Ibitaro bya Nyagatare byabujije abarwayi 74 gutaha kuko babuze amafaranga yo kwishyura serivizi zitandukanye z\u2019ubuvuzi bahawe, ubu bamwe muri bo bakaba bamaze amezi hafi abiri bari mu nzu imwe bashyiriweho.<\/p>\n
Abo barwayi bavuga ko hari abamaze hafi amezi abiri bafungiye mu nzu bashyizwemo, ku buryo hari n\u2019ababura ababagemurira, abandi bagatungwa no gusabiriza.<\/p>\n
Umuyobozi w\u2019Ibitaro bya Nyagatare, Dr Ngabire Nkunda Philippe yatangarije RBA ko bafashe umwanzuro nk\u2019uwo birinda ibibazo byinshi.<\/p>\n
Yagize ati \u201cMu cyumweru gishize twari dufite abarwayi 74 bose bafite ibibazo bya mitiweli, amahirwe dufite ubu ni uko twabashije kubona icyumba bihariye, kirimo n\u2019ibitanda. Baryamye neza, uhageze wagira ngo ni abantu bakirwaye, ariko ni abantu bakize basezerewe babuze ubwishyu. Hari abadafite ikarita ya mitiweli , hakaba abandi bishyuye bafite inyemezabwishyu [borderaux] ko bishyuye ariko batarabona izo karita. Hakaba n\u2019abandi bafite ikarita, ariko rya 10% bagomba kwishyura kuko mitiweli ibishyurira 90%, bakaba barayabuze, ubwo ni ibibazo bitandukanye byose bifitanye isano na mitiweli, hakaba n\u2019ibindi byihariye.\u201d<\/p>\n
Dr Nkunda yavuze ko umubare wabo ugenda uhinduka umunsi ku wundi, ariko ko batakwirengera igihombo giterwa n\u2019abatishyuye.<\/p>\n
Ati \u201cTutarafata izi ngamba, abantu barenga 70 bose baramutse bagiye batishyuye ni amafaranga arenga miliyoni zingahe?, ni miliyoni nyinshi kandi bagiye batazishyuye nta wundi tuba dutegereje ngo azayishyura, ubwo ibitaro biba bihombye niko guhombya ikigo cya leta.\u201d<\/p>\n
Yongeyeko ibyo bitaro bifitiwe ideni, kubera iyo mpamvu bakaba batakwihanganira ko bisubira.<\/p>\n
Ati \u201cAriko kuba dushyizeho ziriya ngamba hari abagerageza bakiguriza bakifashisha mu miryango, hari n\u2019ababona makeya tukaba tugumanye ayo bagasinya ko bazaza kwishyura asigaye, amadeni y\u2019abagiye batishyuye ibitaro tuyateranyije yose arengeje miliyoni umunani. Byahereye kera mu myaka hafi itatu.\u201d<\/p>\n
Mu bagomba kwishyura harimo nk\u2019abagore babyaye bababazwe, aho usanga hari nk\u2019ugomba kwishyura ibihumbi 200 ari umwe, hakaba abagomba kwishyura mu bihumbi 100 n\u2019ayandi, n\u2019ari munsi yayo.<\/p>\n
IGIHE yagerageje kuvugana n\u2019Ubuyobozi bw\u2019Akarere ka Nyagatare, Musabyemariya Domithile, Umuyobozi wungirije ushinzwe imibereho myiza y\u2019abaturage, avuga ko icyo kibazo bakizindukiyeho muri iki gitondo mu nama, nyuma y\u2019isaha imwe bagaragaza umwanzuro bagifatiye.<\/p>\n