Umuyobozi w\u2019Ingabo mu Mujyi wa Kigali no mu Ntara y\u2019i Burasirazuba, Gen. Mubarak Muganga, yatangaje ko abashinzwe umutekano badashobora kwihanganira umuntu wese ukora ibikorwa biwuhungabanya birimo ubujura, gupfumura inzu, gukora iterabwoba n\u2019ibindi nka byo<\/p>\n
Yabibwiye abaturage bo mu Murenge Nyarugunga mu Karere ka Kicukiro mu Mujyi wa Kigali bari bitabiriye umuganda usoza ukwezi wabaye kuri uyu wa Gatandatu tariki ya 27 Kanama 2016, aho bawukoreye mu Kagari ka Rwimbogo.<\/p>\n
By\u2019umwihariko, ku kibazo cy\u2019abashikuza abagore amasakoshi na telefone kigenda kigaragara mu bice bitandukanye by\u2019Umujyi wa Kigali nka Nyamirambo na Nyabugoro ngo uzabigerageza azabona isomo.<\/p>\n
Gen. Mubarak wavuze ko ari mushya ku mwanya w\u2019ubuyobozi bw\u2019ingabo mu Mujyi wa Kigali no mu Ntara y\u2019i Burasirazuba kuko yari asanzwe ayobora izo mu Ntara y\u2019i Burengerazuba, yagize ati \u201c Hari abantu tudashobora kumvikana batajya bampa n\u2019amashyi kuko baranzi. Ba bantu bashikuza isakoshi z\u2019abagore n\u2019amatelefoni ndetse n\u2019abashaka imirimo itaduhesha agaciro. Uzashikuza isakoshi dushikuze ukuboko kwawe.\u201d<\/p>\n
Yakomeje agira ati \u201c Nizere ko mbivuze ku mugaragaro mwese mwabyumvise kandi mfite abasore babyigiye bambara nkamwe rimwe na rimwe ntimubimenye, ndetse n\u2019abambaye nkanjye iyo twabishatse. Mujya mubona uko bahagaze hirya no hino. \u201c<\/p>\n
\u201cIgishoboka gusa ni ukugutokoza mu jisho cyonyine kandi rimwe(Icyo Kinyarwanda mwacyumvise?)Ntabyo kurushya bagenzi bacu b\u2019abapolisi ngo bamujyanye ubundi abantu bamugemurire.N\u2019abandi mubibabwire, muti \u2019umuntu waje hariya ntasanzwe. Ni byo nigiye, ni byo nigishijwe.Nta wateza umutekano mucye ngo tubyemere, wenda agiye ahandi ntazi ariko ntajye muri \u2019East Africa\u2019, kuko turi igihugu kimwe.\u2019”<\/p>\n
Ku kibazo cy\u2019abashaka kuzana ibikorwa by\u2019ubutagondwa Gen Mubarak yavuze ko bazajya bahanwa bikomeye kurenza abandi.<\/p>\n
Ati \u201cAba bantu baza bashaka guhungabanya ibikorwa by\u2019amajyambere abantu bagezeho kuko bareba nk\u2019inzu aho gutekereza kubaka indi akumva yayijya munsi igaturika. Aba bo impamba mbafitiye irenze iya babandi bashikuza amasakoshi, kandi bo nimbahana nzajya nongeraho ko ndi umuyisilamu kuko ntitwakwemera abantu biyitirira idini runaka mu bikorwa by\u2019ubugizi bwa nabi.\u201d<\/p>\n
Mu rwego rwo gusigasira umutekano u Rwanda rufite, yasabye abaturage bo mu Murenge wa Nyarugunga gukumira icyaha kitaraba buri wese akaba ijisho rya mugenzi we ndetse agatanga n\u2019amakuru ku igihe kandi vuba.<\/p>\n