Ubuyobozi bw\u2019Umudugudu wa Gatare mu Kagari ka Mwendo mu Murenge wa Mbuye ho mu Karere ka Ruhango burashinjwa kugurisha isambu ya Sinzibiramuka Eduard kubera imyumbati icyenda umwana we yibye.<\/i><\/p>\n
Mu gitondo cyo ku wa Gatandatu tariki ya 20 Kanama 2016, ni bwo umukuru w\u2019umudugudu wa Gatare yafashe icyemezo cyo kugurisha isambu ya Sinzibiramuka nyuma y\u2019uko abuze amafaranga yo kuriha imyumbati icyenda umwana we w\u2019imyaka 12 yari akuye mu murima w\u2019abandi.<\/p>\n
Bizimana (Izina ryahinduwe) utuye muri aka gace yabwiye IGIHE ko nyuma y\u2019aho umwana wa Sinzibiramuka atwariye iyo myumbati icyenda, umukuru w\u2019umudugudu wa Gatare Nshimyumukiza Protogene na nyir\u2019imyumbati bahise batangira kumukubita[Sinzibiramuka] bigera aho bamushuka ngo agurishe isambu ye kugira ngo abone amafaranga yo kuyiriha.<\/p>\n
Yagize ati \u201c Nyine nyuma y\u2019ako babonye ko umwana we ayitwaye bahise bajya kuri uwo musaza batangira kumukubita no kumukanga ngo baramufunga ku buryo byageze aho basa nk\u2019abamujyanye ku Murenge bageze mu nzira baramushuka barumvikana ajya kugurisha isambu ye ako kanya kugira ngo yishyure amafaranga y\u2019iyo myumbati.\u201d<\/p>\n
Akomeza avuga ko Sinzibiramuka akimara kumva ko ashobora gufungwa kubera ko nta mafaranga na make yari afite yo kwishyura iyo myumbati, na we yahise yemera agurisha isambu ye ku mafaranga ibihumbi 120 gusa, mu gihe bivugwa ko mu minsi ishize hari abantu bashakaga kuyimugurira bamuhaye ibihumbi 400 akabyanga.<\/p>\n