Urwego rw\u2019Abanyamakuru Bigenzura (RMC) ruravuga ko umuryango w\u2019umunyamakuru John Ndabarasa wayoboraga Sana Radio warumenyesheje ko babuze umuntu wabo, bakamushaka bagaheba.<\/p>\n
Umunyamabanga Nshingwabikorwa wa RMC, Mugisha Emmanuel, kuwa 26 Kanama 2016, yabwiye Izubarirashe.rw ko iki kibazo RMC yakimenyesheje urwego rwa polisi rushinzwe kugenza ibyaha (CID).<\/p>\n
Mugisha avuga ko CID yabasabye gusobanura icyo kibazo mu nyandiko, bakaba bari kubikora.<\/p>\n
Ati \u201cTwarabimenye tubimenyesha polisi muri CID batubwira ko ari amakuru mashyashya bumvise, y\u2019uko bagiye gukora iperereza ariko ko tugomba gukora a formal request (kubisaba mu nyandiko), ni byo twarimo n\u2019umwe mu bagize umuryango wa Ndabarasa waduhaye ayo makuru kugira ngo badufashe kubikurikirana\u2026\u201d<\/p>\n
Ntiturabasha kuvugana n\u2019abo mu muryango wa Ndabarasa.<\/p>\n
SP Ndushabandi Jean Marie Vianney ukora mu biro by\u2019umuvugizi wa Polisi ku rwego rw\u2019Igihugu yabwiye Izubarirashe.rw ko umuryango wa Ndabarasa ugomba kugeza iki kibazo kuri sitasiyo ya polisi iwegereye.<\/p>\n
Ati \u201cAbabyeyi be se cyangwa umuryango we bajye gutanga ikirego kuri sitasiyo ya polisi ibegereye, kugira ngo hakorwe iperereza, ashakishwe. Ubundi iyo ari umuntu wabuze mu muryango tutitaye ku cyo yaba akora umuryango we ujya gutanga ikirego kuri polisi.\u201d<\/p>\n
Kagame Manzi Justin wahawe kuyobora Sana Radio nyuma y\u2019aho Ndabarasa aburiwe irengero, aravuga ko aheruka kumuca iryera kuwa 7 Kanama 2016, bakaba barabuze aho bamushakira kuva icyo gihe.<\/p>\n
Avuga ko ubusanzwe bakoranaga ikiganiro cya mu gitondo. Tariki 8 yaje mu kiganiro abura Ndabarasa, agikora wenyine, bukeye Ndabarasa amuhamagara amusaba kumusanga kwa Rubangura ngo aramukeneye mu buryo bwihutirwa.<\/p>\n
Manzi yabwiye Izubarirashe.rw ko atashoboye gusanga Ndabarasa kwa Rubangura kubera akazi kenshi yari afite, bapanga ko baza kubonana nimugoroba, nimugoroba yakira ubutumwa bwa Ndabarasa amumenyesha ko yagiye i Kampala.<\/p>\n
Avuga ko kuva icyo gihe atabasha kumubona no kuri telefoni, akaba yibaza impamvu atagarutse nk\u2019ejo kandi yari yamubwiye muri ubwo butumwa ko agaruka bukeye.<\/p>\n
Abo mu muryango wa Ndabarasa ngo bamubaza aho ari akabura icyo abasubiza, kuko Ndabarasa ngo yari yarababwiye ko nibajya bamubura bajya babaza Manzi kuko yari inshuti ye ya hafi cyane.<\/p>\n
Source: izuba rirashe<\/p>\n","protected":false},"excerpt":{"rendered":"
Urwego rw\u2019Abanyamakuru Bigenzura (RMC) ruravuga ko umuryango w\u2019umunyamakuru John Ndabarasa wayoboraga Sana Radio warumenyesheje ko babuze umuntu wabo, bakamushaka bagaheba.<\/p>\n","protected":false},"author":4,"featured_media":15310,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[80],"tags":[],"class_list":["post-15309","post","type-post","status-publish","format-standard","has-post-thumbnail","hentry","category-ibyo-twabasomeye-ibihwihwiswa"],"yoast_head":"\n