Kuri uyu wa 16 Ukwakira 2016 nibwo inkuru yasakaye ivuga ko uwahoze ari umwami w\u2019u Rwanda, bwana Jean Baptiste NDAHINDURWA, izina ry\u2019ubwami KIGERI wa gatanu, yitabye Imana aho yari atuye muri Leta zunze ubumwe z\u2019Amerika. Ishyaka FDU INKINGI rimwifurije kuruhukira mu mahoro kandi ryihanganishije umuryango we ndetse n\u2019abakunzi be.<\/p>\n
Ishyaka FDU INKINGI riboneyeho kwibutsa abantu bose ko Jean Baptiste Ndahindurwa yabaye umukuru w\u2019igihugu kuva yima ubwami ku itariki ya 25 Nyakanga 1959 kugeza ubwo ubwami bwaciwe mu Rwanda ku itariki ya 28 Mutarama 1961, ubwo hashyirwagaho repubulika yaje no kwemezwa na Kamarampaka yo kuwa 25 Nzeli 1961. Kubera iyo mpamvu, urupfu rwe ntirukwiye kwirengagizwa cyangwa ngo rufatwe nk\u2019urw\u2019undi muturage usanzwe. Ni uwahoze ari umukuru w\u2019igihugu utabarutse.<\/p>\n
Jean Baptiste Ndahindurwa aguye imahanga, adashoboye gutahuka mu Rwanda rwamubyaye, kubera ko ubutegetsi buyobowe na Prezida Kagame na FPR butashatse ko ataha nk\u2019uwahoze ari umukuru w\u2019igihugu. Yakomeje gutinya gutaha kimwe n\u2019abandi banyarwanda ibihumbi amagana banyanyagiye hirya no hino ki isi bambuwe uburenganzira bwo kuba mu gihugu cyabo.<\/p>\n
Ishyaka FDU INKINGI rirasaba ubutegetsi bw\u2019u Rwanda buyobowe na Prezida Kagame na FPR ye kurekera aho kwirengagiza urupfu rwa Jean Baptiste Ndahindurwa. Riramusaba<\/p>\n
kugaragaza umutima muntu maze agakora igikwiye kugira ngo Jean Baptiste Ndahindurwa ashyingurwe mu Rwanda, igihugu yahoze ayoboye, kandi bigakorwa mu cyubahiro gikwiye uwahoze ari umukuru w\u2019igihugu. Uwo ni umurimo ugomba gukorwa na Leta ya Kigali.<\/p>\n
Ishyaka FDU INKINGI rirasba kandi Leta y\u2019Urwanda gukora igikwiye kugira ngo, mu rwego rwo gushakira ituze abanyarwanda, hashyirweho irimbi ryihariye ry\u2019abahoze ari abakuru b\u2019igihugu. Byityo, bose bahabwe umwanya umwe w\u2019uburuhukiro bwabo, kandi uwo mwanya ukazafatwa nk\u2019ikimenyetso gihuza abanyarwanda bose n\u2019amateka yabo.<\/p>\n
Ishyaka FDU INKINGI riboneyeho na none gusaba Perezida Kagame na Leta ayoboye gukuraho inzitizi zose zibuza impunzi z\u2019abanyarwanda zikiri hanze gutaha mu gihugu cyazo, aho kugira ngo zikomeze kugwa ishyanga, kandi zifite igihugu zabujijwe kubamo kubera gutinya urugomo n\u2019akarengane ndetse no kubura ubwinyagamburiro mu mitekerereze ya politike.<\/p>\n
Bikorewe i Paris mu Bufaransa, ku itariki ya 17 Ukwakira 2016<\/p>\n
Mu izina rya FDU-Inkingi,<\/p>\n