Depite wa Kongo Roger Lumbala Tshitenge yahungiye muri ambasade ya Afurika y\u2019epfo mu Burundi.<\/p>\n
Amakuru agera ku Umuvugizi yemeza ko inzego z\u2019umutekano z\u2019Uburundi ziherutse gufunga umudepite ubarizwa mu gice cy\u2019abatavuga rumwe n\u2019ubutegetsi bwa Kongo, ubwo yakomokaga mu Rwanda kujya gukorana imishyikirano na Gen Kabarebe. Akigera i Burundi, Hon Roger Lumbala Tshitenge yahise atabwa muri yombi n\u2019inzego z\u2019umutekano z\u2019Uburundi.<\/p>\n
Nyuma yo gutabwa muri yombi no kubazwa n\u2019izi nzego, Hon Roger Lumbala yashoboye gutoroka, ahungira muri ambasade ya Afurika y\u2019epfo mu Burundi. Tubajije minisitiri w\u2019itangazamakuru, akaba n\u2019umuvugizi wa Leta ya Kongo, Lambert Mende, ku bijyanye n\u2019itoroka ry\u2019uyu mudepite washakaga guhirika ubutegetsi bwa Kabila, abifashijwemo n\u2019u Rwanda, yadusubije muri aya magambo : \u201cNi byo koko twavuganye n\u2019inzego z\u2019umutekano z\u2019Uburundi, zidutangariza ko ejo zafashe uyu mudepite aturutse mu Rwanda, ku butumire bwa Gen Kabarebe. Uyu mudepite akaba yarabanje kwakirwa n\u2019umunyamabanga wihariye wa Kabarebe ushinzwe Kongo, ari we Capt C\u00e9lestin Sekoko, alias Safari, nyuma aza guhura na Kabarebe ubwe, wamusabye ko yafatanya na mubyara we, Col Kibango, na none uherutse gutoroka igisirikare cya FARDC, bagafatanya kuyogoza Kongo\u201d. <\/em><\/p>\n Minisitiri Mende yanadutangarije ko \u201cinzego z\u2019umutekano z\u2019Uburundi zashoboye kubona amakuru yuko uyu mudepite yari yitwaje amaterefoni agendanwa, agera ku munani, amwe akaba yarayavuganiragaho na mubyara we Col Kibango, andi akayavuganiraho na Gen Kabarebe. Gen Kabarebe akaba yari amaze gusaba depite Roger Lumbala kumufasha mu kumvisha aba Mai Mai Rai Mutomboki, Col Mutebutsi, Capt Amuli, ari we uyoboye Mai Mai ya Kutumba, gufatanya bakarwanya Leta ya Kabila kugirango ikibazo cyitwa ko ari icy\u2019abanyarwanda bakomeje guhungabanya umutekano wa Kongo, cyumvikane ko ahubwo ari icy\u2019abanyekongo bose . Aba bose bakaba baragombaga gufatanya na M23 kimwe n\u2019undi munyapolitiki wahoze ari umuyobozi wa Kivu y\u2019amajyepfo, ariwe Chiribanya Chirimwami kugeza ubu wahungiye mu Rwanda, mu migambi yabo yo guhungabanya umutekano wa Kongo Kinshansa\u201d.<\/em><\/p>\n