporo<\/a>igaragaza ko Urwanda ruri ku mwanya wa mbere mu miyoborere myiza mu bihugu by\u2019Afurika yo munsi y\u2019ubutayu bwa Sahara. Urebye izi raporo ziravuguruzanya. Hariho raporo zisohoka zigaragaza Urwanda ku mwanya mwiza, izindi zikarugaragaza mu b\u2019inyuma. Biterwa n\u2019iki? Na byo turagira icyo tubibazaho umutumirwa mu kiganiro.<\/p>\n

Mu mwaka w\u20192000 nibwo umuryango w\u2019abibumbye (ONU), uhuriwemo n\u2019ibihugu byo ku migabane yose,\u00a0wari wafashe ingamba 8<\/a>\u00a0zigamije iterambere rihamye ryiswe iry\u2019ikinyagihumbi. Buri gihugu cyagombaga kuzishyira mu bikorwa kandi ibihugu bikennye byabitewemo inkunga.<\/p>\n

Umwihariko Urwanda rufite nk\u2019igihugu cyari cyarasenyutse bitewe n\u2019ishyamirana ry\u2019abanyarwanda, by\u2019umwihariko abanyapolitiki, intamabara na jenoside, byatumye abategetsi bategura igenamigambi rijyanye koko n\u2019imiterere y\u2019igihugu n\u2019ibyo gikeneye kugeraho kandi kitirengagije na ziriya ngamba zari ziswe iz\u2019ikinyagihumbi.
\nIgenamigambi ry\u2019icyerekezo cy\u2019umwaka wa 2020, ryari\u00a0ryubakiwe ku ngamba 10 z\u2019ingenzi<\/a>, umutumirwa muri iki kiganiro arazidusobanurira. Zose zari zigamije gukemura ibibazo by\u2019igihugu n\u2019abagituye ndetse zikabageza ku iterambere rirambye.<\/p>\n

Iyo igenamigambi rikozwe neza riganisha ku iterambere. Iyo rishyizwe nabi mu bikorwa, cyangwa ntiritegurwe ku buryo bubereye abenegihugu, bikurura ingaruka mbi.<\/p>\n

Ibikorwa by\u2019iterambere ntawubasha kubyubakira rimwe, kabone n\u2019iyo yaba abifitiye amikoro. Ibi birashimangira ko hagomba kubaho gahunda yizwe neza n\u2019ababihugukiwemo, babanza no kwiga imishinga inyuranye yerekana uko ibikorwaremezo mu gihugu bizagerwaho mu buryo buboneye, hatirengagijwe n\u2019ibitekerezo biva ku benegihugu bo mu nzego zose.<\/p>\n

Byinshi mu bikorwa by\u2019iterambere biruzuzanya. Ni ukuvuga ko bigira uko bikurikirana. Byanze bikunze hari ibibanziriza ibindi. Urugero nko mu buzima busanzwe, ntawagura amatungo yo korora, atarateguye aho azayororera, n\u2019ibizayatunga. Ntawakubaka uruganda ruzakoresha amazi, atarabanje kwiga uburyo azayahageza \u2026<\/p>\n

Iyo bigeze ku rwego rw\u2019igihugu, ibikorwaremezo ntibihubukirwa, ahubwo abahanga n\u2019abashakashatsi bagira uruhare mu gutanga inama mu igenamigambi n\u2019uburyo ibikorwa binyuranye bishyirwaho. Bitewe n\u2019amikoro y\u2019igihugu hagomba kandi no kuzirikanwa ibikorwa byihutirwa kurusha ibindi.<\/p>\n

Igenamigambi n\u2019iterambere ry\u2019igihugu nyaryo, ni irishyira imbere imibereho myiza y\u2019abagituye.<\/p>\n

\u00a0<\/em><\/p>\n