Minisitiri w\u2019Urubyiruko, ikoranabuhanga n\u2019isakazabumenyi Jean Philbert Nsengimana, yatunguwe no kumva ko hari bimwe mu bigo by\u2019amashuri byigisha ikoranabuhanga mu magambo gusa, aho umwana aba yiga mu mashuri yisumbuye atarabona mudasobwa.<\/p>\n
Mu ruzinduko aherutse kugirira mu karere ka Rusizi, Minisitiri Nsengimana yasanze hari ibigo by\u2019amashuri bitagira mudasobwa n\u2019imwe, aho usanga bayiga mu magambo gusa ntawe urayica iryera.<\/p>\n
Uwamahoro Jeannette, wiga mu rwunge rw\u2019amashuri rwa Mwegera, mu murenge wa Gikundamvura, mu mwaka wa 2 w\u2019amashuri yisumbuye, yahamije ko batarabona mudasobwa, kuko ku kigo cyabo ntayihaba, ndetse ngo no mu barimu bose ntawe uyitunze.<\/p>\n
Yagize ati \u201cTwiga ICT mu magambo (Th\u00e9orie) gusa kandi abenshi muri twe ntiturabona mudasobwa mu maso, kuko n\u2019abarimu bacu nta n\u2019umwe uyigira, no mu biro bya diregiteri ntayibamo byose abikoresha intoki.<\/p>\n
N\u2019iyo hari igikeneye amafaranga ushinzwe umutungo ateranyisha akamashini gasanzwe akandikisha intoki, ariko amakayi yacu yuzuyemo ibyo tutazi, kuko kumbwira ngo ukirika (Click) suri hano kandi n\u2019iyo suri ntarayibona, ntacyo nunguka na gato.\u201d<\/p>\n