{"id":15240,"date":"2016-08-23T23:01:40","date_gmt":"2016-08-23T20:31:40","guid":{"rendered":"http:\/\/www.therwandan.com\/ki\/?p=15240"},"modified":"2016-08-23T23:05:11","modified_gmt":"2016-08-23T20:35:11","slug":"nouvelle-generation-leta-yica-abaturage-yakagombye-kurengera-ntikwiye-gukomeza-kwitwa-leta","status":"publish","type":"post","link":"https:\/\/www.therwandan.com\/ki\/nouvelle-generation-leta-yica-abaturage-yakagombye-kurengera-ntikwiye-gukomeza-kwitwa-leta\/","title":{"rendered":"Nouvelle G\u00e9n\u00e9ration : Leta yica abaturage yakagombye kurengera ntikwiye gukomeza kwitwa Leta !"},"content":{"rendered":"

ITANGAZO\u00a0 RYAMAGANA UBWICANYI POLISI\u00a0 Y\u2019U RWANDA IKORERA ABATURAGE YAKAGOMBYE KURENGERA.<\/strong><\/p>\n

Amashyaka yibumbiye mu ihuriro rya NOUVELLE\u00a0 GENERATION aramenyesha Abanyarwanda bose ndetse n\u2019amahanga ibi bikurikira:<\/p>\n

    \n
  1. Muri iyi minsi mu Rwanda haravugwa ubwicanyi bukorerwa abaturage kandi bugakorwa n\u2019inzego za polisi y\u2019u Rwanda nyamara ariyo yakagombye kurengera abo baturage.<\/li>\n
  2. Bamwe mu bicwa barashwe harimo ababa bamaze igihe kinini barashimuswe n\u2019inzego z\u2019iperereza bagafungirwa ahantu hatazwi kure y\u2019imiryango yabo kandi bakabuzwa uburenganzira bwo kugezwa imbere y\u2019umucamanza ngo bisobanure niba koko hari ibyo bashinjwa.<\/li>\n
  3. Iyo bamaze kuraswa polisi ibagerekaho ngo kuba bakoranaga n\u2019imitwe ya Kiyislamu yitwara butagondwa nyamara nta kimenyetso na kimwe kibigaragaza, yewe n\u2019inzego z\u2019ubutasi z\u2019ibihugu byateye imbere kandi bikoresha \u00ab\u00a0technologie\u00a0\u00bb ihambaye byagaragaje ko mu Rwanda iyo mitwe itahakorera. Akenshi kandi usanga n\u2019abarasirwa mu Rwanda harimo abatari abayisilamu.<\/li>\n<\/ol>\n

    Bityo rero:<\/strong><\/p>\n

      \n
    1. Hashingiwe ku ihame ry\u2019uko ukekwaho icyaha wese akwiye gushyikirizwa ubutabera,<\/li>\n
    2. Hashingiwe kandi ku ihame ry\u2019uko umuntu utarahamwa n\u2019icyaha aba afatwa nk\u2019umwere mu gihe cyose ataracibwa urubanza ngo ahamwe n\u2019icyaha,<\/li>\n
    3. Hashingiwe ko mu Rwanda igihano cy\u2019urupfu cyavuyeho,<\/li>\n<\/ol>\n

      Twe abayobozi b\u2019amashyaka yibumbiye mu Ihuriro rya NOUVELLE\u00a0GENERATION:<\/p>\n

        \n
      1. Tubabajwe bikomeye n\u2019ubu\u00a0bwicanyi bukorerwa abenegihugu nta cyaha cyabahamye nta n\u2019ikimenyetso na kimwe cyagaragajwe ko abo bantu koko ari intagondwa cyangwa ko bateguraga ibikorwa by\u2019iterabwoba<\/li>\n
      2. Twamaganiye kure ubu bwicanyi kandi tukibutsa ko Itegeko Nshinga ry\u2019u Rwanda ryo mu mwaka wa 2003 nk\u2019uko ryavuguruwe mu mwaka wa 2015, riteganya ko:<\/li>\n<\/ol>\n

        \u201cUmuntu wese afite uburenganzira bwo kubaho, ntawe ushobora kuvutswa ubuzima mu buryo bunyuranije n\u2019amategeko\u201d\u00a0<\/em><\/strong>(ingingo ya 12)<\/p>\n

        \u201cUmuntu ni umunyagitinyiro kandi ni indahungabanywa, Leta ifite ishingano zo kumwubaha, kumurinda no kumurengera\u201d\u00a0<\/em><\/strong>Ingingo ya 13.<\/p>\n

        Amashyaka ahuriye mu Ihuriro NOUVELLE GENERATION aboneyeho gusaba Leta y\u2019u Rwanda ibi bikurikira.<\/p>\n

          \n
        1. Guhagarika bwangu ibyo bikorwa by\u2019ubwicanyi,<\/li>\n
        2. Guhana by\u2019intangarugero abapolisi barashe bakavutsa ubuzima\u00a0Channy MBONIGABA<\/strong>\u00a0ku mugoroba wo kuwa 17 Kanama 2016 i\u00a0 Nyarutarama, mu mujyi wa Kigali kimwe n\u2019abarashe kandi bakica\u00a0Eric MBARUSHIMANA, Hassan NKWAYA<\/strong>\u00a0na\u00a0Mussa BUGINGO<\/strong>\u00a0mu rukerera rwo kuwa 19 Kanama 2016 mu Bugarama mu Ntara y\u2019Uburengerazuba<\/li>\n
        3. Gusezerera ku murimo abayobozi ba gipolisi bayoboye uturere ibyo byaha bigayitse byakorewemo<\/li>\n
        4. Kweguza Ministri w\u2019umutekano mu gihugu hagashyirwaho Ministri uzaharanira iyubahirizwa ry\u2019amategeko.<\/li>\n<\/ol>\n

          Turasaba Abanyarwanda bose kandi gutinyuka bagaharanira uburenganzira bwabo kuko bigaragara neza ko inzego za polisi zishobora gukomeza kwitwaza ngo hari abashaka guteza umutekano mukeya mu gihugu, nyamara zigamije gucecekesha abanyarwanda baba bifuza kugaragaza ibitekerezo byabo byubaka no kwamagana akarengane FPR ikorera abenegihugu nk\u2019uko babyemererwa n\u2019amategeko\u00a0u Rwanda rugenderaho ndetse n\u2019amahame mpuzamahanga.\u00a0Uburenganzira buraharanirwa<\/i>.<\/p>\n

          Leta yica abaturage yakagombye kurengera ntikwiye gukomeza kwitwa Leta !<\/b><\/em><\/p>\n