Padiri Prof. Nyombayire Faustin yatunze urutoki abayobozi bakandagira nkana umuco nyarwanda, Ikinyarwanda bakigira nk\u2019abatakizi, bakakivangavanga n\u2019indimi z\u2019amahanga na zo batazi neza.<\/p>\n
Mu kiganiro ku murage ndangamuco w\u2019u Rwanda mu nama nyunguranabitekerezo ku ruhare rw\u2019umuco mu iterambere, muri iki cyumweru cyo kwizihiza umuganura, Padiri Nyombayire yashimangiye ko ururimi n\u2019indangagaciro ari zo nk\u2019inkingi zikomeye muri eshanu zigize umuco nyarwanda ugomba kubahwa, ugasigasirwa.<\/p>\n
Avugana n\u2019itangazamakuru, uyu mushakashatsi yarambuye uko abona izi nkingi zihagaze mu Rwanda, agaragaza ko hari aho zifite ikibazo.<\/p>\n
Avuga ko mu mikoreshereze y\u2019Ikinyarwanda, hari abayobozi [atifuje kugira abo avuga mu mazina] usanga mu mbwirwaruhame zabo, batita ku kumenya abo zigenewe, bakavangavanga Ikinyarwanda n\u2019indimi z\u2019amahanga, rimwe na rimwe akabivangavanga abwira abaturage batize.<\/p>\n
Yagize ati \u201cUbundi umuntu warezwe, ururimi rw\u2019abo abwira ni rwo avuga. Kuko kubwira abantu ururimi batazi ni nko kubwira umuntu ufite ubumuga bwo kutumva. Birababaje rero, na byo tubivuge, cyane cyane ku bayobozi n\u2019abarezi rimwe na rimwe ufata ijambo akarangiza abantu bayoboye ibyo ari byo.\u201d<\/p>\n